ಚೆನ್ನೈ :ಇಂಗ್ಲೆಂಡ್ ವಿರುದ್ಧ ಚೆನ್ನೈನ ಎಂ ಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯ ರೋಚಕ ಘಟ್ಟ ತಲುಪಿದೆ. 420 ರನ್ಗಳ ಗುರಿ ಬೆನ್ನತ್ತಿರುವ ಭಾರತ ತಂಡ 31ರನ್ಗಳಿಗೆ ಒಂದು ವಿಕೆಟ್ ಕಳೆದುಕೊಂಡು ಆಘಾತ ಎದುರಿಸಿದೆ.
3ನೇ ದಿನ 257 ರನ್ಗಳಿಸಿದ್ದ ಭಾರತ ತಂಡ ಇಂದು ಆ ಮೊತ್ತಕ್ಕೆ 70 ರನ್ ಸೇರಿಸಿ 337ರನ್ಗಳಿಗೆ ಆಲೌಟ್ ಆಯಿತು. ನಿನ್ನೆ 33 ರನ್ಗಳಿಸಿದ್ದ ವಾಷಿಂಗ್ಟನ್ ಸುಂದರ್ ಅಜೇಯ 85 ರನ್ಗಳಿಸಿದರೆ, ಅಶ್ವಿನ್ 31 ರನ್ಗಳಿಸಿದ್ದರು. ಇಂಗ್ಲೆಂಡ್ ಪರ ಆರ್ಚರ್ 2, ಬೆಸ್ 4, ಜ್ಯಾಕ್ ಲೀಚ್ 2, ಆಂರ್ಡಸನ್ 2 ವಿಕೆಟ್ ಪಡೆದು ಮಿಂಚಿದರು.
ಇನ್ನು, ಬರೋಬ್ಬರಿ 241 ರನ್ಗಳ ಬೃಹತ್ ಮುನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್ ಆರಂಭಿಸಿದ ಇಂಗ್ಲೆಂಡ್ ತಂಡ ಅಶ್ವಿನ್ ಬೌಲಿಂಗ್ ದಾಳಿಗೆ ತತ್ತರಿಸಿ ರನ್ಗಳಿಸಲು ಪರದಾಡಿ ಕೇವಲ 178ರನ್ಗಳಿಗೆ ಆಲೌಟ್ ಆಯಿತು. ರೂಟ್ 40ರನ್ಗಳಿಸಿದ್ದೇ ತಂಡದ ಗರಿಷ್ಠ ಮೊತ್ತವಾಯಿತು. ಆಲ್ಲಿ ಪೋಪ್ 28, ಜಾಸ್ ಬಟ್ಲರ್ 24, ಡೊಮಿನಿಕ್ ಥೀಮ್ 25 ರನ್ಗಳಿಸಿದರು. ಇಂಗ್ಲೆಂಡ್ 46.3 ಓವರ್ಗಳಿಗೆ 178 ಆಲೌಟ್ ಆಗುವ ಮೂಲಕ ಭಾರತಕ್ಕೆ 420 ರನ್ಗಳ ಟಾರ್ಗೆಟ್ ನೀಡಿದೆ.