ಬಿಗ್ಬಾಸ್ ಸೀಸನ್-7ನ ಮೊದಲ ವಾರ ಗುರುಲಿಂಗಸ್ವಾಮಿ ಔಟ್ ಆಗಿದ್ದರು. ಎರಡನೇ ವಾರ 6 ಮಂದಿ ಸ್ಪರ್ಧಿಗಳು ನಾಮಿನೇಟ್ ಆಗಿದ್ದು, ಯಾರು ಮನೆಯಿಂದ ಹೊರಬರಲಿದ್ದಾರೆ ಎಂಬ ಕುತೂಹಲ ಎಲ್ಲರಲ್ಲಿ ಮೂಡಿತ್ತು.
ಎಲಿಮಿನೇಶನ್ ಡೇ: ಬಿಗ್ ಮನೆಯಿಂದ ಈ ವಾರ ಇವರಿಬ್ಬರಲ್ಲಿ ಹೊರ ಬರೋದು ಯಾರು?
ಬಿಗ್ಬಾಸ್ ಸೀಸನ್-7ರ ಎರಡನೇ ವಾರದ ಬಳಿಕ ಯಾರು ದೊಡ್ಮನೆಯಿಂದ ಹೊರಬರಲಿದ್ದಾರೆ ಎಂಬ ಕುತೂಹಲ ವೀಕ್ಷಕರಲ್ಲಿದೆ. ನಾಮಿನೇಟ್ ಆದ 6 ಮಂದಿಯಲ್ಲಿ ನಾಲ್ವರು ಈಗಾಗಲೇ ಉಳಿದುಕೊಂಡಿದ್ದು, ಇನ್ನುಳಿದ ಇಬ್ಬರು ಸ್ಪರ್ಧಿಗಳಲ್ಲಿ ಯಾರು ಔಟ್ ಆಗಲಿದ್ದಾರೆ ಎಂಬುದು ಇಂದು ತಿಳಿಯಲಿದೆ.
ಬಿಗ್ಬಾಸ್ ಸೀಸನ್-7
ಪ್ರತಿ ಶನಿವಾರದಂತೆ ನಿನ್ನೆಯೂ ವಾರದ ಕಥೆ ಕಿಚ್ಚನ ಜೊತೆ ಕಾರ್ಯಕ್ರಮವಿತ್ತು. ಈ ವೇಳೆ ಸೇಬು ಹಣ್ಣಿನ ವಿಚಾರವಾಗಿ ಜಗಳವಾಡಿದ್ದ ಮೂವರು ಕಿಚ್ಚ ಸುದೀಪ್ ಬಳಿ ಕ್ಷಮೆಯಾಚಿಸಿದರು. ಅಲ್ಲದೆ ಚಂದನ್ ಆಚಾರ್ ಅವರು ಚೈತ್ರಾ ಕೊಟ್ಟೂರು ಅವರ ಕೈ ಹಿಡಿದು ಎಳೆದಿದ್ದ ಬಗ್ಗೆ ಕಿಚ್ಚ ತರಾಟೆಗೆ ತೆಗೆದುಕೊಂಡರು. ಬಳಿಕ ಎಲಿಮಿನೇಷನ್ ಪ್ರಕ್ರಿಯೆ ಶುರುವಾಯಿತು. ನಾಮಿನೇಟ್ ಆದ ಆರು ಮಂದಿಯಲ್ಲಿ ಒಬ್ಬೊಬ್ಬರಾಗಿ ನಾಲ್ವರು ಸೇಫ್ ಆಗಿದ್ದಾರೆ.
6 ಮಂದಿಯಲ್ಲಿ ಚೈತ್ರಾ ಕೋಟ್ಟೂರು, ದೀಪಿಕಾ ದಾಸ್, ಪ್ರಿಯಾಂಕ ಹಾಗೂ ಸುಜಾತ ಅಕ್ಷಯಾ ಸೇಫ್ ಆಗಿದ್ದಾರೆ. ಇನ್ನು ಉಳಿದ ಇಬ್ಬರೆಂದರೆ ಚೈತ್ರ ವಾಸುದೇವನ್ ಹಾಗೂ ಚಂದನ್ ಆಚಾರ್. ಇವರಿಬ್ಬರಲ್ಲಿ ಯಾರು ಎಲಿಮಿನೇಟ್ ಆಗಲಿದ್ದಾರೆ ಎಂಬ ಬಗ್ಗೆ ಕುತೂಹಲ ಎಲ್ಲರದ್ದಾಗಿದೆ.
Last Updated : Oct 27, 2019, 12:05 PM IST