ಉಕ್ರೇನ್​ನ ವಸತಿ ಸಮುಚ್ಚಯದ ಮೇಲೆ ರಷ್ಯಾ ಕ್ಷಿಪಣಿ ದಾಳಿ.. ಕಟ್ಟಡ ಧ್ವಂಸ

ಉಕ್ರೇನ್​ ಮೇಲೆ ಯುದ್ಧದಾಹಿ ರಷ್ಯಾ ಭೀಕರ ದಾಳಿ ಮುಂದುವರಿಸಿದೆ. ರಷ್ಯಾದ ಎರಡು ಕ್ಷಿಪಣಿಗಳು ಉಕ್ರೇನ್​ನ ರಾಜಧಾನಿ ಕೀವ್​ನಲ್ಲಿನ ವಸತಿ ಸಮುಚ್ಛಯದ ಮೇಲೆ ದಾಳಿ ಮಾಡಿವೆ.

ಕೀವ್:ಉಕ್ರೇನ್​ ಮೇಲೆ ಯುದ್ಧದಾಹಿ ರಷ್ಯಾ ಭೀಕರ ದಾಳಿ ಮುಂದುವರಿಸಿದೆ. ರಷ್ಯಾದ ಎರಡು ಕ್ಷಿಪಣಿಗಳು ಉಕ್ರೇನ್​ನ ರಾಜಧಾನಿ ಕೀವ್​ನಲ್ಲಿನ ವಸತಿ ಸಮುಚ್ಚಯಗಳ ಮೇಲೆ ರಾಕೆಟ್​ ದಾಳಿ ನಡೆಸಿವೆ.

ಒಂದು ಕ್ಷಿಪಣಿಯು ಜುಲ್ಯಾನಿ ವಿಮಾನ ನಿಲ್ದಾಣದ ಸಮೀಪವಿರುವ ಪ್ರದೇಶದಲ್ಲಿ ಸ್ಫೋಟಗೊಂಡರೆ, ಇನ್ನೊಂದು ಕ್ಷಿಪಣಿ ಸೆವಾಸ್ಟೊಪೋಲ್ ಚೌಕದ ಸಮೀಪವಿರುವ ಪ್ರದೇಶವನ್ನು ಧ್ವಂಸ ಮಾಡಿದೆ. ಉಕ್ರೇನ್​ನ ಸೇನಾನೆಲೆಗಳನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಲಾಗುತ್ತಿದೆ ಎಂದು ಹೇಳುತ್ತಲೇ ರಷ್ಯಾ ಪ್ರಮುಖ ನಗರಗಳ ಮೇಲೂ ಕ್ಷಿಪಣಿ ದಾಳಿ ಮಾಡುತ್ತಿದೆ.

ವಸತಿ ಪ್ರದೇಶಗಳ ಮೇಲೂ ರಷ್ಯಾ ದಾಳಿ ನಡೆಸುತ್ತಿದೆ. ರಷ್ಯಾವನ್ನು ಜಗತ್ತಿನ ಪ್ರಬಲ ರಾಷ್ಟ್ರಗಳು ಒತ್ತಡ ಹೇರಬೇಕು. ರಷ್ಯಾದ ರಾಯಭಾರಿಗಳನ್ನು ನಿಮ್ಮ ದೇಶದಿಂದ ಹೊರಹಾಕಿ ಎಂದು ಉಕ್ರೇನ್​ ವಿದೇಶಾಂಗ ಸಚಿವ ಡೆಮೈಟ್ರೋ ಕುಲೇಬಾ ಒತ್ತಾಯಿಸಿದ್ದಾರೆ.

ಓದಿ:ಉಕ್ರೇನ್​ನ ಮೆಟ್ರೋ ನಿಲ್ದಾಣ, ಬಂಕರ್​ಗಳಲ್ಲಿ ಭಾರತೀಯರು.. ವಿಡಿಯೋ ಮಾಡಿ ಪರಿಸ್ಥಿತಿ ಬಿಚ್ಚಿಟ್ಟ ವಿದ್ಯಾರ್ಥಿಗಳು