ಹೆಣ್ಣುಮಕ್ಕಳ ಹಾಸ್ಟೆಲ್ನಲ್ಲಿ ಆರ್ಜಿವಿಗೆ ಹೇಗೆ ಪ್ರವೇಶ ಸಿಕ್ತು? ಅನ್ನೋ ಪ್ರಶ್ನೆ ಎಲ್ಲರಲ್ಲೂ ಮೂಡುತ್ತೆ. ಆದರೆ, ಈ ಹಾಸ್ಟೆಲ್ಗೂ ಆರ್ಜಿವಿಗೂ ಬಿಡಿಸಲಾರದ ನಂಟಿದೆ!
ರಾಮ್ ಗೋಪಾಲ್ ವರ್ಮಾರಿಗೂ ಲೇಡಿಸ್ ಹಾಸ್ಟೆಲ್ಗೂ ನಂಟು!
ವಿವಾದಾತ್ಮಕ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಲೇಡಿಸ್ ಹಾಸ್ಟೆಲ್ನಲ್ಲಿ ಪ್ರತ್ಯಕ್ಷರಾಗಿದ್ದಾರೆ. ಅಲ್ಲಿಯ ವಿದ್ಯಾರ್ಥಿನಿಯರ ಜತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಟ್ವಿಟ್ಟರ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಚಿತ್ರಕೃಪೆ : ಟ್ವಿಟ್ಟರ್
ರಾಮ್ ಗೋಪಾಲ್ ವರ್ಮಾ ವಿಜಯವಾಡದ ಸಿದ್ಧಾರ್ಥ್ ಕಾಲೇಜಿನಲ್ಲೇ ಇಂಜಿನಿಯರಿಂಗ್ ಓದಿದ್ದು. ತಮ್ಮ ವಿದ್ಯಾರ್ಥಿ ದಿನಗಳಲ್ಲಿ ಇದೇ ಹಾಸ್ಟೆಲ್ನಲ್ಲಿ ಎರಡು ವರ್ಷ ಉಳಿದುಕೊಂಡಿದ್ದರಂತೆ. ಈ ಬಗ್ಗೆ ಸಾಕಷ್ಟು ಸಾರಿ ಅವರು ಹೇಳಿಕೊಂಡಿದ್ದಾರೆ. ಮೊನ್ನೆಯಷ್ಟೆ ಈ ಕಾಲೇಜಿಗೆ ಅವರು ಹೋಗಿದ್ದರು. ಈ ವೇಳೆ ತಾವು ಉಳಿದುಕೊಂಡಿದ್ದ ಹಾಸ್ಟೆಲ್ ನೋಡಲು ಬಯಸಿದ್ದರು. ಸದ್ಯ ಅದು ಲೇಡಿಸ್ ವಸತಿ ನಿಲಯವಾಗಿದೆ.
ತಮ್ಮ ನೆನಪುಗಳನ್ನು ಅರಿಸಿಕೊಂಡು ಅಲ್ಲಿ ಹೋಗಿದ್ದ ಆರ್ಜಿವಿಗೆ ಅಲ್ಲಿ ಯಾರೂ ನಿರ್ಬಂಧಿಸಿಲ್ಲ. ತಾವು ತಂಗಿದ್ದ ರೂಮಿಗೆ ಹೋಗಿ, ವಿದ್ಯಾರ್ಥಿ ದಿನಗಳನ್ನು ಮೆಲುಕು ಹಾಕಿದ್ದಾರೆ. ಆ ರೂಮಿನಲ್ಲಿದ್ದ ವಿದ್ಯಾರ್ಥಿನಿಯರು ಆರ್ಜಿವಿ ಜತೆ ಫೊಟೋ ತೆಗೆಸಿಕೊಂಡು ಸಂಭ್ರಮ ಪಟ್ಟಿದ್ದಾರೆ.