ನವದೆಹಲಿ: ಭಾರತ ದೇಶದಲ್ಲಿ ಡಿಜಿಟಲ್ ಕ್ರಾಂತಿ ಮತ್ತೊಂದು ಹಂತಕ್ಕೆ ಕೊಂಡೊಯ್ಯಲು ಕೇಂದ್ರ ಸರ್ಕಾರ ಮುಂದಾಗಿದೆ. ಅಕ್ಟೋಬರ್ 12 ರೊಳಗೆ ದೇಶದಲ್ಲಿ 5G ಸೇವೆಗಳನ್ನು ಆರಂಭಿಸುವ ನಿರೀಕ್ಷೆಯಿದೆ. ಈ ಯೋಜನೆ ಗ್ರಾಹಕರಿಗೆ ಕೈಗೆಟುವ ಬೆಲೆಗಳಲ್ಲಿ ಸಿಗಲಿದೆ. ಟೆಲಿಕಾಂ ಸರ್ವೀಸ್ ಕಂಪನಿಗಳು ಈಗಾಗಲೇ 5ಜಿ ಸೇವೆಯನ್ನು ಗ್ರಾಹಕರಿಗೆ ನೀಡಲು ಸಜ್ಜಾಗಿವೆ. ಬಹುತೇಕ ಕೆಲಸ ಕಾರ್ಯಗಳು ಮುಕ್ತಾಯಗೊಂಡಿದೆ ಎಂದು ಕೇಂದ್ರ ಐಟಿ ಸಚಿವ ಅಶ್ವಿನಿ ವೈಷ್ಣವ್ ಹೇಳಿದ್ದಾರೆ.
ಗತಿಶಕ್ತಿ ಸಂಚಾರ ಪೋರ್ಟಲ್‌ನಲ್ಲಿ 5G ರೈಟ್ ಆಫ್ ವರ್ಕ್ (RoW) ಅರ್ಜಿ ನಮೂನೆ ಬಿಡುಗಡೆ ಮಾಡುವುದರೊಂದಿಗೆ ಸರ್ಕಾರವು ಭಾರತೀಯ ಟೆಲಿಗ್ರಾಫ್ ರೈಟ್ ಆಫ್ ವೇ (ತಿದ್ದುಪಡಿ) ನಿಯಮಗಳು 2022 ಅನ್ನು ಪರಿಚಯಿಸಿತು. ಇಂಡಿಯನ್ ಟೆಲಿಗ್ರಾಫ್ ರೈಟ್ ಆಫ್ ವೇ (ತಿದ್ದುಪಡಿ) ನಿಯಮಗಳಿಂದ ತ್ವರಿತ ಪ್ರಸರಣದಲ್ಲಿ ಉದ್ಯಮಕ್ಕೆ ಸಹಾಯವಾಗುತ್ತದೆ.
5G ಸೇವೆಗಳನ್ನು ಹಂತ ಹಂತವಾಗಿ ಹೊರತರಲಾಗುವುದು. ಮೊದಲ ಹಂತದಲ್ಲಿ 13 ನಗರಗಳು 5G ಇಂಟರ್ನೆಟ್ ಸೇವೆಗಳನ್ನು ಪಡೆಯುತ್ತವೆ. ಅಹಮದಾಬಾದ್, ಬೆಂಗಳೂರು, ಚಂಡೀಗಢ, ಚೆನ್ನೈ, ದೆಹಲಿ, ಗಾಂಧಿನಗರ, ಗುರುಗ್ರಾಮ್, ಹೈದರಾಬಾದ್, ಜಾಮ್‌ನಗರ, ಕೋಲ್ಕತ್ತಾ, ಲಖನೌ, ಮುಂಬೈ ಮತ್ತು ಪುಣೆ ಸೇರಿ 13 ನಗರಗಳಲ್ಲಿ 5ಜಿ ಸೇವೆ ಆರಂಭವಾಗಲಿದೆ.
ಓದಿ:ದೇಶದ ಮೆಟ್ರೋ ಇತಿಹಾಸದಲ್ಲಿ ಹೊಸ ಮೈಲಿಗಲ್ಲು.. ಎಂ. ಜಿ ರಸ್ತೆಯ ನಿಲ್ದಾಣದಲ್ಲಿ 5ಜಿ ನೆಟ್ವರ್ಕ್ ಪ್ರಾಯೋಗಿಕ ಪರೀಕ್ಷೆ ಯಶಸ್ವಿ..
3G ಮತ್ತು 4G ಯಂತೆಯೇ ಟೆಲಿಕಾಂಗಳು ಶೀಘ್ರದಲ್ಲೇ ಮೀಸಲಾದ 5G ಸುಂಕದ ಯೋಜನೆಗಳನ್ನು ಘೋಷಿಸುತ್ತವೆ. ಇದರ ಬಗ್ಗೆ ರಿಲಯನ್ಸ್ ಜಿಯೋ, ಏರ್‌ಟೆಲ್ ಮತ್ತು ವೊಡಾಫೋನ್ ಐಡಿಯಾಗಳು ಪ್ರಸ್ತುತವಾಗಿ ಬಿಗಿಯಾಗಿ ಮಾತನಾಡುತ್ತಿವೆ. ಮೂಲಗಳ ಪ್ರಕಾರ 5G ರೋಲ್ ಔಟ್ ಉತ್ತಮವಾದಾಗ ಸ್ಮಾರ್ಟ್‌ಫೋನ್ ತಯಾರಕರೊಂದಿಗೆ ಲಾಭದಾಯಕ ಡೇಟಾ ಬಂಡಲಿಂಗ್ ಕೊಡುಗೆಗಳನ್ನು ಒದಗಿಸಬಹುದಾಗಿದೆ. ಇದರ ಜೊತೆಗೆ ಬಳಕೆದಾರರಿಗೆ ಗಣನೀಯ ಅಥವಾ ಸಾಧಾರಣ ಬೆಲೆ ಏರಿಕೆಯನ್ನು ಆರಿಸಿಕೊಳ್ಳಬೇಕೇ ಎಂದು ಆಂತರಿಕವಾಗಿ ಚರ್ಚಿಸುತ್ತಿವೆ.
ನೊಮುರಾ ಗ್ಲೋಬಲ್ ಮಾರ್ಕೆಟ್ಸ್ ರಿಸರ್ಚ್‌ನ ಇತ್ತೀಚಿನ ವರದಿಯು ಟೆಲಿಕಾಂ ಸೇವಾ ಪೂರೈಕೆದಾರರು ಎರಡು ಆಯ್ಕೆಗಳನ್ನು ಹೊಂದಿರುತ್ತಾರೆ ಎಂದು ಅಂದಾಜಿಸಿದೆ. ಗ್ರಾಹಕರ ಆಧಾರದ ಮೇಲೆ ಸಾಧಾರಣ 4 ಪ್ರತಿಶತದಷ್ಟು ಹೆಚ್ಚುತ್ತಿರುವ ಸುಂಕ ಹೆಚ್ಚಳ ಅಥವಾ ದಿನಕ್ಕೆ 1.5GB ಯಿಂದ 30 ಪ್ರತಿಶತ ಪ್ರೀಮಿಯಂ 4G ಯೋಜನೆಗಳನ್ನು ಹೆಚ್ಚಿಸಬಹುದಾಗಿದೆ.
ಗೋಲ್ಡ್‌ಮನ್ ಸ್ಯಾಚ್ಸ್ ಇಕ್ವಿಟಿ ರಿಸರ್ಚ್‌ನ ಮತ್ತೊಂದು ವರದಿಯು 5G ರೋಲ್‌ಔಟ್‌ನ ಪರಿಣಾಮವಾಗಿ ಜಾಗತಿಕವಾಗಿ ಟೆಲ್ಕೋಸ್‌ಗಳಿಗೆ ಬಂಡವಾಳ ವೆಚ್ಚದಲ್ಲಿ ಯಾವುದೇ ಏರಿಕೆ ಕಂಡು ಬಂದಿಲ್ಲ. ಇದು ಭಾರತದಲ್ಲಿ ಇದೇ ರೀತಿಯ ಮುಂದುವರಿಯುತ್ತದೆ ಎಂದು ಉಲ್ಲೇಖಿಸಿದೆ. ಏರ್‌ಟೆಲ್ CTO ರಣದೀಪ್ ಸೆಖೋನ್ ಇತ್ತೀಚಿನ ವರದಿಯಲ್ಲಿ ಜಾಗತಿಕವಾಗಿ 5G ಮತ್ತು 4G ದರಗಳ ನಡುವೆ ಯಾವುದೇ ಪ್ರಮುಖ ವ್ಯತ್ಯಾಸವಿಲ್ಲ. ಭಾರತದಲ್ಲಿ 5G ಯೋಜನೆಗಳು 4G ಸುಂಕಗಳಿಗೆ ಹೋಲುತ್ತವೆ ಎಂದು ನಾವು ನಿರೀಕ್ಷಿಸುತ್ತಿದ್ದೇವೆ ಎಂದು ಹೇಳಿದರು.
ಓದಿ:5Gಗಾಗಿ ಕಾಯುವಿಕೆ ಮುಗಿದಿದೆ.. ಕೆಲವೇ ದಿನಗಳಲ್ಲಿ ಮನೆಮನೆಗೆ 5ಜಿ... ಮೋದಿ
