ರೈತರಿಗೆ ಸದಾ ನನ್ನ ಸಲಾಂ ಎಂದ ದಾಸ

ಚಾಲೆಂಜಿಂಗ್​ ಸ್ಟಾರ್​ ದರ್ಶನ್,​ ಉಳುವ ಯೋಗಿಯ ಬಗ್ಗೆ ಟ್ವೀಟ್​ ಮಾಡಿದ್ದಾರೆ. ಟ್ವೀಟ್​​ನಲ್ಲಿ ರೈತರ ಬಗ್ಗೆ ಬರೆದಿರುವ ದರ್ಶನ್​​, ಬಲಿಷ್ಠ ರೈತರಿಂದ ಸದೃಢ ದೇಶ ನಿರ್ಮಾಣವಾಗುತ್ತದೆ ಎಂದು ಬರೆದಿದ್ದಾರೆ.

ರೈತನನ್ನು ದೇಶದ ಬೆನ್ನೆಲುಬು ಎಂದು ಕರೆಯಲಾಗುತ್ತದೆ. ಈ ಕಾರಣಕ್ಕಾಗಿ ಎಲ್ಲರಿಗೂ ಅನ್ನ ನೀಡುವ ಈ ರೈತನಿಗೆ ಈ ದಿನವನ್ನು ಅರ್ಪಿಸಿ ವಿಶ್ವ ರೈತ ದಿನವನ್ನಾಗಿ ಡಿಸೆಂಬರ್​ 23ನ್ನು ಆಚರಿಸಲಾಗುತ್ತದೆ.

ಇಂದು ಎಲ್ಲರೂ ರೈತ ದಿನದ ಶುಭಾಶಯಗಳನ್ನು ಕೋರುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಚಾಲೆಂಜಿಂಗ್​ ಸ್ಟಾರ್​ ದರ್ಶನ್​ ಉಳುವ ಯೋಗಿಯ ಬಗ್ಗೆ ಟ್ವೀಟ್​ ಮಾಡಿದ್ದಾರೆ.

ಹೌದು, ಟ್ವೀಟ್​​ನಲ್ಲಿ ರೈತರ ಬಗ್ಗೆ ಬರೆದಿರುವ ದರ್ಶನ್​​, ಬಲಿಷ್ಠ ರೈತರಿಂದ ಸದೃಢ ದೇಶ ನಿರ್ಮಾಣವಾಗುತ್ತದೆ. ರೈತರು ಚೆನ್ನಾಗಿದ್ದರೆ ಮಾತ್ರ ನಮ್ಮ ಹೊಟ್ಟೆಗೆ ಕೂಳು ಸಿಗುತ್ತದೆ. ದೇಶದ ಬೆನ್ನೆಲುಬಾಗಿ ನಿಂತಿರುವ ರೈತರಿಗೆ ಸದಾ ನನ್ನ ಸಲಾಂ. ನಿಮ್ಮ ದಾಸ ದರ್ಶನ್ ಎಂದು ಬರೆದಿದ್ದಾರೆ.