'ಮಾಯಾ ಬಜಾರ್'​​ನಲ್ಲಿ 'ನಟಸಾರ್ವಭೌಮ'ನ ಜಬರ್ದಸ್ತ್​​ ಡ್ಯಾನ್ಸ್​​​

ರಾಧಾಕೃಷ್ಣ ಅಭಿನಯದ ಮಾಯಾ ಬಜಾರ್​ ಸಿನಿಮಾದ ಟೈಟಲ್​​ ಸಾಂಗ್​ನಲ್ಲಿ ಪವರ್​ ಸ್ಟಾರ್​ ಪುನೀತ್​​ ರಾಜ್​ಕುಮಾರ್​ ಸಖತ್​​ ಸ್ಟೆಪ್​ ಹಾಕಿದ್ದಾರೆ.

ಪಿಆರ್​ಕೆ ಪ್ರೊಡಕ್ಷನ್​​ನಲ್ಲಿ ಶ್ರೀಮತಿ ಅಶ್ವಿನಿ ಪುನೀತ್ ರಾಜ್​ಕುಮಾರ್ ನಿರ್ಮಾಣ ಮಾಡಿರುವ 'ಮಾಯಾ ಬಜಾರ್' ಸಿನಿಮಾವನ್ನು ರಾಧಕೃಷ್ಣ ರೆಡ್ಡಿ ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಟೈಟಲ್ ಟ್ರಾಕ್ ಲಿರಿಕಲ್ ವಿಡಿಯೋವನ್ನು ಚಿತ್ರತಂಡ ರಿವೀಲ್ ಮಾಡಿದ್ದು, ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಲಿರಿಕಲ್ ವಿಡಿಯೋವನ್ನು ಲಾಂಚ್ ಮಾಡಿದರು.

ಈ ಹಾಡಿನ ವಿಶೇಷ ಅಂದರೆ ಮಿಥುನ್ ಮುಕುಂದ ಕಂಪೋಸ್ ಮಾಡಿದ್ದು, ವಿಕಟಕವಿ ಯೋಗರಾಜ್ ಭಟ್ ಸಾಹಿತ್ಯ ಬರೆದಿದ್ದಾರೆ. ಹಾಡಿಗೆ ಸೌತ್ ಇಂಡಿಯಾ ಲೆಜೆಂಡರಿ ಸಿಂಗರ್ ಎಸ್.ಪಿ.ಬಾಲಸುಬ್ರಮಣ್ಯಂ ದನಿಯಾಗಿದ್ದಾರೆ. ಮತ್ತೊಂದು ವಿಶೇಷತೆ ಅಂದ್ರೆ ಈ ಟೈಟಲ್​ ಸಾಂಗ್​ನಲ್ಲಿ ಪುನೀತ್​​ ಕಾಣಿಸಿಕೊಂಡಿದ್ದು, ಸಖತ್​ ಸ್ಟೆಪ್​ ಹಾಕಿದ್ದಾರೆ.

ಈ ಬಗ್ಗೆ ಮಾತನಾಡಿದ ಅಪ್ಪು, ಈ ಹಿಂದೆ ನನ್ನ ಬೆಟ್ಟದ ಹೂ ಚಿತ್ರದಲ್ಲಿ ಎಸ್​​ಪಿಬಿ ಮತ್ತು ನಾನು ಹಾಡಿದ್ದೆವು. ಅದಾದ ನಂತರ, ರಾಘಣ್ಣ, ಶಿವಣ್ಣನ ಚಿತ್ರಗಳಿಗೆ ಬಾಲಸುಬ್ರಹ್ಮಣ್ಯಂ ಹಾಡಿದ್ರು. ಅದ್ರೆ ನನ್ನ ಯಾವುದೇ ಚಿತ್ರಗಳಿಗೆ ಹಾಡಿರಲಿಲ್ಲ. ಈಗ ಎಸ್​​ಪಿಬಿ ನನ್ನ ಚಿತ್ರಕ್ಕೆ ಹಾಡಿರೋದು ನನ್ನ ಪುಣ್ಯ ಎಂದು ಸಂತಸ ವ್ಯಕ್ತಪಡಿಸಿದ್ರು.

ಸಿನಿಮಾದಲ್ಲಿ ಬಹುಭಾಷಾ ನಟ ಪ್ರಕಾಶ್ ರಾಜ್, ಸಾಧು ಕೋಕಿಲ, ವಸಿಷ್ಠ ಸಿಂಹ, ಅಚ್ಯುತ್ ರಾವ್, ರಾಜ್ ಬಿ. ಶೆಟ್ಟಿ, ಸುಧಾರಣಿ ಹಾಗೂ ಚೈತ್ರರಾವ್ ನಟಿಸಿದ್ದಾರೆ.