ದಾವಣಗೆರೆ: ಪ್ರೀತಿ ಮುಂದೆ ಯಾವುದೇ ಧರ್ಮ ಇಲ್ಲ, ಯಾರು ಇಲ್ಲ ಎಂದು ಜೋಗಿ ಪ್ರೇಮ್ ಖ್ಯಾತಿಯ ನಿರ್ದೇಶಕ, ನಟ ಪ್ರೇಮ್ ಹಿಜಾಬ್ ಹಾಗೂ ಕೇಸರಿ ಶಾಲು ವಿವಾದದ ಬಗ್ಗೆ ಪ್ರತಿಕ್ರಿಯಿಸಿದರು.
ನಗರದಲ್ಲಿ ಏಕ್ ಲವ್ ಯಾ ಸಿನಿಮಾದ ಹಾಡು ಬಿಡುಗಡೆ ಕಾರ್ಯಕ್ರಮ ಮುಗಿಸಿದ ಬಳಿಕ ಮಾತನಾಡಿದ ಅವರು, ನಾನು ಕೂಡ ಇದರ ಬಗ್ಗೆ ಟ್ವೀಟ್ ಮಾಡಿದ್ದೇನೆ. ಇದು ಅವರರವರ ವೈಯಕ್ತಿಕವಾಗಿ ಬಿಟ್ಟಿರುವ ವಿಚಾರ, ಈಗ ಹಿಜಾಬ್ ಹಾಗು ಕೇಸರಿ ಶಾಲು ಧರಿಸುವ ವಿವಾದ ಹೈಕೋರ್ಟ್ನಲ್ಲಿದೆ. ಅದರ ಬಗ್ಗೆ ಚರ್ಚೆ ಮಾಡುವುದು ತಪ್ಪು. ಕೋರ್ಟ್ ತೀರ್ಮಾನವನ್ನು ಕಾದು ನೋಡೋಣ ಎಂದು ಹಿಜಾಬ್ ಹಾಗು ಕೇಸರಿ ಶಾಲು ವಿವಾದ ಕುರಿತು ನಿರ್ದೇಶಕಕ ಸಾಕಷ್ಟು ಬೇಸರ ವ್ಯಕ್ತಪಡಿಸಿದರು.