ಕನ್ನಡದ 'ಜೊತೆಜೊತೆಯಲಿ' ಧಾರಾವಾಹಿ ತೆಲುಗಿಗೆ ಬಂದಾಗ 'ಪ್ರೇಮ ಎಂಥ ಮಧುರಂ' ​​​​​​​

ಕನ್ನಡದ ಜೊತೆಜೊತೆಯಲಿ ಧಾರಾವಾಹಿ ತೆಲುಗಿದೆ ರಿಮೇಕ್ ಆಗುತ್ತಿದೆ.

ಝೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಆರೂರು ಜಗದೀಶ್ ನಿರ್ದೇಶನದ ಜನಪ್ರಿಯ 'ಜೊತೆಜೊತೆಯಲಿ' ಕನ್ನಡ ಸೀರಿಯಲ್‌ ಲೋಕದಲ್ಲಿ ಭಾರಿ ಹವಾ ಉಂಟುಮಾಡಿದೆ. ಈ ಧಾರಾವಾಹಿ ಶುರುವಾದ ದಿನದಿಂದಲೂ ಟಿಆರ್‌ಪಿಯಲ್ಲಿ(ವೀಕ್ಷಕರ ಸಂಖ್ಯೆ) ಮೊದಲ ಸ್ಥಾನ ಕಾಯ್ದುಕೊಂಡಿರುವುದು ವಿಶೇಷ. ಧಾರಾವಾಹಿಯ ಕೇಂದ್ರ ಬಿಂದು ನಾಯಕ ಆರ್ಯವರ್ಧನ್ ಮತ್ತು ನಾಯಕಿ ಅನು.

ಸೀರಿಯಲ್‌ನಲ್ಲಿ ನಾಯಕ 'ಆರ್ಯವರ್ಧನ್' ಆಗಿ ಚಂದನವನದ ಚೆಂದದ ನಟ ಅನಿರುದ್​​ ಅಭಿನಯಿಸಿದರೆ, ಅನು ಪಾತ್ರದಲ್ಲಿ ಮೇಘಾ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ. ಇವರಿಬ್ಬರ ನಡುವಿನ ಕೆಮೆಸ್ಟ್ರಿಗೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ.

ಹೊಸ ವಿಚಾರ ಏನಪ್ಪಾ ಅಂದ್ರೆ, ಕನ್ನಡ ಧಾರಾವಾಹಿ ಪ್ರೇಮಿಗಳ ಮನ ಗೆದ್ದಿರುವ ಈ ಧಾರಾವಾಹಿ ತೆಲುಗಿಗೆ ರಿಮೇಕ್ ಆಗುತ್ತಿದ್ದು, ಝೀ ತೆಲುಗು ವಾಹಿನಿಯಲ್ಲಿ ಪ್ರಸಾರವಾಗಲಿದೆ‌. ತೆಲುಗಿನಲ್ಲಿ 'ಪ್ರೇಮ ಎಂಥ ಮಧುರಂ' ಟೈಟಲ್‌ನಲ್ಲಿ ಮೂಡಿಬರಲಿದೆ.

ಧಾರಾವಾಹಿಯ ಜೊತೆಗೆ ನೂರು ಜನ್ಮ ಕೂಡಿ ಬಾಳುವ ಜೋಡಿ ನಮ್ಮದು ಎಂಬ ಟೈಟಲ್ ಹಾಡು ಕೂಡಾ ಯಥಾವತ್ತಾಗಿ ರಿಮೇಕ್ ಆಗಿರುವುದು ವಿಶೇಷ! ಸಾಮಾಜಿಕ ಜಾಲತಾಣದಲ್ಲಿ ರಿಮೇಕ್ ಧಾರಾವಾಹಿಯ ಪ್ರೋಮೋ ಹರಿದಾಡುತ್ತಿದೆ.