ಬೆಳ್ಳಿ ಪರದೆ ಮೇಲೆ ಚಿನ್ನದ ಹುಡುಗಿ ಸಾಧನೆ... ಸಿಂಧು ಬಯೋಪಿಕ್​ನಲ್ಲಿ ಅಕ್ಷಯ್​?

ಬಾಲಿವುಡ್​ ನಟ ಅಕ್ಷಯ್​ ಕುಮಾರ್ ಬ್ಯಾಡ್ಮಿಂಟನ್​ ತಾರೆ ಸಿಂಧು ಅವರನ್ನು ಹಲವು ಬಾರಿ ಭೇಟಿ ಮಾಡಿ ಪ್ರೋತ್ಸಾಹಿಸಿದ್ದಾರೆ. ಸಿಂಧು ಬ್ಯಾಡ್ಮಿಂಟನ್​ ತಾರೆಯಾಗಿ ಮಿಂಚಲು ಪ್ರೋತ್ಸಾಹದ ಮಾತುಗಳೇ ಕಾರಣ ಎಂದಿದ್ದಾರೆ ಕೋಚ್​ ಗೋಪಿಚಂದ್​.

ಭಾರತಕ್ಕೆ ಪ್ರಥಮ ಚಿನ್ನದ ಪದಕ ತಂದುಕೊಟ್ಟ ಬ್ಯಾಡ್ಮಿಂಟನ್​ ತಾರೆ, ಬಿಡಬ್ಲ್ಯುಎಫ್​ ವಿಶ್ವ ಚಾಂಪಿಯನ್ ಪಿ ವಿ ಸಿಂಧು ಅವರ ಬಯೋಪಿಕ್​ ರೆಡಿಯಾಗಲಿದೆಯಂತೆ. ಈ ಸಿನಿಮಾದಲ್ಲಿ ಸಿಂಧು ಅವರ ಕೋಚ್​ ಪುಲ್ಲೇಲ ಗೋಪಿಚಂದ್​ ಅವರ ಪಾತ್ರವನ್ನು ಬಾಲಿವುಡ್​ ಕಿಲಾಡಿ ಅಕ್ಷಯ್​ ಕುಮಾರ್​ ನಿರ್ವಹಿಸಲಿದ್ದಾರಂತೆ.

ಸಂದರ್ಶನವೊಂದರಲ್ಲಿ ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಗೋಪಿಚಂದ್ ಅವರು​, ಅಕ್ಷಯ್​ ಕುಮಾರ್ ಓರ್ವ ಅದ್ಭುತ ನಟ. ನಾನು ಸಹ ಅವರ ಅಭಿಮಾನಿ. ನನ್ನ ನೆಚ್ಚಿನ ನಟ ನನ್ನ ಪಾತ್ರ ಮಾಡುತ್ತಾರೆಂದರೆ ನನಗೆ ಸಂತೋಷವಿದೆ. ಆದರೆ ಇದು ನಿಜವಾಗುತ್ತೋ, ಇಲ್ಲವೋ ಅನ್ನೋದು ನನಗೂ ಗೊತ್ತಿಲ್ಲ ಎಂದಿದ್ದಾರೆ.

ಇನ್ನು, ಅಕ್ಷಯ್​ ಕುಮಾರ್ ಸಿಂಧು ಅವರನ್ನು ಹಲವು ಬಾರಿ ಭೇಟಿ ಮಾಡಿ ಪ್ರೋತ್ಸಾಹಿಸಿದ್ದಾರೆ. ಸಿಂಧು ಬ್ಯಾಡ್ಮಿಂಟನ್​ ತಾರೆಯಾಗಿ ಮಿಂಚಲು ಅವರಂತಹ ಪ್ರೋತ್ಸಾಹದ ಮಾತುಗಳೆ ಕಾರಣ. ಈ ಸಾಧಕಿಯ ಬಯೋಪಿಕ್ ಇನ್ನಷ್ಟು ಕ್ರೀಡಾಪಟುಗಳಿಗೆ ಸ್ಫೂರ್ತಿ ತರಲಿ ಎಂದಿದ್ದಾರೆ ಗೋಪಿಚಂದ್​.

ಇನ್ನು ಪುಲ್ಲೇಲ ಗೋಪಿಚಂದ್ ಭಾರತೀಯ ಬ್ಯಾಡ್ಮಿಂಟನ್ ತಂಡದ ಮುಖ್ಯ ರಾಷ್ಟ್ರೀಯ ತರಬೇತುದಾರರಾಗಿದ್ದಾರೆ. ಅರ್ಜುನ ಪ್ರಶಸ್ತಿ, ರಾಜೀವ್ ಗಾಂಧಿ ಖೇಲ್ ರತ್ನ, ದ್ರೋಣಾಚಾರ್ಯ ಪ್ರಶಸ್ತಿ ಮತ್ತು 2014 ರಲ್ಲಿ ಪದ್ಮಭೂಷಣ ಸೇರಿದಂತೆ ಹಲವಾರು ಗೌರವಗಳನ್ನು ಅವರು ಅವರು ಸ್ವೀಕರಿಸಿದ್ದಾರೆ.