ಕಿರಿಯ ವಯಸ್ಸಿನಲ್ಲಿ ಹಿರಿಯ ಸಾಧನೆ... ಬಾಲೆಯ ಕಾಲಿಗೆ ಮುತ್ತಿಕ್ಕಿದ ನಟಿ ಶಿಲ್ಪಾ ಶೆಟ್ಟಿ

ಹಿಂದಿ ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ಸೂಪರ್ ಡಾನ್ಸರ್'​​​ ಸೀಸನ್​ 3ರಲ್ಲಿ ಬೆಂಗಾಲಿ ಬಾಲೆ ರುಪ್ಸಾ ವಿಜೇತೆಯಾಗಿದ್ದಾಳೆ.

ಆರು ವರ್ಷ ವಯಸ್ಸಿನ ಈ ನೃತ್ಯಗಾರ್ತಿ ನಿನ್ನೆ ನಡೆದ ಗ್ರ್ಯಾಂಡ್​​ ಫಿನಾಲೆಯಲ್ಲಿ ಪ್ರಶಸ್ತಿಗೆ ಮುತ್ತಿಕ್ಕಿದ್ದಾಳೆ. ಶೋನ ಆರಂಭದಿಂದಲೂ ಅದ್ಭುತ ಪ್ರದರ್ಶನದ ಮೂಲಕ ವೀಕ್ಷಕರ ಮನಗೆದ್ದಿದ್ದ ಈ ಬಾಲೆ, ಫೈನಲ್ ಹಂತದಲ್ಲಿ ಅಧಿಕ ವೋಟ್​​ಗಳನ್ನು ಬಾಚಿಕೊಂಡು ವಿಜಯದ ಮಾಲೆ ಧರಿಸಿದ್ದಾಳೆ. ಈಕೆಯ ಡಾನ್ಸ್​ಗೆ ಫಿದಾ ಆಗಿ ಬಾಲಿವುಡ್​ ನಟಿ ಶಿಲ್ಪಾ ಶೆಟ್ಟಿ ಈ ಪೋರಿಯ ಕಾಲಿಗೆ ಮುತ್ತು ನೀಡಿದ್ದ ವಿಶೇಷ ಪ್ರಸಂಗ ಇತ್ತೀಚೆಗೆ ನಡೆದಿತ್ತು.

ಇನ್ನು ವಾಹಿನಿ ವಿನ್ನರ್​ ರುಪ್ಸಾಗೆ 15 ಲಕ್ಷ ರೂ. ಹಾಗೂ ಆಕೆಯ ಗುರು ನಿಶಾಂತ್ ಭಟ್​​ಗೆ 5 ಲಕ್ಷ ರೂ.ಚೆಕ್​ ನೀಡಿ ಗೌರವಿಸಿದೆ. ರನ್ನರ್​ ಅಪ್​ ಮುಂಬೈ ಮೂಲದ ಸ್ಪರ್ಧಿ ತೇಜಸ್ ವರ್ಮಾ ಸೇರಿದಂತೆ ಫೈನಲ್ ತಲುಪಿದ್ದ ಐದು ಸ್ಪರ್ಧಿಗಳಿಗೆ ತಲಾ 1ಲಕ್ಷ ರೂ. ನೀಡಲಾಯಿತು.