ಬಾಲಿವುಡ್ ನಟ ಗೋವಿಂದ ಅವರು ರಣವೀರ್ ಸಿಂಗ್ ಹೋಸ್ಟ್ ಮಾಡುವ 'ದಿ ಬಿಗ್ ಪಿಕ್ಚರ್' ಶೋನ ಮುಂಬರುವ ಸಂಚಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಕಲರ್ಸ್ ಬಿಡುಗಡೆ ಮಾಡಿದ ಪ್ರೋಮೋದಲ್ಲಿ ರಣವೀರ್ ಸಿಂಗ್ ಮತ್ತು ಗೋವಿಂದ ಅವರು ನೃತ್ಯ ಮಾಡಿರುವುದು ಮತ್ತು ಒಬ್ಬರನ್ನೊಬ್ಬರು ಗೇಲಿ ಮಾಡಿರುವುದನ್ನು ಕಾಣಬಹುದಾಗಿದೆ.
ಹಿರಿಯ ನಟ ಗೋವಿಂದ ಎಂದರೆ ರಣವೀರ್ ಸಿಂಗ್ಗೆ ಅಚ್ಚುಮೆಚ್ಚು. ಮನೋರಂಜನೆ ನೀಡುವಲ್ಲಿ ಇಬ್ಬರೂ ಎತ್ತಿದ ಕೈ. ಈ ಹೊಸ ವರ್ಷದಲ್ಲಿ ಪ್ರೇಕ್ಷಕರನ್ನು ರಂಜಿಸಲು ಹಿಂದಿ ಚಿತ್ರರಂಗದ ದೊಡ್ಡ ಮನೋರಂಜಕರು ಒಟ್ಟಾಗಿ ಬರಲಿದ್ದಾರೆ. ರಣವೀರ್ ಸಿಂಗ್ ಅವರ ದಿ ಬಿಗ್ ಪಿಕ್ಚರ್ ಶೋನಲ್ಲಿ ಗೋವಿಂದ ಅವರು ಸಖತ್ ಎಂಟರ್ಟೈನ್ಮೆಂಟ್ ನೀಡ್ತಾರೆ ಎನ್ನೋದ್ರಲ್ಲಿ ಅನುಮಾನವೇ ಇಲ್ಲ.
ದಿ ಬಿಗ್ ಪಿಕ್ಚರ್‌ನ ಹೊಸ ಸಂಚಿಕೆಯ ಪ್ರೋಮೋ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಧೂಳೆಬ್ಬಿಸಿದೆ. ಇದು ಜನವರಿ 1 ಮತ್ತು 2ರ ಸಂಚಿಕೆಯ ಪ್ರೋಮೋ ಆಗಿದೆ. ಪ್ರೋಮೋದಲ್ಲಿ ಇಬ್ಬರೂ ಡ್ಯಾನ್ಸ್ ಮಾಡಿರುವುದನ್ನು, ಡೈಲಾಗ್ಸ್ಗಳನ್ನು ಹೇಳುವುದನ್ನು ಕಾಣಬಹುದು. ಗೋವಿಂದ ಅವರ ಕಾಲಿಗೆ ರಣ್ವೀರ್ ಬೀಳುವುದನ್ನು ಸಹ ನೋಡಬಹುದು.
ಇದನ್ನೂ ಓದಿ:ಒಂದೇ ದಿನಾಂಕದಂದು ತಂದೆ ಮಗಳ ಹುಟ್ಟುಹಬ್ಬ: ಇವರಿಬ್ಬರು ಬಾಲಿವುಡ್ನ ಸ್ಟಾರ್ಗಳು
ನಟ ಗೋವಿಂದ, ಅನಿಲ್ ಕಪೂರ್ ಮತ್ತು ಅಮಿತಾಬ್ ಬಚ್ಚನ್ ತಮ್ಮ ಪರದೆಯ ಆರಾಧ್ಯ ದೈವ ಎಂದು ರಣವೀರ್ ಈ ಹಿಂದೆ ಹೇಳಿಕೊಂಡಿದ್ದರು. ಜೊತೆಗೆ ನಟ ಗೋವಿಂದ ಅವರ ಬಗ್ಗೆ ಹಾಡಿ ಹೊಗಳಿದ್ದರು. ಇನ್ನೂ ಬಾಲಿವುಡ್ ಸ್ಟಾರ್ ರಣವೀರ್ ಸಿಂಗ್ ಅವರು ಕಲರ್ಸ್‌ನಲ್ಲಿ ಪ್ರಾರಂಭವಾಗಿರುವ 'ದಿ ಬಿಗ್ ಪಿಕ್ಚರ್' ಎಂಬ ವಿಶಿಷ್ಟ ದೃಶ್ಯ ಆಧಾರಿತ ರಸಪ್ರಶ್ನೆ ಕಾರ್ಯಕ್ರಮದ ನಿರೂಪಕರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.
