ಬಂಗಾಳಿ ಬೆಳ್ಳಿತಾರೆ, ದಾದಾಸಾಹೇಬ್ ಫಾಲ್ಕೆ ವಿಜೇತ ನಟ ಸೌಮಿತ್ರ ಚಟರ್ಜಿ ಇನ್ನು ನೆನಪಷ್ಟೇ..

60-70ರ ದಶಕದಲ್ಲಿ ಭಾರತೀಯ ಸಿನಿ ರಂಗಕ್ಕೆ ಪಾದಾರ್ಪಣೆ ಮಾಡಿ ಒಂದೊಳ್ಳೆ ಹೆಸರು ಮಾಡಿದ ನಟ ಸೌಮಿತ್ರ ಚಟರ್ಜಿ ಕೋಲ್ಕತ್ತಾದ ಮಿರ್ಜಾಪುರದಲ್ಲಿ 1935ರಲ್ಲಿ ಜನಿಸಿದ್ದರು..

ಬೆಂಗಾಲಿ ಖ್ಯಾತ ನಟ ಸೌಮಿತ್ರ ಚಟರ್ಜಿ ಇಂದು ಕೊರೊನಾ ಸೋಂಕಿನಿಂದ ವಿಧಿವಶರಾಗಿದ್ದಾರೆ. 85 ವರ್ಷದ ಚಟರ್ಜಿ ಅಕ್ಟೋಬರ್​ 6ರಂದು ಆಸ್ಪತ್ರೆಗೆ ದಾಖಲಾಗಿದ್ದರು. ನಂತ್ರ ಆರೋಗ್ಯ ಸುಧಾರಿಸದ ಕಾರಣ ನಮ್ಮನ್ನೆಲ್ಲರನ್ನು ಅಗಲಿದ್ದಾರೆ.

ನಟ ಸೌಮಿತ್ರ ಚಟರ್ಜಿ

60-70ರ ದಶಕದಲ್ಲಿ ಭಾರತೀಯ ಸಿನಿ ರಂಗಕ್ಕೆ ಪಾದಾರ್ಪಣೆ ಮಾಡಿ ಒಂದೊಳ್ಳೆ ಹೆಸರು ಮಾಡಿದ ನಟ ಸೌಮಿತ್ರ ಚಟರ್ಜಿ ಕೋಲ್ಕತ್ತಾದ ಮಿರ್ಜಾಪುರದಲ್ಲಿ 1935ರಲ್ಲಿ ಜನಿಸಿದ್ದರು. ಭಾರತದ ಅತ್ಯುತ್ತಮ ನಿರ್ದೇಶಕರಲ್ಲಿ ಒಬ್ಬರಾದ ಸತ್ಯಜಿತ್ ರೇ ನಿರ್ದೇಶನದ ಅಪುರ್​ ಸೆನ್ಸಾರ್​​ ಚಿತ್ರದಲ್ಲಿ ಅಪು ಪಾತ್ರಕ್ಕೆ ಬಣ್ಣ ಹಚ್ಚಿ ದೊಡ್ಡ ಹೆಸರು ಮಾಡುತ್ತಾರೆ.

ನಟ ಸೌಮಿತ್ರ ಚಟರ್ಜಿ

ಫ್ರಾನ್ಸ್​​ನಲ್ಲಿ ಚಿತ್ರರಂಗದವರಿಗೆ ನೀಡಲಾದ ಅತ್ಯುತ್ತಮ ಪ್ರಶಸ್ತಿ ಆರ್ಡ್ರೆ ಡೆಸ್ ಆರ್ಟ್ಸ್ ಮತ್ತು ಡೆಸ್ ಲೆಟ್ರೆಸ್ ಗೌರವವನ್ನು ಪಡೆದ ಮೊದಲ ಭಾರತೀಯ ನಟ ಸೌಮಿತ್ರ ಚಟರ್ಜಿ. ಆಸ್ಕರ್​ ಪ್ರಶಸ್ತಿ ಪಡೆದ ಸತ್ಯಜಿತ್​ ರೇ ಅವರಿಗೆ ಅಚ್ಚುಮೆಚ್ಚಿನ ನಟನಾಗಿದ್ದ ಚಟರ್ಜಿ, ರೇ ಅವರೊಂದಿಗೆ 15 ಸಿನಿಮಾಗಳನ್ನು ಮಾಡಿದ್ದಾರೆ.

ನಟ ಸೌಮಿತ್ರ ಚಟರ್ಜಿ

ತಮ್ಮ ಶಾಲಾ ದಿನಗಳಿಂದಲೇ ನಟನೆಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದ ಸೌಮಿತ್ರ ಚಟರ್ಜಿ, ಹತ್ತಾರು ಸ್ಟೇಜ್​​ ಕಾರ್ಯಕ್ರಮಗಳಲ್ಲಿ ನಟಿಸಿದ್ದರು. ಸತ್ಯಜಿತ್​​ ನಿರ್ದೇಶನದ ಚಾರುಲತಾ, ಸೋನಾರ್ ಕೆಲ್ಲಾ, ಅರಣ್ಯರ್ ದಿನ್ ರಾತ್ರಿ, ದೇವಿ, ತೀನ್ ಕನ್ಯಾ, ಅಭಿಜನ್, ಕಾಪುರುಶ್, ಅಶಾನಿ ಸಂಕೇತ್, ಜೋಯಿ ಬಾಬಾ ಫೆಲುನಾಥ್, ಘರೆ ಬೈರ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ನಟ ಸೌಮಿತ್ರ ಚಟರ್ಜಿ

ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿದ್ದ ನಿರ್ದೇಶಕರಾದ ತರುಣ್​​ ಮುಜುಂದರ್​​, ತಪನ್ ಸಿನ್ಹಾ ಮತ್ತು ಮೃಣಾಲ್ ಸೇನ್ ಜೊತೆ ಚಟರ್ಜಿ ಕೆಲಸ ಮಾಡಿದ್ದಾರೆ.

ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿ ವಿಜೇತ ನಟ ಸೌಮಿತ್ರ ಚಟರ್ಜಿ

ಇವರ ಸಾಧನೆ ಮೆಚ್ಚಿ 59ನೇ ನ್ಯಾಷನಲ್ ಫಿಲ್ಮ್​​ ಅವಾರ್ಡ್ಸ್​​ನಲ್ಲಿ ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿ, 2004ರಲ್ಲಿ ಪದ್ಮಭೂಷಣ ಮತ್ತು 1998ರಲ್ಲಿ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.