'ಫ್ಯಾಂಟಮ್​​'​​ ಇನ್ಮೇಲೆ 'ವಿಕ್ರಾಂತ್​ ರೋಣ': ಬುರ್ಜ್ ಖಲೀಫಾ ಮೇಲೆ ಕಿಚ್ಚನ ಕಟೌಟ್!

ಈ ಹಿಂದೆ ನಿರ್ದೇಶನ ಅನೂಪ್​ ಭಂಡಾರಿ ಗುರುವಾರ ಫ್ಯಾಂಟಮ್​ ಸಿನಿಮಾದ ಎರಡು ಬಿಗ್​​ ಅಪ್​ಡೇಟ್​​​ ನೀಡುತ್ತೇವೆ ಎಂದು ಹೇಳಿದ್ರು. ಅದರಂತೆ ಇಂದು ಸಿನಿಮಾದ ಹೆಸರನ್ನು ವಿಕ್ರಾಂತ್​ ರೋಣ ಎಂದು ಬದಲಾಯಿಲಾಗಿದೆ.

ಸುದೀಪ್​​ ಅಭಿನಯದ ಫ್ಯಾಂಟಮ್​ ಸಿನಿಮಾ ದಿನದಿಂದ ದಿನಕ್ಕೆ ಹೊಸ ಹೊಸ ವಿಚಾರಗಳನ್ನು ಹೊತ್ತು ತರುತ್ತಿದೆ. ಈ ಹಿಂದೆ ಚಿತ್ರಕ್ಕೆ 'ಫ್ಯಾಂಟಮ್'​ ಎಂದು ಹೆಸರಿಡಲಾಗಿತ್ತು, ಇದೀಗ ಸಿನಿಮಾ ಹೆಸರನ್ನು 'ವಿಕ್ರಾಂತ್​ ರೋಣ' ಎಂದು ಬದಲಾಯಿಸಲಾಗಿದೆ. ಸಿನಿಮಾದಲ್ಲಿ ಸುದೀಪ್​​ ವಿಕ್ರಾಂತ್​ ರೋಣನ ಪಾತ್ರ ಮಾಡುತ್ತಿರುವ ಕಾರಣ ಈ ಹೆಸರನ್ನು ಇಡಲಾಗಿದೆ.

ಸುದೀಪ್​​​​ ಮತ್ತು ಅನೂಪ್​​​

ಹೌದು, ಈ ಹಿಂದೆ ಚಿತ್ರದ ನಿರ್ದೇಶನ ಅನೂಪ್​ ಭಂಡಾರಿ ಗುರುವಾರ ಫ್ಯಾಂಟಮ್​ ಸಿನಿಮಾದ ಎರಡು ಬಿಗ್​​ ಅಪ್​ಡೇಟ್​​​ ನೀಡುತ್ತೇವೆ ಎಂದು ಹೇಳಿದ್ರು. ಹೇಳಿದ ರೀತಿಯಲ್ಲೇ ಇಂದು ಸಿನಿಮಾದ ಹೆಸರನ್ನು ವಿಕ್ರಾಂತ್​ ರೋಣ ಎಂದು ಬದಲಾಯಿಲಾಗಿದೆ. ಎರಡನೇ ಪ್ರಕಟಣೆ ಏನಂದ್ರೆ ಈ ಟೈಟಲ್​ ಲಾಂಚ್​ ಕಾರ್ಯಕ್ರಮ ಇದೇ ತಿಂಗಳ 31ರಂದು ನಡೆಯಲಿದ್ದು, ದುಬೈನ ಬುರ್ಜ್ ಖಲೀಫಾ ಮೇಲೆ ಮಾಡಲಾಗುತ್ತದೆ ಎಂದು ಘೋಷಿಸಲಾಗಿದೆ.

'ಫ್ಯಾಂಟಮ್​​'​​ ಇನ್ಮೇಲೆ 'ವಿಕ್ರಾಂತ್​ ರೋಣ'

ಈ ಮೂಲಕ ಪ್ರಪಂಚದಲ್ಲಿಯೇ ಮೊದಲ ಬಾರಿಗೆ ಬುರ್ಜ್​​ ಖಲೀಫಾದಲ್ಲಿ ಟೈಟಲ್​​​ ಲಾಂಚ್​ ಮಾಡುತ್ತಿರುವ ಸಿನಿಮಾ ವಿಕ್ರಾಂತ್​ ರೋಣವಾಗಿದ್ದು, ಹೊಸ ದಾಖಲೆ ಬರೆಯುತ್ತಿದೆ.

ಸುದೀಪ್​​

ಇದೊಂದೆ ಅಲ್ಲ ವಿಕ್ರಾಂತ್​ ರೋಣ ಸಿನಿಮಾವು ಹಲವು ಮೊದಲುಗಳನ್ನು ಕಾಣುತ್ತಿದೆ. ಅದೇನಂದ್ರೆ ಸುದೀಪ್​​ ಅವರ ವಿಕ್ರಾಂತ್​​​ ರೋಣ ಸಿನಿಮಾದ 2000 ಅಡಿ ವರ್ಚುವಲ್​​ ಕಟೌಟ್​​ಅನ್ನು ನಿಲ್ಲಿಸಲಾಗುತ್ತದೆಯಂತೆ. ಅಲ್ಲದೆ ಬುರ್ಜ್​ ಖಲೀಫಾದ 180 ಕ್ಕೂ ಹೆಚ್ಚು ಸ್ಕ್ರೀನ್​​ಗಳಲ್ಲಿ ವಿಡಿಯೋವನ್ನು ಪ್ರದರ್ಶನ ಮಾಡಲಾಗುತ್ತದೆ. ಈ ಎಲ್ಲಾ ಕಾರ್ಯಕ್ರಮವನ್ನು ನೇರ ಪ್ರಸಾರದ ಮೂಲಕ ಭಾರತಕ್ಕೆ ತೋರಿಸಲಾಗುತ್ತದೆಯಂತೆ.