ಟಾಲಿವುಡ್ ನಟ ಸಾಯಿಧರಮ್ ತೇಜ್ ಇಂದು ತಮ್ಮ 33ನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ಮೆಗಾಸ್ಟಾರ್ ಚಿರಂಜೀವಿ ಸಹೋದರಿ ವಿಜಯದುರ್ಗ ಪುತ್ರ ಸಾಯಿಧರಮ್ಗೆ ಕೂಡಾ ಟಾಲಿವುಡ್ನಲ್ಲಿ ಸಾಕಷ್ಟು ಸಂಖ್ಯೆಯ ಅಭಿಮಾನಿಗಳಿದ್ದಾರೆ.
ವೃದ್ಧರಿಗಾಗಿ ಮಿಡಿದ ಸಾಯಿಧರಮ್ ತೇಜ್...ಮೆಚ್ಚುಗೆ ವ್ಯಕ್ತಪಡಿಸಿದ ನೆಟಿಜನ್ಸ್
ಅಪೂರ್ಣಗೊಂಡ ಹೈದರಾಬಾದ್ವೊಂದರ ವೃದ್ಧಾಶ್ರಮವನ್ನು ಪೂರ್ತಿಗೊಳಿಸಲು ಬೇಕಾದ ಹಣವನ್ನು ನೀಡುವುದಾಗಿ ಟಾಲಿವುಡ್ ನಟ ಸಾಯಿಧರಮ್ ತೇಜ್ ಹೇಳಿದ್ದಾರೆ. ಇಂದು ಧರಮ್ ತೇಜ್ 33 ನೇ ವಸಂತಕ್ಕೆ ಕಾಲಿಟ್ಟಿದ್ದು, ಬರ್ತಡೇಗೆ ಶುಭ ಕೋರಿದ ಅಭಿಮಾನಿಗಳಿಗೆ ಧನ್ಯವಾದ ಹೇಳಿದ್ದಾರೆ.
ಸಾಯಿಧರಮ್ ತೇಜ್
ಕೆಲವು ದಿನಗಳ ಹಿಂದೆಯೇ ಧರಮ್ ತೇಜ್ ಬರ್ತಡೇ ಆಚರಣೆಗೆ ಅಭಿಮಾನಿಗಳು ತಯಾರಿ ಮಾಡಿಕೊಂಡಿದ್ದರು. ನಿನ್ನೆಯಿಂದಲೇ ತೇಜ್ ಬರ್ತಡೇ ಸೆಲಬ್ರೇಷನ್ ಆರಂಭವಾಗಿದ್ದು, ಅಭಿಮಾನಿಗಳು ಮೆಚ್ಚಿನ ನಟನ ಮನೆ ಮುಂದೆ ಜಮಾಯಿಸಿ ಮೆಗಾ ಕುಟುಂಬದ ನಟನಿಗೆ ಹುಟ್ಟುಹಬ್ಬದ ಶುಭ ಕೋರಿದ್ದಾರೆ. ಇನ್ನು ಬರ್ತಡೇ ನಿಮಿತ್ತ ಧರಮ್ ತೇಜ್ ಅಭಿಮಾನಿಗಳಿಗೆ ದೊಡ್ಡ ಉಡುಗೊರೆಯೊಂದನ್ನು ನೀಡಿದ್ದಾರೆ.'ಟ್ವಿಟ್ಟರ್ನಲ್ಲಿ ವೃದ್ಧಾಶ್ರಮದ ಮುಖಂಡರೊಬ್ಬರು ತಮ್ಮ ವೃದ್ಧಾಶ್ರಮವನ್ನು ಪೂರ್ತಿಗೊಳಿಸುವಂತೆ ಕೋರಿ ಮನವಿ ಮಾಡಿದ್ದರು. ಅವರ ಮನವಿಯಂತೆ ಆ ವೃದ್ಧಾಶ್ರಮವನ್ನು ಪೂರ್ತಿಗೊಳಿಸಲು ಬೇಕಾದ ಹಣವನ್ನು ನಾನು ನೀಡುತ್ತೇನೆ ಎಂದು ಧರಮ್ ತೇಜ್ ಭರವಸೆ ನೀಡಿದ್ದಾರೆ.
ಇನ್ನು ವಿಡಿಯೋವೊಂದನ್ನು ಮಾಡಿ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿರುವ ಧರಮ್ ತೇಜ್ 'ದಯವಿಟ್ಟು ಅಭಿಮಾನಿಗಳು ನನ್ನ ಫ್ಲೆಕ್ಸ್ ನಿರ್ಮಿಸಲು ಖರ್ಚು ಮಾಡುವ ಹಣವನ್ನು ನನಗೆ ತಂದು ನೀಡಿದರೆ, ಹಣ ನೀಡಿದವರ ಹೆಸರಿನಲ್ಲೇ ಅದನ್ನು ವೃದ್ಧಾಶ್ರಮಕ್ಕೆ ತಲುಪಿಸುತ್ತೇನೆ. ಅನಗತ್ಯವಾಗಿ ಹಣ ಖರ್ಚು ಮಾಡಬೇಡಿ'. ಹುಟ್ಟುಹಬ್ಬಕ್ಕೆ ಶುಭ ಕೋರಿದ ಎಲ್ಲರಿಗೂ ಧನ್ಯವಾದ ಎಂದು ಧರಮ್ ತೇಜ್ ವಿಡಿಯೋದಲ್ಲಿ ಹೇಳಿದ್ದಾರೆ. ಇನ್ನು ವೃದ್ಧಾಶ್ರಮಕ್ಕಾಗಿ ತೇಜ್ ಹಣ ನೀಡುತ್ತಿರುವ ವಿಚಾರಕ್ಕೆ ನೆಟಿಜನ್ಸ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
Last Updated : Oct 16, 2019, 2:28 PM IST