ನಿಜ ಜೀವನದಲ್ಲೂ ಹೀರೋ ರೀತಿ ಇರಿ: ದಳಪತಿಗೆ ಛೀಮಾರಿ ಹಾಕಿ, ದಂಡ ವಿಧಿಸಿದ ಮದ್ರಾಸ್ ಹೈಕೋರ್ಟ್​​

ಕಾಲಿವುಡ್ ಸೂಪರ್​ಸ್ಟಾರ್ ದಳಪತಿ ವಿಜಯ್​ ಹೊಸದಾಗಿ ಕೊಂಡುಕೊಂಡ ಐಷಾರಾಮಿ ಇಂಪೋರ್ಟೆಡ್ ಕಾರು ವಿಚಾರಕ್ಕೆ ಮದ್ರಾಸ್ ಹೈಕೋರ್ಟ್ ದಂಡ ವಿಧಿಸಿದೆ.

ಚೆನ್ನೈ(ತಮಿಳುನಾಡು):ಕಾಲಿವುಡ್​ನ ಸೂಪರ್​ಸ್ಟಾರ್, ದಳಪತಿ ವಿಜಯ್​ಗೆ ಮದ್ರಾಸ್ ಹೈಕೋರ್ಟ್ ಒಂದು ಲಕ್ಷ ರೂಪಾಯಿ ದಂಡ ವಿಧಿಸಿದ್ದು, ಆ ದಂಡದ ಮೊತ್ತವನ್ನು ತಮಿಳುನಾಡು ಮುಖ್ಯಮಂತ್ರಿಗಳ ಕೊರೊನಾ ಪರಿಹಾರ ನಿಧಿಗೆ ನೀಡಬೇಕೆಂದು ಆದೇಶಿಸಿದೆ.

ವಿಜಯ್​ಗೆ ಮೊದಲಿನಿಂದ ಕಾರುಗಳ ಮೇಲೆ ಕ್ರೇಜ್ ಹೆಚ್ಚಿದ್ದು, ಈಗಾಗಲೇ ವಿಜಯ್ ಬಳಿ ಸಾಕಷ್ಟು ಐಷಾರಾಮಿ ಕಾರುಗಳಿವೆ. ಹೊಸದಾಗಿ ಕೊಂಡುಕೊಂಡ ಐಷಾರಾಮಿ ಇಂಪೋರ್ಟೆಡ್ ಕಾರು ವಿಚಾರಕ್ಕೆ ಮದ್ರಾಸ್ ಹೈಕೋರ್ಟ್ ದಂಡ ವಿಧಿಸಿದೆ.

2012ರಲ್ಲಿ ವಿಜಯ್ ರೋಲ್ಸ್ ರೋಯ್ಸ್​ ಕಾರನ್ನು ವಿದೇಶದಿಂದ ಕೊಂಡುಕೊಂಡಿದ್ದು, ಎಂಟ್ರಿ ಟ್ಯಾಕ್ಸ್​ಗೆ ವಿನಾಯಿತಿಯನ್ನು ಕೋರಿದ್ದರು. ಆದರೆ ತೆರಿಗೆ ವಿನಾಯಿತಿ ನೀಡಲು ಇಲಾಖೆ ನಿರಾಕರಿಸಿತ್ತು. ನಂತರ ತೆರಿಗೆ ವಿನಾಯಿತಿಗೆ ನ್ಯಾಯಾಲಯದ ಮೆಟ್ಟಿಲೇರಿದ್ದರು.

ಈ ಪ್ರಕರಣದ ವಿಚಾರಣೆ ನಡೆಸಿದ ಎಸ್​.ಎಂ.ಸುಬ್ರಮಣಿಯಂ ಸಿನಿಮಾನಟರೂ ಸಾಮಾನ್ಯರಂತೆ ಜೀವ ನಡೆಸಬೇಕು. ಅವರನ್ನು ಟ್ಯಾಕ್ಸ್​ನಿಂದ ಹೊರಗುಳಿಸಲು ಸಾಧ್ಯವಾಗುವುದಿಲ್ಲ. ಸಿನಿಮಾಗಳಲ್ಲಿ ಸಾಮಾಜಿಕ ಬದ್ಧತೆ ಬಗ್ಗೆಮಾತನಾಡುವ ಅವರು ವಾಸ್ತವ ಜೀವನದಲ್ಲೂ ಬದ್ಧತೆ ಅಗತ್ಯ ಎಂದಿದ್ದಾರೆ.

ಇದನ್ನೂ ಓದಿ:ಇತ್ತೀಚೆಗೆ 8 ಕೋಟಿ ಮೌಲ್ಯದ ಕಾರು ಕೊಂಡಿದ್ದ ಬಿಲ್ಡರ್ ವಿರುದ್ಧ ದಾಖಲಾಯ್ತು ವಿದ್ಯುತ್ ಕಳವು ಕೇಸ್

ಇದರ ಜೊತೆಗೆ ಕಾರಿನ ತೆರಿಗೆ ಜೊತೆಗೆ ಒಂದು ಲಕ್ಷ ರೂಪಾಯಿ ದಂಡವನ್ನು ನೀಡಬೇಕೆಂದು, ದಂಡದ ಮೊತ್ತವನ್ನು ಮುಖ್ಯಮಂತ್ರಿಗಳ ಕೋವಿಡ್ ಪರಿಹಾರ ನಿಧಿಗೆ ನೀಡಬೇಕೆಂದು ಎಸ್.ಎಂ.ಸುಬ್ರಮಣಿಯಂ ಆದೇಶಿಸಿದ್ದಾರೆ.