ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಥ್ರಿಲ್ಲರ್ ಕಥಾನಕ ಹೊಂದಿರುವ 'ಆಯುಷ್ಮಾನ್ ಭವ' ಚಿತ್ರದ ಟೀಸರ್ ಲಾಂಚ್ ಆಗಿದ್ದು ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ. ಟೀಸರ್ ನೋಡಿದ ಫ್ಯಾನ್ಸ್‌ ಚಿತ್ರಕ್ಕೆ ಬಹುಪಾರಕ್ ಹೇಳ್ತಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಟೀಸರ್ಗೆ ಸಖತ್ ರೆಸ್ಪಾನ್ಸ್ ಸಿಕ್ಕಿದೆ. ಟೀಸರ್ನಲ್ಲಿ ಟಗರು ಶಿವನ ಅಂಡರ್ವಾಟರ್ ಲಾಂಗ್ ಫೈಟ್ ಫ್ಯಾನ್ಸ್‌ಗೆ ರೋಮಾಂಚನ ಉಂಟುಮಾಡಿದ್ದು, 'ಆಯುಷ್ಮಾನ್ ಭವ' ಬಿಡುಗಡೆಗೆ ಇನ್ನೂ ಎರಡು ವಾರವಿರುವಾಗಲೇ ಶಿವಸೈನ್ಯಕ್ಕೆ ಚಿತ್ರದ ಜ್ವರ ಶುರುವಾಗಿದೆ.
ಯಶವಂತಪುರದ ಒರಾಯನ್ಮಾಲ್ನಲ್ಲಿರುವ ಪಿವಿಆರ್ ಸಿನಿಮಾಸ್ ಬಳಿ ಚಿತ್ರದ ಸ್ಟಾಂಡ್ಗೆ ಹೂವಿನ ಹಾರ ಹಾಕಿರುವ ಅಭಿಮಾನಿಗಳು ಶಿವಣ್ಣನಿಗೆ ಜೈಕಾರ ಮೊಳಗಿಸಿ ಸಂಭ್ರಮಿಸಿದ್ದಾರೆ.
ಶಿವಲಿಂಗ ಚಿತ್ರದ ಬಳಿಕ ಸೆಂಚುರಿ ಸ್ಟಾರ್ ಜೊತೆ ನಿರ್ದೇಶಕ ಪಿ ವಾಸು ಜೊತೆಗೂಡಿದ್ದು, ಡಿಂಪಲ್ ಕ್ವೀನ್ ರಚಿತಾ ರಾಮ್ ಯಂಗ್ ಆ್ಯಂಡ್ ಡೈನಾಮಿಕ್‌ ಹೀರೋ ಶಿವಣ್ಣನ ಜೊತೆ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ಅಲ್ಲದೇ ಆಯುಷ್ಮಾನ್ ಭವ ಮೂಲಕ ಮ್ಯೂಸಿಕ್ ಡೈರೆಕ್ಟರ್ ಗುರುಕಿರಣ್ ಸೆಂಚುರಿ ಬಾರಿಸಿದ್ದು ಈ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ಪಕ್ಕಾ ಸೌಂಡ್ ಮಾಡುತ್ತೆ ಅಂತಿದ್ದಾರೆ ಗಾಂಧಿನಗರ ಮಂದಿ.
ಈ ಚಿತ್ರವನ್ನು ದ್ವಾರಕೀಶ್ ಚಿತ್ರಾಲಯದಲ್ಲಿ ನಿರ್ಮಿಸಲಾಗಿದ್ದು ಕನ್ನಡ ರಾಜ್ಯೋತ್ಸವದಂದು ತೆರೆಗೆ ಬರಲಿದೆ.