ಬ್ಯಾಂಕ್​​ನಿಂದ ಹಣ ತರುವ ಜನರನ್ನೇ ಟಾರ್ಗೆಟ್​​ ಮಾಡಿ ಹಣ ದೋಚುತ್ತಿದ್ದ ಖದೀಮರು ಅಂದರ್​​​​

ಬ್ಯಾಂಕ್​​ನಿಂದ ಹಣ ಬಿಡಿಸಿಕೊಂಡು ಬರುವ ಗ್ರಾಹಕರನ್ನೇ ಟಾರ್ಗೆಟ್ ಮಾಡಿ ಹಣ ಎಗರಿಸುತ್ತಿದ್ದ ತಮಿಳುನಾಡಿನ ಇಬ್ಬರು ಕಳ್ಳರನ್ನು ತೀರ್ಥಹಳ್ಳಿ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಶಿವಮೊಗ್ಗ:ಬ್ಯಾಂಕ್​​ನಿಂದ ಹಣ ಬಿಡಿಸಿಕೊಂಡು ಬರುವ ಗ್ರಾಹಕರನ್ನೇ ಟಾರ್ಗೆಟ್ ಮಾಡಿ ಹಣ ಎಗರಿಸುತ್ತಿದ್ದ ತಮಿಳುನಾಡಿನ ಇಬ್ಬರು ಕಳ್ಳರನ್ನು ತೀರ್ಥಹಳ್ಳಿ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ತೀರ್ಥಹಳ್ಳಿ ಪಟ್ಟಣ ಹಾಗೂ ಸುತ್ತಮುತ್ತಲಿನ ಗ್ರಾಮಗಳಲ್ಲಿ ಬ್ಯಾಂಕ್​​ನಿಂದ ಹಣ ಬಿಡಿಸಿಕೊಂಡು ಬಂದವರನ್ನೇ ನೋಡಿ ಅವರಿಂದ ಹಣ ಲಪಟಾಯಿಸುತ್ತಿದ್ದರು. ನವೆಂಬರ್​ ತಿಂಗಳಲ್ಲಿ ಬ್ಯಾಂಕ್​​ನಿಂದ ಹಣ ತಂದ ವ್ಯಕ್ತಿಯೊಬ್ಬರು ಬೈಕ್​​ನಲ್ಲಿಟ್ಟು ಅಂಗಡಿಗೆ ಹೋಗಿ ವಾಪಸ್ ಬರುವುದರಲ್ಲಿ ಸೂಟ್​​ಕೇಸ್ ಅಪಹರಿಸಿದ್ದರು ಈ ಕತರ್ನಾಕ್ ಕಳ್ಳರು. ತಮಿಳುನಾಡಿನ ತಿರುಚಿನಾಪಳ್ಳಿ ಜಿಲ್ಲೆಯ ಕಾರ್ತಿಕ್ ಅಲಿಯಾಸ್ ಶಿವರಾಜ್ (30) ಹಾಗೂ ಕಾರ್ತಿಕೇಯನ್ (30) ಎಂಬವರನ್ನು ಇದೀಗ ಪೊಲೀಸರು ಬಂಧಿಸಿದ್ದಾರೆ. ಬಂಧಿತರಿಂದ 20 ಲಕ್ಷ ರೂ. ಹಣ ಹಾಗೂ ಕೃತ್ಯಕ್ಕೆ ಬಳಸುತ್ತಿದ್ದ ಯೂನಿಕಾರ್ನ್ ಬೈಕ್ ಹಾಗೂ 3 ಮೊಬೈಲ್​​ ವಶಕ್ಕೆ ಪಡೆಯಲಾಗಿದೆ.

ಅಂತರ ರಾಜ್ಯ ಕಳ್ಳರನ್ನು ಬಂಧಿಸಿದ ತೀರ್ಥಹಳ್ಳಿ ಡಿವೈಎಸ್ಪಿ ರವಿ ಕುಮಾರ್, ಸರ್ಕಲ್ ಇನ್ಸ್​ಪೆಕ್ಟರ್ ಗಣೇಶಪ್ಪ, ಪಿಎಸ್ಐ ಸುಷ್ಮಾ ಹಾಗೂ ಸಿಬ್ಬಂದಿ ಪ್ರಕಾಶ್, ಕುಮಾರ್, ಜನಾರ್ಧನ್, ದಿವಾಕರ್, ಸುಧಾಕರ್, ಜಗದೀಶ್ ಸೇರಿ ಇತರರನ್ನು ಎಸ್ಪಿ ಶಾಂತಕುಮಾರ್ ಹಾಗೂ ಎಎಸ್ಪಿ‌ ಡಾ. ಶೇಖರ್ ಅಭಿನಂದಿಸಿದ್ದಾರೆ.