ಮುಂಬೈ:ಬಾಲಿವುಡ್ ನಟ ಶಾರುಖ್ ಖಾನ್ ವಿರುದ್ಧ ಟ್ವೀಟಿಗರು ದಿಢೀರ್‌ ಸಿಟ್ಟಿಗೆದ್ದಿದ್ದು, ಟ್ವಿಟರ್ನಲ್ಲಿ ಏಕಾಏಕಿ 'Boycott ShahRukhan' ಹ್ಯಾಶ್ ಟ್ಯಾಗ್ ಮೂಲಕ ಛೀಮಾರಿ ಹಾಕುತ್ತಿದ್ದಾರೆ.
ಆಕ್ರೋಶಕ್ಕೆ ಕಾರಣವೇನು?
'ಪಠಾಣ್' ಎಂಬ ಹೊಸ ಚಿತ್ರದಲ್ಲಿ ಶಾರುಖ್ ನಟಿಸುತ್ತಿದ್ದಾರೆ. ಈ ಚಿತ್ರದ ವಿರುದ್ಧ ಮುಗಿಬಿದ್ದಿರುವ ಕೆಲವರು ಭಾರತದಲ್ಲಿ ಪಠಾಣ್ ಚಿತ್ರ ಯಾಕೆ? ಎಂದು ಪ್ರಶ್ನಿಸುತ್ತಿದ್ದಾರೆ. ಇದ್ರ ಜೊತೆಗೆ, ಈ ಹಿಂದೆ ಪಾಕಿಸ್ತಾನ ಕ್ರಿಕೆಟರ್‌ಗಳ ಬಗ್ಗೆ ಶಾರುಖ್ ಮೆಚ್ಚುಗೆಯ ಮಾತುಗಳನ್ನಾಡಿದ್ದರು. ಪಾಕ್ ಕ್ರಿಕೆಟರ್ಸ್ ವಿಶ್ವದಲ್ಲೇ ಶ್ರೇಷ್ಠ ಆಟಗಾರರು ಎಂದಿದ್ದರು. ಈ ವಿಡಿಯೋ ಇದೀಗ ಮತ್ತೆ ವೈರಲ್ ಆಗಿದ್ದು, ಆಕ್ರೋಶಕ್ಕೆ ಕಾರಣವಾಗುತ್ತಿದೆ.
ಇದರ ಜೊತೆಗೆ ಅಕ್ಷಯ್ ಕುಮಾರ್ ಹಾಗೂ ಅಜಯ್ ದೇವಗನ್ನಂತಹ ನಟರು ನಟನೆ ಮಾಡಿರುವ ಥಾನಾಜಿ, ಪೃಥ್ವಿರಾಜ್ ಚೌಹಾಣ್ ಕುರಿತು ಸಿನಿಮಾ ಮಾಡಿದರೆ, ಶಾರುಖ್ ಖಾನ್ ಪಠಾಣ್ ಚಿತ್ರದಲ್ಲಿ ನಟನೆ ಮಾಡುತ್ತಿರುವುದೇಕೆ? ಎಂದು ಕೇಳುತ್ತಿದ್ದಾರೆ. ಶಾರುಖ್ ಖಾನ್ ನಟನೆ ಮಾಡುತ್ತಿರುವ ಪಠಾಣ್ ಚಿತ್ರದಲ್ಲಿ ನಟಿ ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ ಹಾಗೂ ಡಿಂಪಲ್ ಕಪಾಡಿಯಾ ನಟಿಸುತ್ತಿದ್ದು, 250 ಕೋಟಿ ರೂ. ವೆಚ್ಚದಲ್ಲಿ ಚಿತ್ರ ನಿರ್ಮಾಣವಾಗುತ್ತಿದೆ.
ಇದನ್ನೂ ಓದಿ:ನಿಮ್ಮ ಕುಟುಂಬದವರಿಗಾಗಿ ನಾನು ಪ್ರಾರ್ಥಿಸುತ್ತೇನೆ, ನೀವು ನನಗಾಗಿ ಪ್ರಾರ್ಥಿಸಿ: ಶಾರೂಖ್ ಮನವಿ
ವಿ ಲವ್ ಯೂ ಶಾರೂಖ್ ಖಾನ್ ಟ್ರೆಂಡಿಂಗ್
ಇನ್ನೊಂದೆಡೆ, ಟ್ವಿಟರ್ನಲ್ಲಿ ಶಾರುಖ್ ಖಾನ್ ಅಭಿಮಾನಿಗಳು ವಿ ಲವ್ ಯೂ ಶಾರೂಖ್ ಖಾನ್ ಟ್ರೆಂಡಿಂಗ್ ಕೂಡ ಶುರುಮಾಡಿದ್ದು, ಅನೇಕರು ‘SRK ಪ್ರೈಡ್ ಆಫ್ ಇಂಡಿಯಾ’, ‘ವಿ ಲವ್ ಶಾರೂಖ್ ಖಾನ್’ ಮೊದಲಾದ ಹ್ಯಾಶ್ ಟ್ಯಾಗ್ಗಳ ಮೂಲಕ ಅವರಿಗೆ ಬೆಂಬಲ ವ್ಯಕ್ತಪಡಿಸಿದ್ದಾರೆ.
