ಡಿಎಂಕೆ ನಾಯಕ ಸ್ಟಾಲಿನ್ ಪುತ್ರ​ ಅಭಿನಯ ಸೈಕೋ ಟ್ರೇಲರ್​​​​ ರಿಲೀಸ್​​!

ತಮಿಳಿನ ಮೈಸ್ಕಿನ್​​​​ ಸಸ್ಪೆನ್ಸ್​​ ಸಿನಿಮಾವೊಂದನ್ನ ಮಾಡಿ ಅದಕ್ಕೆ 'ಸೈಕೋ' ಎಂದು ಹೆಸರಿಟ್ಟಿದ್ದಾರೆ. ಈ ಸಿನಿಮಾದ ಟ್ರೇಲರ್​​ ಬಿಡುಗಡೆಯಾಗಿದ್ದು, ಚಿತ್ರದ ಬಗ್ಗೆ ಕುತೂಹಲ ಮೂಡಿಸಿದೆ.

ಪ್ರಪಂಚದ ಸಿನಿ ರಂಗದಲ್ಲಿ ಹೆಚ್ಚು ಸಸ್ಪೆನ್ಸ್​​ ಮತ್ತು ಥ್ರಿಲ್ಲರ್​ ಸಿನಿಮಾಗಳಿಗೆ ಆಕ್ಷನ್​ ಕಟ್​​ ಕೇಳಿರುವ ಕೀರ್ತಿ ಆಲ್​ಫ್ರೆಡ್​​ ಹಿಚ್​​ಕಾಕ್​​ಗೆ ಸಲ್ಲುತ್ತದೆ. ಇನ್ನು ಭಾರತದಲ್ಲಿ ಇದೇ ರೀತಿಯ ಸಿನಿಮಾಗಳನ್ನು ಹಲವು ನಿರ್ದೇಶನಕರು ಮಾಡಿದ್ದಾರೆ. ಇದೀಗ ತಮಿಳಿನ ಮೈಸ್ಕಿನ್​​​​ ಸಸ್ಪೆನ್ಸ್​​ ಸಿನಿಮಾ ಒಂದನ್ನು ಮಾಡಿ ಅದಕ್ಕೆ 'ಸೈಕೋ' ಎಂದು ಹೆಸರಿಟ್ಟಿದ್ದಾರೆ.

ಈ ಸಿನಿಮಾದ ಟ್ರೇಲರ್​​ ಬಿಡುಗಡೆಯಾಗಿದ್ದು, ಒಂದೊಂದು ಸೀನ್​ ಕೂಡ ಸಿನಿಮಾ ಬಗ್ಗೆ ಕುತೂಹಲವನ್ನು ಇಮ್ಮಡಿಗೊಳಿಸುತ್ತವೆ. ಟ್ರೇಲರ್​ ವಿಶೇಷ ಏನಂದ್ರೆ ಇಡೀ ಟ್ರೇಲರ್​​ ತುಂಬ ಕೇವಲ ಮ್ಯೂಸಿಕ್​ ಇದೆಯೇ ವಿನಹ ಒಂದೂ ಡೈಲಾಗ್​ ಇಲ್ಲ. ಇನ್ನು ಥ್ರಿಲ್ಲರ್​​ ಸಿನಿಮಾವಾಗಿರುವ ಸೈಕೋ ಕೊಲೆಯ ಆಧಾರದ ಮೇಲೆ ನಿರ್ಮಿತವಾಗಿದೆ.

ಸೈಕೋ ಟ್ರೇಲರ್​​​​ ರಿಲೀಸ್​​!

ಈ ಸಿನಿಮಾದಲ್ಲಿ ಡಿಎಂಕೆ ಮುಖ್ಯಸ್ಥ ಸ್ಟಾಲಿನ್​​ ಪುತ್ರ ಉದಯ್​​ನಿಧಿ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರ ಜೊತೆಯಲ್ಲಿ ಅದಿತಿ ರಾವ್​​, ನಿತ್ಯ ಮೆನನ್​​​ ಲೀಡ್​​ ರೋಲ್​​ ಪ್ಲೇ ಮಾಡಿದ್ದಾರೆ. ಇನ್ನು ಸಿನಿಮಾಕ್ಕೆ ಇಳೆಯರಾಜ ಸಂಗೀತವಿದ್ದು, ಅರುಣ್​ ಮೋಜಿ ಬಂಡವಾಳ ಹೂಡಿದ್ದಾರೆ.

ಇನ್ನು ಈ ಹಿಂದೆಯೇ ಸಿನಿಮಾವನ್ನು ಡಿಸೆಂಬರ್​​ನಲ್ಲಿಯೇ ಬಿಡುಗಡೆ ಮಾಡಬೇಕೆಂದು ಚಿತ್ರತಂಡ ನಿರ್ಧರಿಸಿತ್ತು. ಆದ್ರೆ ಕಾರಣಾಂತರಗಳಿಂದ ದಿನಾಂಕವನ್ನು ಮುಂದೂಡಲಾಗಿದ್ದು, ಇದೇ ಜನವರಿ 24ಕ್ಕೆ ಸಿನಿಮಾ ತೆರೆ ಕಾಣಲಿದೆ.