ಮದುವೆ ಮುನ್ನವೇ ತಾಯಿ ಆಗ್ತಿದ್ದಾರೆ ಆ್ಯಮಿ ಜಾಕ್ಸನ್... ಅಭಿಮಾನಿಗಳಿಗೆ ಶಾಕ್​!

ಇನ್ನೂ ಮದುವೆ ಆಗದಿರುವ ಆ್ಯಮಿ ಜಾಕ್ಸನ್ ತಾಯಿಯಾಗುತ್ತಿರುವ ಬಗ್ಗೆ ಇನ್ಸ್ಟಾಗ್ರಾಮ್​ನಲ್ಲಿ ಬರೆದುಕೊಂಡಿದ್ದಾರೆ.

​ಲಂಡನ್​: ಇಂಗ್ಲೆಂಡ್​ ಮೂಲದ ಭಾರತದ ನಟಿ ಆ್ಯಮಿ ಜಾಕ್ಸನ್​ ಅಭಿಮಾನಿಗಳಿಗೆ ಶಾಕಿಂಗ್​ ನ್ಯೂಸ್​ ಕೊಟ್ಟಿದ್ದಾರೆ. ಹಲವು ದಿನಗಳಿಂದ ಸಿನಿಮಾಗಳಿಗೆ ಸಹಿ ಮಾಡದೇ ಸೈಲೆಂಟ್​ ಆಗಿದ್ದ ನಟಿ ಈಗ ದಿಢೀರ್​​ ಆಗಿ ಅಭಿಮಾನಿಗಳ ಹೃದಯ ಒಡೆಯುವಂತಹ ಮಾಹಿತಿಯನ್ನು ಬಿಚ್ಚಿಟ್ಟಿದ್ದಾರೆ.

ಬಾಲಿವುಡ್​ ಸೇರಿದಂತೆ ತೆಲುಗು, ತಮಿಳು, ಕನ್ನಡದಲ್ಲಿ ನಟಿಸಿದ್ದ ಆ್ಯಮಿ ಜಾಕ್ಸನ್​ ಹಲವು ದಿನಗಳಿಂದ ಬಾಯ್​ಫ್ರೆಂಡ್​ ಜಾರ್ಜ್​ ಪನಾಯಿಟೋವ್​ ಜೊತೆ ಸುತ್ತಾಟ ನಡೆಸುತ್ತಿದ್ರು. ಸದ್ಯ ಇನ್ನೂ ಮದುವೆ ಆಗದ ಈ ಜೋಡಿ ಅಭಿಮಾನಿಗಳಿಗೆ ಬಿಗ್​ ಸರ್​ಪ್ರೈಸ್​ ನೀಡಿದ್ದಾರೆ.

ತಾಯಿಯಾಗ್ತಿದ್ದೀನಿ ಎಂದ ಆ್ಯಮಿ ಜಾಕ್ಸನ್

ಇಂಗ್ಲೆಂಡ್​ನಲ್ಲಿ ಈಗ ತಾಯಂದಿರ ದಿನಾಚರಣೆ ನಡೆಯುತ್ತಿದೆ. ಈ ಸಂದರ್ಭವನ್ನು ಬಳಸಿಕೊಂಡು ಆ್ಯಮಿ ಜಾಕ್ಸನ್​ ತಾವು ತಾಯಿಯಾಗುತ್ತಿರುವ ಸುದ್ದಿಯನ್ನು ರಿವೀಲ್​ ಮಾಡಿದ್ದಾರೆ.

ನಾನು ಒಂದು ಸುದ್ದಿ ಹೇಳಬೇಕು, ಅದನ್ನ ಹೇಳಲು ಇದಕ್ಕಿಂತ ಒಳ್ಳೇ ಸಮಯ ಬೇರೊಂದಿಲ್ಲ. ನಾನು ನಮ್ಮ ಪುಟ್ಟ ಕಂದಮ್ಮನಿಗಾಗಿ ಕಾತರದಿಂದ ಕಾಯುತ್ತಿದ್ದೇನೆ ಎಂದು ಇನ್ಸ್ಟಾಗ್ರಾಮ್​ನಲ್ಲಿ ಬರೆದುಕೊಂದ್ದಾರೆ. ಅದರ ಜೊತೆಗೆ ಈ ವರ್ಷ ಜನವರಿಯಲ್ಲಿ ಎಂಗೇಜ್​ಮೆಂಟ್​ ನಡೆದಿರುವ ಫೋಟೋವನ್ನು ಸಹ ಆ್ಯಮಿ ಶೇರ್​ ಮಾಡಿದ್ದಾರೆ.