ಸಾಧನೆ ಮಾಡಿದ ಗಣ್ಯಾತಿಗಣ್ಯರ ಜೀವನಚರಿತ್ರೆಯನ್ನು ಸಿನಿಮಾವಾಗಿ ಹೊರತರುವುದು ಇತ್ತೀಚೆಗೆ ಸಾಮಾನ್ಯವಾಗಿ ಹೋಗಿದೆ. ಇದುವರೆಗೂ ಎಷ್ಟೋ ಗಣ್ಯರ ಜೀವನ ಚರಿತ್ರೆ ಸಿನಿಮಾ ಮೂಲಕ ಹೊರಬಂದಿದೆ. ಇದೀಗ ಮಾನವ ಕಂಪ್ಯೂಟರ್ ಎಂದೇ ಖ್ಯಾತರಾಗಿದ್ದ ಶಕುಂತಲಾ ದೇವಿ ಬಯೋಪಿಕ್ ತೆರೆಗೆ ಬರುತ್ತಿದೆ. ಈ ಸಿನಿಮಾದ ಫಸ್ಟ್ಲುಕ್, ಟೀಸರ್ ಕೂಡಾ ಬಿಡುಗಡೆಯಾಗಿದೆ.
ಮಾನವ ಕಂಪ್ಯೂಟರ್ ಶಕುಂತಲಾ ದೇವಿ ಪಾತ್ರದಲ್ಲಿ ವಿದ್ಯಾ ಬಾಲನ್...ಫಸ್ಟ್ಲುಕ್ ಬಿಡುಗಡೆ - ವಿದ್ಯಾ ಬಾಲನ್ ಹೊಸ ಸಿನಿಮಾ
ಮಾನವ ಕಂಪ್ಯೂಟರ್ ಎಂದೇ ಖ್ಯಾತರಾದ ಬರಹಗಾರ್ತಿ, ಮೆಂಟಲ್ ಕ್ಯಾಲ್ಕುಲೇಟರ್ ಶಕುಂತಲಾ ದೇವಿ ಕುರಿತಾದ ಜೀವನಚರಿತ್ರೆ ಸಿನಿಮಾ ತಯಾರಾಗುತ್ತಿದೆ. ಚಿತ್ರದಲ್ಲಿ ವಿದ್ಯಾ ಬಾಲನ್ ಶಕುಂತಲಾ ದೇವಿ ಪಾತ್ರದಲ್ಲಿ ನಟಿಸಿದ್ದು ಚಿತ್ರದ ಫಸ್ಟ್ಲುಕ್, ಟೀಸರ್ ಬಿಡುಗಡೆಯಾಗಿದೆ.
ವಿದ್ಯಾ ಬಾಲನ್
ಕರ್ನಾಟಕದ ಬೆಂಗಳೂರಿನಲ್ಲಿ ಒಂದು ಮಧ್ಯಮ ಕುಟುಂಬದಲ್ಲಿ ಹುಟ್ಟಿ ಇಡೀ ವಿಶ್ವವನ್ನೇ ತನ್ನತ್ತ ತಿರುಗಿನೋಡುವಂತೆ ಮಾಡಿದ ಶಕುಂತಲಾ ದೇವಿ ಹೆಸರು ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ನಲ್ಲೂ ದಾಖಲಾಗಿದೆ. ಈ ಮಹಾನ್ ಪ್ರತಿಭೆ ಬಗ್ಗೆ ಇದೀಗ ಬಾಲಿವುಡ್ನಲ್ಲಿ ಸಿನಿಮಾ ತಯಾರಾಗುತ್ತಿದೆ. ಶಕುಂತಲಾ ದೇವಿ ಪಾತ್ರವನ್ನು ನಟಿ ವಿದ್ಯಾ ಬಾಲನ್ ನಿರ್ವಹಿಸುತ್ತಿದ್ದಾರೆ. ಚಿತ್ರತಂಡ ಬಿಡುಗಡೆ ಮಾಡಿರುವ ಫಸ್ಟ್ಲುಕ್ನಲ್ಲಿ ವಿದ್ಯಾಬಾಲನ್ ಥೇಟ್ ಶಕುಂತಲಾ ದೇವಿಯಂತೆ ಕಾಣುತ್ತಿದ್ದಾರೆ. ಕೆಂಪು ಸೀರೆ ಧರಿಸಿ, ಶಕುಂತಲಾ ದೇವಿಯಂತೆ ಹೇರ್ ಸ್ಟೈಲ್ನಲ್ಲಿ ವಿದ್ಯಾ ಪೋಸ್ ನೀಡಿದ್ದಾರೆ. ರ್‍ಯಾಂಕಿಂಗ್ನಲ್ಲಿ ಮೊದಲನೆ ಸ್ಥಾನದಲ್ಲಿ ಶಕುಂತಲಾ ದೇವಿ ಪಾತ್ರಧಾರಿ ವಿದ್ಯಾ ಬಾಲನ್, ಎರಡನೇ ರ್‍ಯಾಂಕಿಂಗ್ನಲ್ಲಿ ಕಂಪ್ಯೂಟರ್ ಹಾಗೂ ಮೂರನೇ ರ್‍ಯಾಂಕಿಂಗ್ನಲ್ಲಿ ಕ್ಯಾಲ್ಕುಲೇಟರ್ ಇಡಲಾಗಿದ್ದು ಚಿತ್ರ ಪೋಸ್ಟರ್ ಬಹಳ ಕ್ರಿಯೇಟಿವ್ ಆಗಿದೆ.
ವಿದ್ಯಾ ಬಾಲನ್ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಚಿತ್ರದ ಫಸ್ಟ್ಲುಕ್ ಹಾಗೂ ಟೀಸರ್ ಶೇರ್ ಮಾಡಿಕೊಂಡಿದ್ದಾರೆ. ಅನು ಮೆನನ್ , ನಯನಿಕ ಮಹಾತ್ನಿ ಸಿನಿಮಾಗೆ ಚಿತ್ರಕಥೆ ಬರೆದಿದ್ದಾರೆ. ಚಿತ್ರವನ್ನು ಅನು ಮೆನನ್ ನಿರ್ದೇಶಿಸಿದ್ದಾರೆ. ಮುಂದಿನ ವರ್ಷ ಮೇ ತಿಂಗಳಿನಲ್ಲಿ ಸಿನಿಮಾ ಬಿಡುಗಡೆ ಮಾಡಲು ಚಿತ್ರತಂಡ ಪ್ಲ್ಯಾನ್ ಮಾಡಿದೆ.