ಅಮಿತಾಬ್ ಬಚ್ಚನ್ ಒಂದಿಲ್ಲೊಂದು ವಿಚಾರವಾಗಿ ಎಲ್ಲರ ಗಮನ ಸೆಳೆಯುತ್ತಿರುತ್ತಾರೆ. ಇದೀಗ ನಿರ್ದೇಶಕ ವಿಧು ವಿನೋದ್ ಚೋಪ್ರಾ ಬಿಗ್ ಬಿಗೆ ನೀಡಿದ ಗಿಫ್ಟ್ ಬಗ್ಗೆ ಹೇಳಿ ಕುತೂಹಲ ಮೂಡಿಸಿದ್ದಾರೆ. ಆ ವಿಚಾರವನ್ನು ನಿರ್ದೇಶಕರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.
ಏಕಲವ್ಯ ಸಿನಿಮಾ ಮಾಡುವ ಸಂದರ್ಭದಲ್ಲಿ ಬಿಗ್ ಬಿ ಅಮಿತಾಬ್ ಬಚ್ಚನ್ ಅವರ ಹೋಟೆಲ್ ಬಿಲ್ ಮತ್ತು ವಿಮಾನ ಪ್ರಯಾಣ ಖರ್ಚನ್ನು ನೀಡಲು ಆಗಿರಲಿಲ್ಲ. ಆದ್ರೆ ನಾಲ್ಕು ಕೋಟಿಯ ಕಾರನ್ನು ನಿರ್ದೇಶಕ ಹಾಗೂ ನಿರ್ಮಾಪಕ ವಿಧು ವಿನೋದ್ ಅಮಿತಾಬ್ ಬಚ್ಚನ್ಗೆ ನೀಡಿದ್ದಾರೆ. ಈ ವಿಚಾರವನ್ನು ನಗುನಗುತ್ತಲೇ ಹೇಳಿದ್ದಾರೆ ವಿಧು.
ಇದನ್ನೂ ಓದಿ : ನಾನ್ ಆರೋಗ್ಯವಾಗಿದ್ದೇನೆ, ಯಾಕ್ ಇಷ್ಟೊಂದ್ ಕಾಳಜಿ ಮಾಡ್ತೀರಾ? : ನಟಿ ಶರ್ಮಿಳಾ
ಸಂದರ್ಶನದಲ್ಲಿ ಮಾತನಾಡಿರುವ ವಿಧು, ಅಂದು ನನಗೆ 65,000 ರೂ. ಹೋಟೆಲ್ ಬಿಲ್ ಕೊಡಲು ಸಾಧ್ಯವಾಗುತ್ತಿಲ್ಲ ಎಂದು ಅಮಿತಾಬ್ಗೆ ಮೆಸೇಜ್ ಮಾಡಿದ್ದೆ. ಅಲ್ಲದೆ ನೀವೇ ಹೋಟೆಲ್ ಬಿಲ್ ಕೊಡಿ ಎಂದು ಹೇಳಿದ್ದೆ ಎಂದಿದ್ದಾರೆ.
ಅಮಿತಾಬ್ ಬಚ್ಚನ್ಗೆ ನಿರ್ದೇಶಕ ವಿಧು ಕಾರನ್ನು ಉಡುಗೊರೆಯಾಗಿ ನೀಡುವಾಗ ನಿರ್ದೇಶಕರ ತಾಯಿ ಅವರ ಪಕ್ಕದಲ್ಲೇ ಕುಳಿತಿದ್ದರಂತೆ. ತಾವು ನೀಲಿ ಬಣ್ಣದ ಕಡಿಮೆ ಬೆಲೆಯ ಕಾರನ್ನು ಇಟ್ಟುಕೊಂಡು ಅಮಿತಾಬ್ಗೆ ದುಬಾರಿ ಬೆಲೆಯ ಕಾರನ್ನು ಉಡುಗೊರೆಯಾಗಿ ನೀಡಿದ್ದಕ್ಕೆ ನಿರ್ದೇಶಕರ ತಾಯಿಗೆ ಇಷ್ಟವಾಗಲಿಲ್ಲವಂತೆ. ಆದ್ರೆ ಆ ಕಾರಿನ ಬೆಲೆ ಸುಮಾರು 11 ಲಕ್ಷ ಇರಬಹುದು ಎಂದು ಅವರು ಊಹಿಸಿದ್ದರಂತೆ.