ಸ್ವರ ಭಾಸ್ಕರ್ ಜೊತೆ ಮತ್ತೆ ಸ್ಕ್ರೀನ್​ ಮೇಲೆ ಬರಲಿದ್ದಾರೆ ಶಿಖಾ ತಲ್ಸಾನಿಯಾ

ಉತ್ತರ ಪ್ರದೇಶದ ಮಧ್ಯಮ ವರ್ಗ ಕುಟುಂಬದ ನಾಲ್ವರು ಸ್ನೇಹಿತರ ನಡುವಿನ ಕಥಾ ಹಂದರ ಹೊಂದಿದೆ. ಅವರ ದೈನಂದಿನ ಜೀವನ ಇದರಲ್ಲಿದ್ದು, ಅವರ ಗೋವಾ ಟ್ರಿಪ್​​​​ನಲ್ಲಿ ಏನಾಗಲಿದೆ ಎಂಬುದೇ ಚಿತ್ರದ ಎಳೆಯಾಗಿದೆ.

ಹೈದರಾಬಾದ್: ಬಾಲಿವುಟ್​ ನಟಿ ಸ್ವರ ಭಾಸ್ಕರ್ ಹಾಗೂ ನಟಿ ಶಿಖಾ ತಲ್ಸಾನಿಯಾ ಇಬ್ಬರೂ ಒಂದೇ ಸಿನಿಮಾದಲ್ಲಿ ನಟಿಸುವ ಸುಸಂದರ್ಭ ಕೂಡಿ ಬಂದಿದೆ.

ಫ್ರೆಂಡ್​ಶಿಪ್​ ಡ್ರಾಮಾ ಚಿತ್ರವಾಗಿರುವ ‘ಜಹಾನ್​​ ಚಾರ್​​ ಯಾರ್​​’ ಸಿನಿಮಾದಲ್ಲಿ ಇಬ್ಬರು ಒಟ್ಟಿಗೆ ನಟಿಸುತ್ತಿದ್ದಾರೆ. ಇದಕ್ಕೂ ಮೊದಲು ಇವರಿಬ್ಬರು 2018ರಲ್ಲಿ ತೆರೆಕಂಡ ‘ವೀರ್​​ ದಿ ವೆಡ್ಡಿಂಗ್​’ ಚಿತ್ರದಲ್ಲಿ ನಟಿಸಿದ್ದರು. ಇದೀಗ ಜಹಾನ್​​ ಚಾರ್​​ ಯಾರ್​​’ ನಲ್ಲಿ ನಟಿಸುವುದು ಖಚಿತವಾಗಿದೆ.

ಇವರಲ್ಲದೇ ಚಿತ್ರದಲ್ಲಿ ಮೆಹರ್ ವಿಜ್​ ಮತ್ತು ಪೂಜಾ ಚೋಪ್ರಾ ಸಹ ಲೀಡ್ ರೋಲ್​​ನಲ್ಲಿ ಬಣ್ಣ ಹಚ್ಚಲಿದ್ದಾರೆ.

ಈ ಚಿತ್ರವೂ ಉತ್ತರ ಪ್ರದೇಶದ ಮಧ್ಯಮ ವರ್ಗ ಕುಟುಂಬದ ನಾಲ್ವರು ಸ್ನೇಹಿತರ ನಡುವಿನ ಕಥಾ ಹಂದರ ಹೊಂದಿದೆ. ಅವರ ದೈನಂದಿನ ಜೀವನ ಇದರಲ್ಲಿದ್ದು, ಅವರ ಗೋವಾ ಟ್ರಿಪ್​​​​ನಲ್ಲಿ ಏನಾಗಲಿದೆ ಎಂಬುದೇ ಚಿತ್ರದ ಎಳೆಯಾಗಿದೆ.

ಚಿತ್ರಕ್ಕೆ ಮೊದಲ ಬಾರಿಗೆ ಬರಹಗಾರ ಕಮಲ್ ಪಾಂಡೆ ನಿರ್ದೇಶನಕ್ಕೆ ಕೈಹಾಕಿದ್ದಾರೆ. ಇದಕ್ಕೂ ಮೊದಲು ‘ಶಾದಿ ಮೇ ಜರೂರ್ ಆನಾ’ ಸಾಹೇಬ್ ಬಿವಿ ಔರ್ ಗ್ಯಾಂಗ್​​ಸ್ಟರ್, ಶಾಗ್ರಿದ್ ಮತ್ತು ಶಕ್ತಿ ಚಿತ್ರಗಳಿಗೆ ಸಂಭಾಷಣೆ ಬರೆದಿದ್ದರು.

ಇದನ್ನೂ ಓದಿ:'ಏಕ್ ವಿಲನ್ ರಿಟರ್ನ್ಸ್' ಶೂಟಿಂಗ್​​ ಆರಂಭ: ಮಾಹಿತಿ ಹಂಚಿಕೊಂಡ ದಿಶಾ ಪಟಾನಿ