ಹಿಂದಿ ನಿರ್ದೇಶಕರು ನಗರ-ಪಟ್ಟಣಗಳ ಬಗ್ಗೆ ಸಿನಿಮಾ ಮಾಡಲು ಹೊರಟಿರುವುದು ಸ್ವಾಗತಾರ್ಹ ಎಂದು ಬಿಗ್ಬಿ ಅಮಿತಾಬ್ ಬಚ್ಚನ್ ಹೇಳಿದ್ದಾರೆ. ಅವರು ಅಭಿನಯಿಸಿರುವ 'ಗುಲಾಬೊ ಸಿತಾಬೋ' ಸಿನಿಮಾದ ಲಕ್ನೋ ಸೆಟ್ನಲ್ಲಿ ಈ ಬಗ್ಗೆ ಮಾತನಾಡಿದ್ದಾರೆ.
ಇನ್ನು 'ಗುಲಾಬೊ ಸಿತಾಬೊ' ಸಿನಿಮಾ ಅಮೇಜಾನ್ ಪ್ರೈಮ್ನಲ್ಲಿ ರಿಲೀಸ್ ಆಗಿದ್ದು, ಚಿತ್ರದಲ್ಲಿ ಅಮಿತಾಬ್ ಮಿರ್ಜಾ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಅಲ್ಲದೆ ಸಿನಿಮಾದಲ್ಲಿ ಆಯುಷ್ಮಾನ್ ಕುರಾನ್ ಕೂಡ ಅಭಿನಯಿಸಿದ್ದಾರೆ.
ಇನ್ನು ಹಿಂದಿ ಸಿನಿಮಾಗಳು ನಗರ ಪಟ್ಟಣಗಳ ಹಿನ್ನೆಲೆಯಲ್ಲಿ ನಿರ್ಮಾಣವಾಗುತ್ತಿರುವ ಬಗ್ಗೆ ಮಾತನಾಡಿದ ಅಮಿತಾಬ್, ಸಿನಿಮಾ ನಿರ್ದೇಶಕರಲ್ಲಿ ಬಹುಪಾಲು ಮಂದಿ ಸಣ್ಣ ಪಟ್ಟಣಗಳಿಂದ ಬಂದವರು. ಅಲ್ಲದೆ ಅಲ್ಲಿನ ಸಂಬಂಧಗಳ ಬಗ್ಗೆಯೂ ಸಂಪರ್ಕ ಹೊಂದಿದ್ದಾರೆ, ಅದ್ದರಿಂದ ಆ ಸವಿ ನೆನಪುಗಳನ್ನು ಮತ್ತೆ ಮೆಲುಕು ಹಾಕಲು ಈ ಪ್ರಯತ್ನ ಮಾಡುತ್ತಿದ್ದಾರೆ ಎಂದು ಅಮಿತಾಬ್ ಹೇಳಿದ್ದಾರೆ.
ಅಮಿತಾಬ್ ಬಚ್ಚನ್ ಅಷ್ಟು ದೊಡ್ಡ ನಟನಾದರೂ ಕೂಡ ಒಮ್ಮೆಯೂ ತಮ್ಮ ಪಾತ್ರದ ಬಗ್ಗೆ ನಿರ್ದೇಶಕರನ್ನು ಪ್ರಶ್ನೆ ಮಾಡಿಲ್ಲವಂತೆ. ಇದಕ್ಕೆ ಸಾಕ್ಷಿಯಂತಿದೆ 'ಗುಲಾಬೊ ಸಿತಾಬೊ' ಸಿನಿಮಾದಲ್ಲಿನ ಮಿರ್ಜಾ ಪಾತ್ರ.
