ಜೈಷ್​ ಉಗ್ರ ಸಂಘಟನೆ ಕೃತ್ಯಕ್ಕೆ ಖಂಡನೆ, ಆದರೆ ಪಾಕಿಸ್ತಾವನ್ನು ದೂರುವುದು ತಪ್ಪು ಎಂದ ಮುಷರಫ್​​

ಖಾಸಗಿ ಚಾನೆಲ್​ ಒಂದಕ್ಕೆ ಸಂದರ್ಶನ ನೀಡಿದ ಮುಷರಫ್​, ದಾಳಿಯ ಬಗ್ಗೆ ಖೇದ ವ್ಯಕ್ತಪಡಿಸಿದ್ದಾರೆ. ಜೊತೆಗೆ ಉಗ್ರ ದಾಳಿಯನ್ನು ಖಂಡಿಸಿದ್ದಾರೆ. ದಾಳಿಕೋರರು ನಿಶ್ಚಿತವಾಗಿ ಜೈಷ್​ ಸಂಘಟನೆಯವರಾಗಿದ್ದಾರೆ. ಇವರ ಬಗ್ಗೆ ಇಮ್ರಾನ್ ಖಾನ್ ಸೇರಿದಂತೆ ಯಾರೂ ಅನುಕಂಪ ಹೊಂದಿಲ್ಲ ಎಂದಿದ್ದಾರೆ.

ಇಸ್ಲಾಮಾಬಾದ್: ಪುಲ್ವಾಮಾದಲ್ಲಿ ನಡೆದ ಉಗ್ರರ ದಾಳಿಯಲ್ಲಿ ಜೈಷ್​ ಮೊಹಮ್ಮದ್ ಉಗ್ರ ಸಂಘಟನೆಯ ಕೈವಾಡ ಇದೆ ಎನ್ನುವುದನ್ನು ಪಾಕಿಸ್ತಾನದ ಮಾಜಿ ಪ್ರಧಾನಿ ಪರ್ವೇಜ್ ಮುಷರಫ್​​ ಒಪ್ಪಿಕೊಂಡಿದ್ದಾರೆ.

ಈ ದಾಳಿಯಲ್ಲಿ ಪಾಕಿಸ್ತಾನ ಯಾವುದೇ ಪಾತ್ರ ವಹಿಸಿಲ್ಲ ಎಂದು ಮುಷರಫ್ ಸ್ಪಷ್ಟನೆ ನೀಡಿದ್ದಾರೆ. ಜೈಷ್​ ಸಂಘಟನೆ ಈ ದಾಳಿ ನಡೆಸಿದೆ. ಆದರೆ ಇದಕ್ಕಾಗಿ ಪಾಕಿಸ್ತಾನವನ್ನು ದೂರಬಾರದು ಎಂದಿದ್ದಾರೆ. ಒಂದು ವೇಳೆ ಪಾಕ್ ಸರ್ಕಾರ ಭಾಗಿಯಾಗಿದ್ದಲ್ಲಿ ಅದು ವಿಷಾದನೀಯ ಎಂದು ಪಾಕ್ ಮಾಜಿ ಪ್ರಧಾನಿ ಪರ್ವೇಜ್ ಮುಷರಫ್ ಹೇಳಿದ್ದಾರೆ.