ಮೈಸೂರು:ಮೈಸೂರು ಗ್ರಾಮಾಂತರ ಬಸ್ ನಿಲ್ದಾಣದಲ್ಲಿ ಡ್ರಾಪ್‌ ಕೊಡುವ ನೆಪದಲ್ಲಿ ಟೆಕ್ಕಿಗೆ ಚಾಕುವಿನಿಂದ ಹಲ್ಲೆ ನಡೆಸಿದ ಖದೀಮರು, ನಗದು-ಚಿನ್ನಾಭರಣ ಕಿತ್ತುಕೊಂಡು ಪರಾರಿಯಾಗಿದ್ದಾರೆ.
ಮೈಸೂರಿನ ಗೌರಿ ಶಂಕರದ ನಿವಾಸಿ ಮಧು ವಿಕಾಸ್ (34) ಹಲ್ಲೆಗೊಳಗಾದವರು. ಮೈಸೂರಿನಿಂದ ಬೆಂಗಳೂರಿಗೆ ತೆರಳಲು ಸೋಮವಾರ ಬೆಳಗ್ಗೆ 5ಗಂಟೆಗೆ ಗ್ರಾಮಾಂತರ ಬಸ್ ನಿಲ್ದಾಣಕ್ಕೆ ಬಂದಿದ್ದರು. ಈ ವೇಳೆ ಬಿಳಿ ಬಣ್ಣದ ಕಾರೊಂದು ನಿಲ್ದಾಣದ ಹೊರಗೆ ನಿಲ್ಲಿಸಿಕೊಂಡಿದ್ದ ವ್ಯಕ್ತಿಯೊಬ್ಬ ಬೆಂಗಳೂರು..ಬೆಂಗಳೂರು ಎಂದು ಕೂಗಿದ್ದಾನೆ. ಬೆಂಗಳೂರು ಬೇಗ ತಲುಪಬಹುದು ಎಂದು ವಿಕಾಸ್ ಕಾರು ಹತ್ತಿದ್ದಾರೆ.
ಕಾರಿನಲ್ಲಿ ಚಾಲಕನೊಂದಿಗೆ ಮತ್ತಿಬ್ಬರಿದ್ದರು. ವಿಕಾಸ್ ಕಾರಿನಲ್ಲಿ ಕುಳಿತ ಕೂಡಲೇ ಬೆಂಗಳೂರಿನತ್ತ ಚಾಲಕ ತೆರಳಿದರು. ರಿಂಗ್ ರಸ್ತೆಯ ಕೊಲಂಬಿಯಾ ಆಸ್ಪತ್ರೆ ಸಮೀಪ ಬರುತ್ತಿದ್ದಂತೆ ಕಾರನ್ನು ಕೆ.ಆರ್.ರಸ್ತೆ ಕಡೆಗೆ ತಿರುಗಿಸಿದ್ದ. ಈ ಕಡೆ ಕಾರು ಏಕೆ ತೆರಳುತ್ತಿದ್ದಿಯಾ ಎಂದು ವಿಕಾಸ್ ಪ್ರಶ್ನಿಸಿದ.