ಇದ್ದಕ್ಕಿದ್ದಂತೆ ಬೆಂಗಳೂರಿನ ಮನೆ ಖಾಲಿ ಮಾಡಿದ ಪ್ರಥಮ್​​​

ಆಗಾಗ ಬೆಂಗಳೂರು ಬರ್ತೀನಿ. ನನಗೆ ಮನುಷ್ಯರಿಗಿಂತ ನಾನಿದ್ದ ಮನೆ, ವಸ್ತುಗಳ ಜೊತೆ ಜಾಸ್ತಿ ನಂಟು ಇಟ್ಕೊತೀನಿ. ಬಿಗ್​​ಬಾಸ್​ ಗೆದ್ದಾಗಲೂ ಹೀಗೆ ಆಗಿತ್ತು. ನಾನು ಗೆದ್ದೇ ಅನ್ನೋ ಖುಷಿಗಿಂತ ನಾನಿದ್ದ ಮನೆ ಬಿಡಬೇಕಲ್ಲಾ ಅನ್ನೋ ಬೇಸರ ಇತ್ತು..

ನಟ, ಬಿಗ್​​ ಬಾಸ್​​ ವಿನ್ನರ್​ ಪ್ರಥಮ್​ ಇದ್ದಕ್ಕಿದ್ದಂತೆ ತಮ್ಮ ಬೆಂಗಳೂರಿನ ಮನೆಯನ್ನು ಖಾಲಿ ಮಾಡಿಕೊಂಡು ಹೊರಟಿದ್ದಾರೆ. ಸತತ ಮೂರು ವರ್ಷಗಳ ಕಾಲ ಇದ್ದ ಬೆಂಗಳೂರಿನ ಮನೆಯನ್ನು ಖಾಲಿ ಮಾಡಿ ತಮ್ಮ ಊರಿಗೆ ಹೋಗಿದ್ದಾರೆ.

ಈ ಬಗ್ಗೆ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಬರೆದುಕೊಂಡಿರುವ ನಟ, ಹೆಚ್ಚುಕಮ್ಮಿ ಮೂರು ವರ್ಷಕ್ಕೂ ಹೆಚ್ಚು ಕಾಲದಿಂದ ಇದ್ದ ಮನೆ. ಬೆಂಗಳೂರು ಬಿಟ್ಟು ಹೋಗುವಾಗ ಸ್ವಲ್ಪ ಬೇಸರವಾಯ್ತು. ಅದಕ್ಕಿಂತ ಹೆಚ್ಚು ನಾನು 3 ವರ್ಷದಿಂದ ಇದ್ದ ಮನೆ, ನನಗೆ ಗುರುತು ಕೊಟ್ಟ ಊರು ಖಾಲಿ ಮಾಡುವಾಗ ಸ್ವಲ್ಪ ಜಾಸ್ತಿನೇ ಬೇಸರ. ನಟಭಯಂಕರ ಸಿನಿಮಾದ ಉಳಿದಿರೋ ಸಣ್ಣಪುಟ್ಟ ಕೆಲಸಗಳು ಆಫೀಸ್​​ನಲ್ಲಿಯೇ ನಡೆಯಲಿದೆ.

ಆಗಾಗ ಬೆಂಗಳೂರು ಬರ್ತೀನಿ. ನನಗೆ ಮನುಷ್ಯರಿಗಿಂತ ನಾನಿದ್ದ ಮನೆ, ವಸ್ತುಗಳ ಜೊತೆ ಜಾಸ್ತಿ ನಂಟು ಇಟ್ಕೊತೀನಿ. ಬಿಗ್​​ಬಾಸ್​ ಗೆದ್ದಾಗಲೂ ಹೀಗೆ ಆಗಿತ್ತು. ನಾನು ಗೆದ್ದೇ ಅನ್ನೋ ಖುಷಿಗಿಂತ ನಾನಿದ್ದ ಮನೆ ಬಿಡಬೇಕಲ್ಲಾ ಅನ್ನೋ ಬೇಸರ ಇತ್ತು. ಇವತ್ತೂ ಅದೇ ಕತೆ. ಹೊಸ ಸಿನಿಮಾ ಕೆಲಸ ನಡೀತಾ ಇದೆ‌. ಶೀಘ್ರದಲ್ಲೇ ಒಂದು ಒಳ್ಳೆ ಮಾಹಿತಿಯೊಂದಿಗೆ ಬರ್ತೀನಿ ಎಂದಿದ್ದಾರೆ.