ಹಾಲಿವುಡ್​ ಹಾಸ್ಯ ಚಿತ್ರಗಳ ನಿರ್ದೇಶಕಿ ಲಿನ್ ಶೆಲ್ಟನ್ ನಿಧನ

ಹಾಸ್ಯ ಚಿತ್ರಗಳ ನಿರ್ದೇಶನಕ್ಕೆ ಹೆಸರುವಾಸಿಯಾಗಿದ್ದ ಹಾಲಿವುಡ್​ ನಿರ್ದೇಶಕಿ ಮತ್ತು ನಿರ್ಮಾಪಕಿ ಲಿನ್ ಶೆಲ್ಟನ್​ ಶುಕ್ರವಾರ ಲಾಸ್​ ಏಂಜಲೀಸ್​ನಲ್ಲಿ ನಿಧನರಾಗಿದ್ದಾರೆ.

ವಾಷಿಂಗ್ಟನ್ ಡಿ.ಸಿ: ಹಂಪ್‌ಡೇ, ಯುವರ್ ಸಿಸ್ಟರ್ಸ್ ಸಿಸ್ಟರ್ ಸೇರಿದಂತೆ ಹಾಸ್ಯ ಚಿತ್ರಗಳ ನಿರ್ದೇಶನಕ್ಕೆ ಹೆಸರುವಾಸಿಯಾಗಿದ್ದ ನಿರ್ದೇಶಕಿ ಮತ್ತು ನಿರ್ಮಾಪಕಿ ಲಿನ್ ಶೆಲ್ಟನ್ (54) ಶುಕ್ರವಾರ ವಿಧಿವಶರಾಗಿದ್ದಾರೆ.

ರಕ್ತ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದ ಅವರು, ಲಾಸ್​ ಏಂಜಲೀಸ್​ನ ಮನೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಶೆಲ್ಟನ್ ನಿಧನಕ್ಕೆ ಹಲವು ದಿಗ್ಗಜರು ಸಂತಾಪ ಸೂಚಿಸಿದ್ದು, ಟ್ವೀಟ್​ ಮೂಲಕ ಸಂತಾಪ ಸೂಚಿಸಿರುವ ಸೂಸೈಡ್ ಸ್ಕ್ವಾಡ್ ಚಲನಚಿತ್ರದ ನಿರ್ಮಾಪಕ ಗೇಮ್ಸ್ ಗನ್, ಶೆಲ್ಟನ್​ ಆತ್ಮಕ್ಕೆ ಶಾಂತಿ ಕೋರುತ್ತೇನೆ. ಅವರು ಅತ್ಯುತ್ತಮ ಪ್ರತಿಭೆಯಾಗಿದ್ದರು, ಅವರ ವಿದಾಯ ಬಹಳ ದುಖಃ ತಂದಿದೆ ಎಂದಿದ್ದಾರೆ.

ಇನ್​​ಸ್ಟಾಗ್ರಾಂನಲ್ಲಿ ಸಂತಾಪ ಸೂಚಿಸಿರುವ ಹಾಸ್ಯ ನಟಿ ಮಿಂಡಿ ಕಾಲಿಂಗ್, ಶೆಲ್ಟನ್​ ನಟರನ್ನು ತುಂಬಾ ಪ್ರೀತಿಸುತ್ತಿದ್ದರು. ನಾವು ಅವರನ್ನು ಪ್ರೀತಿಸುತ್ತಿದ್ದೆವು. ಅವರಲ್ಲಿ ಅಗಾಧವಾದ ಒಂದು ಶಾಂತ ಶಕ್ತಿಯಿತ್ತು. ನಾವು ಅವರನ್ನು ಕಳೆದುಕೊಂಡಿದ್ದೇವೆ. ರೆಸ್ಟ್​ ಇನ್ ಪೀಸ್​.. ಲವ್​ ಯೂ ಎಂದು ಬರೆದುಕೊಂಡಿದ್ದಾರೆ.