ಅಹಮದಾಬಾದ್:ಇಂಗ್ಲೆಂಡ್ ತಂಡದ ನಿಗದಿತ ಓವರ್ಗಳ ಕ್ಯಾಪ್ಟನ್ ಇಯಾನ್ ಮಾರ್ಗನ್ ಮತ್ತೊಂದು ದಾಖಲೆ ನಿರ್ಮಾಣ ಮಾಡಿದ್ದು, ಇಂಗ್ಲೆಂಡ್ ತಂಡದ ಪರ 100 ಟಿ-20 ಪಂದ್ಯಗಳನ್ನಾಡಿರುವ ಮೊದಲ ಕ್ರಿಕೆಟ್ ಪ್ಲೇಯರ್ ಎಂಬ ರೆಕಾರ್ಡ್ ಬರೆದಿದ್ದಾರೆ.
ಅಹಮದಾಬಾದ್ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಭಾರತದ ವಿರುದ್ಧ ನಾಲ್ಕನೇ ಟಿ-20 ಪಂದ್ಯದಲ್ಲಿ ಈ ದಾಖಲೆ ನಿರ್ಮಾಣ ಮಾಡಿದ್ದಾರೆ. ಇದರ ಜತೆಗೆ ನ್ಯೂಜಿಲ್ಯಾಂಡ್ ತಂಡದ ರಾಸ್ ಟೇಲರ್, ಪಾಕಿಸ್ತಾನ ಕ್ರಿಕೆಟರ್ ಶೋಯೆಬ್ ಮಲಿಕ್ ಹಾಗೂ ಟೀಂ ಇಂಡಿಯಾ ಆರಂಭಿಕ ರೋಹಿತ್ ಶರ್ಮಾ ದಾಖಲೆ ಸರಿಗಟ್ಟಿದ್ದಾರೆ. ಟಿ-20 ಕ್ರಿಕೆಟ್ನಲ್ಲಿ ಮಾರ್ಗನ್ 2,306 ರನ್ಗಳಿಕೆ ಮಾಡಿದ್ದು, ಇದರಲ್ಲಿ 14 ಅರ್ಧಶತಕ ಸೇರಿಕೊಂಡಿವೆ.