'ಸುವರ್ಣ ಸುಂದರಿ' ಸುತ್ತ ಅನುಮಾನದ ಹುತ್ತ

ನಿನ್ನೆ ಬಿಡುಗಡೆಯಾದ ಕನ್ನಡ ಹಾಗೂ ತೆಲುಗು ಭಾಷೆಯ ‘ಸುವರ್ಣ ಸುಂದರಿ’ ಸಿನಿಮಾದ ಅಸಲಿಯತ್ತು ರಿವೀಲ್ ಆಗಿದೆ. ಈ ಚಿತ್ರಕ್ಕೆ 2010ರಲ್ಲಿ ಬಿಡುಗಡೆಗೊಂಡಿದ್ದ ಹಾಲಿವುಡ್​ ‘ಡೆವಿಲ್’ ಚಿತ್ರದ ಸ್ಫೂರ್ತಿಯಿದೆ ಎಂಬುದು ಸಿನಿಮಾ ನೋಡಿದ ಮೇಲೆ ಗೋಚರಿಸುತ್ತಿದೆ.

ಯುಟ್ಯೂಬ್​ಲ್ಲಿ ‘ಡೆವಿಲ್’ ಟ್ರೈಲರ್ ನೋಡಿದರೆ ಈ ಸುವರ್ಣ ಸುಂದರಿಗೆ ನಿರ್ದೇಶಕ ಎಸ್.ಎಸ್.ಎನ್ ಸೂರ್ಯ, ಎಲ್ಲಿಂದ ಸ್ಫೂರ್ತಿ ಪಡೆದಿದ್ದಾರೆ ಎಂದು ಸುಲಭವಾಗಿ ಊಹಿಸಬಹುದು.

ಹಾಲಿವುಡ್ ಚಿತ್ರದ ದೃಶ್ಯ

'ಡೆವಿಲ್'​ ಸಿನಿಮಾದಲ್ಲಿ ಲಿಫ್ಟ್​​ವೊಳಗೆ ದೆವ್ವ ಸೇರಿಕೊಂಡು, ಅಲ್ಲಿದ್ದ ಏಳು ಜನರನ್ನು ಕೊಲ್ಲುತ್ತಾ ಹೋಗುತ್ತದೆ. ಸುವರ್ಣ ಸುಂದರಿ ಸಿನಿಮಾದಲ್ಲೂ ಅದೇ ರೀತಿ ಲಿಫ್ಟ್ ಒಳಗೆ ಒಬ್ಬ ಜ್ಯೋತಿಷಿ, ದಂಪತಿ, ಲವರ್ಸ್, ಸಾಫ್ಟ್​ವೇರ್​​ ಇಂಜಿನಿಯರ್ ಮತ್ತು ಹೋಟೆಲಿನ ಸೇವಕಿ ಬಂದಿಯಾಗುತ್ತಾರೆ. ಲಿಫ್ಟ್​ ಎಂಟನೇ ಮಹಡಿಗೆ ಬರುವ ಸಮಯಕ್ಕೆ, ಅದರೊಳಗೆ ಒಂದು ಅನಿಷ್ಟ ಉಂಟು ಮಾಡುವ ವಿಗ್ರಹ ‘ತ್ರಿನೇತ್ರಿ’ ಇರುವುದು ಗೊತ್ತಾಗುತ್ತದೆ. ಅದು ನಾಯಕಿ ಪೂರ್ಣ ಅವರ ವ್ಯಾನಿಟಿ ಬ್ಯಾಗ್​​ನಲ್ಲಿರುತ್ತದೆ.

500 ವರ್ಷಗಳ ಹಿಂದೆ ಈ ವಿಗ್ರಹ ಸೌಮ್ಯ,ಸುಂದರವಾಗಿ ರಚನೆ ಆಗಬೇಕಾಗಿರುತ್ತದೆ. ಆದರೆ, ಕಣ್ಣು ಮುಚ್ಚಿಕೊಂಡಿರುವ ಹಾಗೆ ರಚನೆ ಆಗಿದ್ದಕ್ಕೆ ಅದೃಷ್ಟದ ಬದಲು ಅನಿಷ್ಟ ಅಂಟಿಕೊಂಡಿರುತ್ತದೆ. ಈ ವಿಗ್ರಹ ಎಲ್ಲಿರುತ್ತೋ ಅಲ್ಲಿರುವ ವ್ಯಕ್ತಿಗಳು ರಕ್ತ ಕಾರಿ ಸಾಯುತ್ತಾರೆ.