IAF ಫೈಟರ್ ಜೆಟ್‌ಗಳಿಗೆ ಇಂಧನ ತುಂಬಿ ಸಹಾಯ ಮಾಡಿದ ಫ್ರೆಂಚ್ ಏರ್‌

ಐಎಎಫ್​ ಟ್ವೀಟ್ ಮಾಡಿದ್ದು, #IAF ತುಕಡಿಯು #ExPitchBlack22 ಗಾಗಿ #RAAF ಡಾರ್ವಿನ್ ಬೇಸ್‌ಗೆ ಚಲಿಸುತ್ತಿರುವಾಗ, ಮಾರ್ಗದಲ್ಲಿ ವೈಮಾನಿಕ ಇಂಧನ ತುಂಬಲು ಸಹಾಯ ಮಾಡಿದ ಫ್ರೆಂಚ್ ಏರ್ ಮತ್ತು ಸ್ಪೇಸ್ ಫೋರ್ಸ್‌ನ ನಮ್ಮ ಸ್ನೇಹಿತರಿಗೆ ಹೃತ್ಪೂರ್ವಕ ಧನ್ಯವಾದಗಳು ಎಂದು ಹೇಳಿದೆ.

ಕ್ಯಾನ್​ಬೆರ್ರ(ಆಸ್ಟ್ರೇಲಿಯಾ): ಭಾರತ ಸೇರಿದಂತೆ 17 ದೇಶಗಳ 100 ಯುದ್ಧ ವಿಮಾನಗಳು ಇಂದಿನಿಂದ ಸೆಪ್ಟೆಂಬರ್ 6 ರವರೆಗೆ ಆಸ್ಟ್ರೇಲಿಯಾದ ಸಮುದ್ರ ಪ್ರದೇಶದಲ್ಲಿ ಪಿಚ್ ಬ್ಲಾಕ್ 2022 ಎಂಬ ಬೃಹತ್ ಸಮರಾಭ್ಯಾಸ ನಡೆಸಲಿವೆ. ಇದರಲ್ಲಿ ಭಾಗವಹಿಸಲು ರಾಯಲ್ ಆಸ್ಟ್ರೇಲಿಯನ್ ಏರ್ ಫೋರ್ಸ್ (RAAF) ಡಾರ್ವಿನ್ ನೆಲೆಯ ಕಡೆಗೆ ತೆರಳುತ್ತಿದ್ದ ಭಾರತೀಯ ವಾಯುಪಡೆಯ ಸುಖೋಯ್ ಎಸ್‌ಯು-30 ಎಂಕೆಐ ಫೈಟರ್ ಜೆಟ್‌ಗಳಿಗೆ ಫ್ರೆಂಚ್​ ವಾಯುಪಡೆಯು ಇಂಧನ ತುಂಬಿಸಿ, ಸಹಾಯ ಮಾಡಿದೆ. ಇದನ್ನು ಇಂಡೋ ಫ್ರೆಂಚ್​ ಬಾಂಧವ್ಯದ ಭಾಗ ಎಂದು ಗುರುತಿಸಲಾಗಿದೆ.

IAF ಫೈಟರ್ ಜೆಟ್‌ಗಳಿಗೆ ಇಂಧನ ತುಂಬಿ ಸಹಾಯ ಮಾಡಿದ ಫ್ರೆಂಚ್ ಏರ್‌

ಯುದ್ಧವಿಮಾನಗಳ ಪ್ರೊಜೆಕ್ಷನ್ ಸಮಯದಲ್ಲಿ ಇಂಧನ ತುಂಬುವ ಅಗತ್ಯ ಬಂದಿದ್ದು, ಫ್ರೆಂಚ್​ ವಾಯುಪಡೆ ಇಂಧನ ತುಂಬಲು ಸಹಾಯ ಮಾಡಿದೆ. ಇದಕ್ಕೆ ಫ್ರೆಂಚ್​ ವಾಯು ಹಾಗೂ ಬಾಹ್ಯಾಕಾಶ ಪಡೆಗೆ ಐಎಎಫ್​ ಧನ್ಯವಾದಗಳನ್ನು ಹೇಳಿದೆ. ಈ ಕುರಿತು ಐಎಎಫ್​ ಟ್ವೀಟ್ ಮಾಡಿದ್ದು, #IAF ತುಕಡಿಯು #ExPitchBlack22 ಗಾಗಿ #RAAF ಡಾರ್ವಿನ್ ಬೇಸ್‌ಗೆ ಚಲಿಸುತ್ತಿರುವಾಗ, ಮಾರ್ಗದಲ್ಲಿ ವೈಮಾನಿಕ ಇಂಧನ ತುಂಬಲು ಸಹಾಯ ಮಾಡಿದ ಫ್ರೆಂಚ್ ಏರ್ ಮತ್ತು ಸ್ಪೇಸ್ ಫೋರ್ಸ್‌ನ ನಮ್ಮ ಸ್ನೇಹಿತರಿಗೆ ಹೃತ್ಪೂರ್ವಕ ಧನ್ಯವಾದಗಳು ಎಂದು ಹೇಳಿದೆ.

ಮಾಹಿತಿ ಪ್ರಕಾರ 2,500 ಸೇನಾ ಸಿಬ್ಬಂದಿ ಈ ಸಮರಾಭ್ಯಾಸದಲ್ಲಿ ಭಾಗವಹಿಸಲಿದ್ದಾರೆ. ಭಾರತ, ಜಪಾನ್, ಆಸ್ಟ್ರೇಲಿಯಾ, ಜರ್ಮನಿ, ಕೆನಡಾ, ಫ್ರಾನ್ಸ್, ಇಂಡೋನೇಷ್ಯಾ, ಮಲೇಷ್ಯಾ, ನೆದರ್ಲ್ಯಾಂಡ್ಸ್, ನ್ಯೂಜಿಲ್ಯಾಂಡ್​​, ಫಿಲಿಪ್ಪಿನ್ಸ್​, ದಕ್ಷಿಣ ಕೊರಿಯಾ, ಸಿಂಗಾಪುರ್, ಥಾಯ್ಲೆಂಡ್​​, ಯುನೈಟೆಡ್ ಅರಬ್ ಎಮಿರೇಟ್ಸ್, ಬ್ರಿಟನ್ ಮತ್ತು ಅಮೆರಿಕ ಈ ಅಭ್ಯಾಸದಲ್ಲಿ ಭಾಗವಹಿಸಲಿವೆ.

ಇದನ್ನೂ ಓದಿ :ಶ್ರೀಲಂಕಾ ವಾಯುಪಡೆಗೆ ಡಾರ್ನಿಯರ್ ವಿಮಾನ ಗಿಫ್ಟ್ ನೀಡಿದ ಭಾರತ