ಹಿಂದಿ ಬಿಗ್ಬಾಸ್ ಹೊಸ ಸೀಸನ್ ಅಕ್ಟೋಬರ್ 2 ರಂದು ರಾತ್ರಿ 9.30ಕ್ಕೆ ಮತ್ತು ನಂತರ ಪ್ರತಿ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 10.30ಕ್ಕೆ ಮತ್ತು ಶನಿವಾರ ಮತ್ತು ಭಾನುವಾರ ರಾತ್ರಿ 9.30ಕ್ಕೆ ಕಲರ್ಸ್‌ನಲ್ಲಿ ಪ್ರಸಾರವಾಗಲಿದೆ. ಈ ಹಿಂದಿ ಬಿಗ್ಬಾಸ್-15ರ ಸ್ಫರ್ಧಿಗಳು ಯಾರೆಂಬುದು ರಿವೀಲ್ ಆಗಿದ್ದರೂ ಇನ್ನೂ ದೃಢವಾಗಿಲ್ಲ. ಆದರೆ, ನಿಮ್ಮ ನೆಚ್ಚಿನ ಸ್ಪರ್ಧಿಗಳ ಕೆಲ ವಿಡಿಯೋ ಇಲ್ಲಿದೆ ನೋಡಿ.
ಹಿಂದಿ ಬಿಗ್ಬಾಸ್-15ರ ಸ್ಪರ್ಧಿಗಳು ಇವ್ರೇನಾ? ಈ ಬಾರಿ ಬಿಗ್ ಬಾಸ್ 15 ಜಂಗಲ್ ಥೀಮ್ ಹೊಂದಿದ್ದು, ಸ್ಪರ್ಧಿಗಳು ಯಾರೆಂಬುದರ ಬಗ್ಗೆ ಭಾರಿ ಕುತೂಹಲ ಮೂಡಿಸಿದೆ. ಸದ್ಯದ ಮಾಹಿತಿ ಪ್ರಕಾರ, ಕರಣ್, ಶಮಿತಾ, ನಿಶಾಂತ್, ತೇಜಸ್ವಿನಿ, ಉಮರ್, ಪ್ರತೀಕ್, ಸಿಂಬಾ, ಅಫ್ಸಾನ, ಡೋನಾಲ್, ಆಕಾಶ ಅವರು ದೊಡ್ಡಮನೆಗೆ ತೆರಳಲಿದ್ದಾರೆ ಎಂದು ಹೇಳಲಾಗಿದೆ.
ಬಾಲಿವುಡ್ನ ಖ್ಯಾತ ನಿರ್ದೇಶಕ, ನಿರ್ಮಾಪಕ ಕರಣ್ ಜೋಹರ್ ನಡೆಸಿಕೊಟ್ಟ ಬಿಗ್ ಬಾಸ್-1 ಒಟಿಟಿ(Bigg Boss OTT) 42 ದಿನಗಳ ಕಾಲ ನಡೆಯಿತು. ಈ ಶೋನಲ್ಲಿ 14 ಸ್ಪರ್ಧಿಗಳು ಭಾಗವಹಿಸಿದ್ದು, ದಿವ್ಯಾ ಅಗರ್ವಾಲ್ ಸ್ಪರ್ಧೆಯ ವಿಜೇತರಾಗಿ ಟ್ರೋಫಿ ಹಾಗೂ 25 ಲಕ್ಷ ರೂ. ಬಹುಮಾನ ಮುಡಿಗೇರಿಸಿಕೊಂಡ್ರು. ನಟಿ ಶಿಲ್ಪಾ ಶೆಟ್ಟಿ ತಂಗಿ ಶಮಿತಾ ಶೆಟ್ಟಿ ಎರಡನೇ ರನ್ನರ್ ಅಪ್ ಆಗಿ ಬಿಗ್ಬಾಸ್-15 ಟಿವಿ ಶೋ ಗೆ ಡೈರೆಕ್ಟ್ ಎಂಟ್ರಿ ಪಡೆದ್ರು. ಅದೃಷ್ಟದ ಸೂಟ್‌ಕೇಸ್ ಆಯ್ಕೆ ಮಾಡಿಕೊಳ್ಳುವ ಮೂಲಕ ಪ್ರತೀಕ್ ಕೂಡ ಬಿಗ್ಬಾಸ್-15 ಟಿವಿ ಶೋ ಗೆ ಆಯ್ಕೆಯಾಗಿದ್ದಾರೆ.
ಇದನ್ನೂ ಓದಿ:ಮಲ್ಲೋರ್ಕಾಗೆ ಹಾರಿದ ಶಾರುಖ್ - ದೀಪಿಕಾ... ಯಾಕಾಗಿ ಗೊತ್ತಾ?
ಸ್ಪರ್ಧೆಯಲ್ಲಿ ನಾಲ್ಕನೇ ಸ್ಥಾನ ಪಡೆದ ಪ್ರತೀಕ್ ಮುಂದೆ ಎರಡು ಆಯ್ಕೆಗಳನ್ನು ಇಡಲಾಗಿತ್ತು. ಅದರಲ್ಲಿ ಒಂದು ಅದೃಷ್ಟದ ಸೂಟ್‌ಕೇಸ್, ಇನ್ನೊಂದು ಫಿನಾಲೆಯ ಮುಂದಿನ ಹಂತ ತಲುಪುವುದು. ಈ ಸಂದರ್ಭದಲ್ಲಿ ಸೂಟ್‌ಕೇಸ್ ಆಯ್ಕೆ ಮಾಡಿಕೊಂಡ ಪ್ರತೀಕ್ಗೆ ಭರ್ಜರಿ ಆಫರ್ ಲಭಿಸಿದೆ. ಅದೇನೆಂದರೆ, ಸಲ್ಮಾನ್ ಖಾನ್ ನಡೆಸಿಕೊಡುವ ಬಿಗ್ ಬಾಸ್ ಸೀಸನ್ 15ರ ಟಿವಿ ಶೋಗೆ ಡೈರೆಕ್ಟ್ ಎಂಟ್ರಿ ಟಿಕೆಟ್. ಈ ಮೂಲಕ ಬಿಗ್ ಬಾಸ್ ಸೀಸನ್ 15ರ ಮೊದಲ ಸ್ಪರ್ಧಿಯಾಗಿ ಪ್ರತೀಕ್ ಇರಲಿದ್ದಾರೆ.
