ನವದೆಹಲಿ: ಭಾರತ ತಂಡದ ಮಾಜಿ ನಾಯಕ ಹಾಗೂ ವಿಕೆಟ್ ಕೀಪರ್, ಬ್ಯಾಟ್ಸ್‌ಮನ್ ಎಂ.ಎಸ್.ಧೋನಿ ಕ್ರಿಕೆಟ್ ಜಗತ್ತಿನ ಬಹುದೊಡ್ಡ ಸೂಪರ್‌ಸ್ಟಾರ್ ಎಂದು ವೆಸ್ಟ್ ಇಂಡೀಸ್ ತಂಡದ ಮಾಜಿ ನಾಯಕ ಹಾಗೂ ಮತ್ತು ಸಿಎಸ್ಕೆ ತಂಡದ ಸಹ ಆಟಗಾರ ಡ್ವೇನ್ ಬ್ರಾವೋ ಗುಣಗಾನ ಮಾಡಿದ್ದಾರೆ.
ಜಿಂಬಾಬ್ವೆ ಮಾಜಿ ವೇಗದ ಬೌಲರ್ ಪೊಮ್ಮಿ ಎಂಬಂಗ್ವಾ ಅವರ ಜೊತೆ ಇನ್ಸ್ಟಾಗ್ರಾಮ್ ಲೈವ್ ಸಂವಾದ ಮಾಡುತ್ತಿದ್ದ ವೇಳೆ ಧೋನಿ ಹಾಗೂ ಸಿಎಸ್ಕೆ ಫ್ರಾಂಚೈಸಿ ಕುರಿತು ಮಾತನಾಡಿದ್ದಾರೆ.
ನನ್ನ ಪ್ರಕಾರ, ಸಿಎಸ್ಕೆ ಯಶಸ್ಸಿಗೆ ಧೋನಿ ಮತ್ತು ಫ್ಲೆಮಿಂಗ್‌ಗೆ ಸಾಕಷ್ಟು ಮಹತ್ವ ನೀಡಬೇಕಾಗಿದೆ. ನಿಸ್ಸಂಶಯವಾಗಿ ಮಾಲೀಕರು, ಸ್ಟೀಫನ್ ಫ್ಲೆಮಿಂಗ್ ಮತ್ತು ಧೋನಿ ಇಬ್ಬರನ್ನೂ ನಂಂಬಿದ್ದಾರೆ. ಆದ್ದರಿಂದ ತಂಡದಲ್ಲಿ ಯಾವುದೇ ನಿರ್ಧಾರ ತೆಗೆದುಕೊಳ್ಳುವಾಗ ಹೊರಗಿನವರ ಹಸ್ತಕ್ಷೇಪವಿರುವುದಿಲ್ಲ. ಇಬ್ಬರೂ ಆಟದ ದೊಡ್ಡ ವಿದ್ಯಾರ್ಥಿಗಳು, ತಂಡದ ಎಲ್ಲಾ ಆಟಗಾರರು ಎಂಎಸ್ ಅವರನ್ನು ಪ್ರೀತಿಸುತ್ತಾರೆ. ಇದಕ್ಕೆ ಫ್ರಾಂಚೈಸಿ ಮತ್ತು ಅಲ್ಲಿನ ವಾತಾವರಣ ಕೂಡ ನೀವು ನೀವಾಗಿರಲು ಅನುವು ಮಾಡಿಕೊಡುತ್ತದೆ ಎಂದು ಬ್ರಾವೋ ತಿಳಿಸಿದ್ದಾರೆ.