ಮುಂಬೈ:ಭಾರತದ 'ದಿ ವಾಲ್' ಖ್ಯಾತಿಯ ಕನ್ನಡಿಗ ಕ್ರಿಕೆಟಿಗ ರಾಹುಲ್ ದ್ರಾವಿಡ್ ಕೇವಲ ಬ್ಯಾಟಿಂಗ್ನಲ್ಲಷ್ಟೇ ಅಲ್ಲ, ಫೀಲ್ಡಿಂಗ್ನಲ್ಲೂ ಮಿಂಚುತ್ತಿದ್ದರು. ಟೀಂ ಇಂಡಿಯಾ ಸ್ಪಿನ್ನರ್ ಹರ್ಭಜನ್ ಸಿಂಗ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿರುವ ವಿಡಿಯೋ ವೈರಲ್ ಆಗುತ್ತಿದ್ದು, ಕ್ರಿಕೆಟ್ ಬಳಗದಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಭಾರತ ತಂಡ ಸಂಕಷ್ಟದಲ್ಲಿದ್ದ ಸಂದರ್ಭದಲ್ಲಿ ಬ್ಯಾಟ್ ಹಿಡಿದು ಕ್ರೀಸ್‌ನಲ್ಲಿ ಗೋಡೆಯಂತೆ ನಿಂತು ಸಾಕಷ್ಟು ಪಂದ್ಯಗಳನ್ನು ಸೋಲಿನ ದವಡೆಯಿಂದ ಪಾರು ಮಾಡಿರುವ ಕೀರ್ತಿ ದ್ರಾವಿಡ್ ಅವರಿ‌ಗೆ ಸಲ್ಲಬೇಕು.
ಹರ್ಭಜನ್ ಸಿಂಗ್ ಶೇರ್ ಮಾಡಿರುವ ವಿಡಿಯೋಗೆ ಮಾಜಿ ಕ್ರಿಕೆಟಿಗರಾದ ವಿ.ವಿ.ಎಸ್.ಲಕ್ಷ್ಮಣ್, ಅನಿಲ್ ಕುಂಬ್ಳೆ, ಅಮೋಲ್ ಮಜುಂದಾರ್ ಹಾಗೂ ಹಾಲಿ ಕ್ರಿಕೆಟಿಗರಾದ ಸುರೇಶ್ ರೈನಾ, ಆರ್.ಆಶ್ವಿನ್, ಸೂರ್ಯಕುಮಾರ್ ಯಾದವ್ ಫಿದಾ ಆಗಿದ್ದಾರೆ.
ಭಾರತ ಕಂಡ ಅತ್ಯುತ್ತಮ ಫೀಲ್ಡರ್ಗಳಲ್ಲಿ ಒಬ್ಬರಾಗಿರುವ ದ್ರಾವಿಡ್ ಈಗಲೂ ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಕ್ಯಾಚ್ ಪಡೆದ ಆಟಗಾರ ಎಂಬ ದಾಖಲೆಯನ್ನು ತಮ್ಮ ಹೆಸರಿನಲ್ಲೇ ಉಳಿಸಿಕೊಂಡಿದ್ದಾರೆ. 2012 ರಲ್ಲಿ ಕ್ರಿಕೆಟ್‌ಗೆ ಬದುಕಿಗೆ ತೆರೆ ಎಳೆದಿರುವ ಅವರು ಟೆಸ್ಟ್ನಲ್ಲಿ 210, ಏಕದಿನ ಕ್ರಿಕೆಟ್ನಲ್ಲಿ 124 ಕ್ಯಾಚ್ಗಳನ್ನು ಪಡೆದಿದ್ದಾರೆ.