ಬಿಡುಗಡೆ ಮುಂಚೆಯೇ ನಿರ್ಮಾಪಕನನ್ನು ಸೇಫ್​ ಮಾಡಿದ ‘ತ್ರಯಂಬಕಂ’

ನಿರ್ದೇಶಕ ದಯಾಳ್ ಪದ್ಮನಾಭನ್ ಅವರ ‘ತ್ರಯಂಬಕಂ’ ಚಿತ್ರ ಇದೇ 19 ರಂದು ಬಿಡುಗಡೆಯಾಗುತ್ತಿದೆ. ಇದೇ 16 ರಂದು ಪ್ರೀಮಿಯರ್​ ಶೋ ಆಯೋಜಿಸಿದೆ ಚಿತ್ರತಂಡ.

ನಿರ್ದೇಶಕ ದಯಾಳ್ ಪದ್ಮನಾಭನ್ ಅವರಲ್ಲಿ ಆತ್ಮವಿಶ್ವಾಸ ಹೆಚ್ಚಾಗಿದೆ. ಕಳೆದ ಆರು ಸಿನಿಮಾಗಳನ್ನು ಸೀಮಿತ ಬಜೆಟ್​​, ದಿವಸಗಳಲ್ಲಿ ಚಿತ್ರೀಕರಣ ಮಾಡಿ, ಅದಕ್ಕೆ ಸರಿಯಾದ ವ್ಯಾಪಾರ ಸಹ ಮಾಡಿದ್ದಾರೆ. ಇದರಿಂದ ನನ್ನ ಚಿತ್ರ ಜೀವನದ ದಿಕ್ಕು ಬದಲಾಯಿತು ಎಂದು ಹೇಳಿಕೊಳ್ಳುವ ದಯಾಳ್ ಈಗ ತೆರೆ ಮೇಲೆ ‘ತ್ರಯಂಬಕಂ’ ತರಲು ಉತ್ಸುಕರಾಗಿದ್ದಾರೆ.

ಇದೇ 19 ರಂದು ಬಿಡುಗಡೆಯಾಗುತ್ತಿರುವ ‘ತ್ರಯಂಬಕಂ’ ಚಿತ್ರದ ಪ್ರೀಮಿಯರ್​ ಶೋ ಮಾಧ್ಯಮದವರಿಗೆ ಇದೇ 16 ರಂದು ಏರ್ಪಡಿಸಿದ್ದಾರೆ. ಅಂದು ಪ್ರಸನ್ನ ಚಿತ್ರಮಂದಿರ ಪಕ್ಕದಲ್ಲಿರುವ ಜಿಟಿ ವರ್ಲ್ಡ್ ಮಾಲ್​​ನ ಎಸ್​ಪಿಐನಲ್ಲಿ ಸಂಜೆ 6.30ಕ್ಕೆ ಮೊದಲ ಪ್ರದರ್ಶನ ವ್ಯವಸ್ಥೆ ಮಾಡಲಾಗಿದೆ.

ತ್ರಯಂಬಕಂ

ಇನ್ನು ತ್ರಯಂಬಕಂ ಸಿನಿಮಾ ಬಿಡುಗಡೆ ಮುನ್ನವೇ ನಿರ್ಮಾಪಕರಿಗೆ 50 % ಆದಾಯ ತಂದಿದೆ​. ಇನ್ನುಳಿದ ಹಣ ಪ್ರದರ್ಶನದಿಂದ ಬರುತ್ತದೆ ಎಂದು ಹೇಳುತ್ತಾರೆ ದಯಾಳ್​. ಚಿತ್ರದ ವಿಶ್ವ ಮಾರುಕಟ್ಟೆಯ ಹಕ್ಕನ್ನು ಜ್ಯಾಕ್ ಮಂಜುನಾಥ್ ಅವರ ಮೈಸೂರು ಟಾಕೀಸ್ ಪಡೆದುಕೊಂಡಿದೆ.

ಇನ್ನು ರಾಘವೇಂದ್ರ ರಾಜಕುಮಾರ್, ಅನುಪಮ ಗೌಡ, ರೋಹಿತ್ ಮುಖ್ಯ ತಾರಾಗಣದಲಿದ್ದಾರೆ. ಗಣೇಶ್ ನಾರಾಯಣ್ ಸಂಗೀತ, ರಾಕೇಶ್ ಛಾಯಾಗ್ರಹಣ, ನವೀನ್ ಕೃಷ್ಣ ಸಂಭಾಷಣೆ, ಸುನಿಲ್ ಕಶ್ಯಪ್ ಸಂಕಲನ ಮಾಡಿದ್ದಾರೆ.