ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಅಭಿನಯದ ಸಾಹಸ ನಿರ್ದೇಶಕ ರವಿವರ್ಮ ಚೊಚ್ಚಲ ನಿರ್ದೇಶನದ 'ರುಸ್ತುಂ' ಹವಾ ಸದ್ಯಕ್ಕೆ ಗಾಂಧಿನಗರದಲ್ಲಿ ಜೋರಾಗಿದೆ. ಸಾಕಷ್ಟು ವಿಶೇಷಗಳನ್ನು ಹೊಂದಿರುವ ‘ರುಸ್ತುಂ’ ಮೇಲೆ ಮಾಸ್ ಸಿನಿಪ್ರಿಯರ ನಿರೀಕ್ಷೆ ಜೋರಾಗಿಯೇ ಇದೆ.
'ರುಸ್ತುಂ' ಮೇಕಿಂಗ್ ವಿಡಿಯೋ
'ರುಸ್ತುಂ' ಮೇಕಿಂಗ್ ವಿಡಿಯೋ: ಚಿತ್ರಕ್ಕೆ ಶುಭ ಕೋರಿದ ಟಾಲಿವುಡ್, ಬಾಲಿವುಡ್ ನಟರು
ಶಿವಣ್ಣ ಹಾಗೂ ಶ್ರದ್ಧಾ ಶ್ರೀನಾಥ್ ಅಭಿನಯದ ‘ರುಸ್ತುಂ’ ಚಿತ್ರದ ಮೇಕಿಂಗ್ ವಿಡಿಯೋ ಹಾಗೂ ಸ್ಟಿಲ್ಗಳು ರಿವೀಲ್ ಆಗಿವೆ. ಚಿತ್ರದ ಸಾಹಸ ದೃಶ್ಯಗಳ ಮೇಕಿಂಗ್ ನೋಡ್ತಾ ಇದ್ರೆ ಚಿತ್ರದ ಮೇಲೆ ನಿರೀಕ್ಷೆ ಇಮ್ಮಡಿಯಾಗುತ್ತಿದೆ.
'ರುಸ್ತುಂ
'ರುಸ್ತುಂ' ಚಿತ್ರದ ಮೇಕಿಂಗ್ ವಿಡಿಯೋ ನೋಡ್ತಾ ಇದ್ರೆ ಥ್ರಿಲ್ ಎನಿಸುತ್ತದೆ. ಚಿತ್ರದ ಸಾಹಸ ಸನ್ನಿವೇಶಗಳು ಚಿತ್ರದ ಹೈಲೆಟ್ಸ್. ಏಕೆಂದರೆ ಚಿತ್ರ ನಿರ್ದೇಶಕ ರವಿವರ್ಮ ಹೇಳಿ ಕೇಳಿ ಇಂಡಿಯನ್ ಸಿನಿ ದುನಿಯಾದ ನಂಬರ್ ಒನ್ ಆ್ಯಕ್ಷನ್ ಡೈರೆಕ್ಟರ್. ಚಿತ್ರದ ಸಾಹಸ ದೃಶ್ಯಗಳ ಮೇಕಿಂಗ್ ನೋಡ್ತಾ ಇದ್ರೆ, ಚಿತ್ರದ ಮೇಲೆ ನಿರೀಕ್ಷೆ ಮತ್ತಷ್ಟು ಹೆಚ್ಚಿಸಿದೆ. ಇನ್ನು ಈ ಮೇಕಿಂಗ್ ವಿಡಿಯೋದ ಮತ್ತೊಂದು ಹೈಲೆಟ್ ಅಂದ್ರೆ ಅದು ಶಿವಣ್ಣನ ಸ್ಟೈಲ್ ಮತ್ತು ಎನರ್ಜಿ. ತೆರೆಯ ಮೇಲೆ ಶಿವಣ್ಣನ ಸ್ಟೈಲ್ ಮತ್ತು ಎನರ್ಜಿಯನ್ನು ನಾವು ನೋಡಿದ್ದೇವೆ. ಆದ್ರೆ ಶೂಟಿಂಗ್ ಸೆಟ್ನಲ್ಲಿ ಅವರು ಹೇಗೆ ಇರುತ್ತಾರೆ ಎನ್ನುವುದು ತೆರೆ ಮರೆಯ ಸೀಕ್ರೆಟ್. ಅದನ್ನು ಈ ವಿಡಿಯೋದಲ್ಲಿ ನೋಡಬಹುದು.
ಹುರಿಮೀಸೆ ಬಿಟ್ಟು ನೋಟದಲ್ಲೇ ಕೊಲ್ಲುವ ಖಡಕ್ ಪೊಲೀಸ್ ಪಾತ್ರದಲ್ಲಿ ಶಿವಣ್ಣ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಚಿತ್ರದ ಟ್ರೇಲರ್ ಕೂಡಾ ಬಿಡುಗಡೆಯಾಗಿದೆ. ಅಂದುಕೊಂಡಂತೆ ಆಗಿದ್ದರೆ ‘ರುಸ್ತುಂ’ ಜೂನ್.14 ಕ್ಕೆ ತೆರೆಗೆ ಬರಬೇಕಿತ್ತು. ಅದ್ರೆ ಕೆಲವು ತಾಂತ್ರಿಕ ತೊಂದರೆಗಳಿಂದ ಚಿತ್ರ ಬಿಡುಗಡೆ ಜೂ.28 ಕ್ಕೆ ದಿನಾಂಕ ನಿಗದಿಪಡಿಸಲಾಗಿದೆ. ಶಿವರಾಜ್ಕುಮಾರ್ ಜೊತೆ ಶ್ರದ್ಧಾ ಶ್ರೀನಾಥ್ ಮೊದಲ ಬಾರಿಗೆ ತೆರೆ ಹಂಚಿಕೊಂಡಿದ್ದಾರೆ. ಬಾಲಿವುಡ್ ನಟ ವಿವೇಕ್ ಓಬೆರಾಯ್ ಈ ಚಿತ್ರದ ಮೂಲಕ ಸ್ಯಾಂಡಲ್ವುಡ್ಗೆ ಕಾಲಿಟ್ಟಿದ್ದಾರೆ. ಬಾಲಿವುಡ್ ನಟ ಜಾನ್ ಅಬ್ರಹಾಂ, ಟಾಲಿವುಡ್ ನಟ ವೆಂಕಟೇಶ್ ದಗ್ಗುಬಾಟಿ ಹಾಗೂ ಇನ್ನಿತರರು ಚಿತ್ರಕ್ಕೆ ಶುಭ ಕೋರಿದ್ದಾರೆ.