ಎರಡು ಮೆಟ್ರೋ ಲೈಟ್ ರೈಲುಗಳು ಡಿಕ್ಕಿ: 200ಕ್ಕೂ ಹೆಚ್ಚು ಮಂದಿಗೆ ಗಾಯ, 47 ಜನರ ಸ್ಥಿತಿ ಗಂಭೀರ

ಮಲೇಷ್ಯಾ ರಾಜಧಾನಿ ಕೌಲಾಲಂಪುರ್​ನಲ್ಲಿ ಒಂದೇ ಹಳಿಯಲ್ಲಿ ಪರಸ್ಪರ ವಿರುದ್ಧ ದಿಕ್ಕಿನಿಂದ ಬಂದ ಎರಡು ಮೆಟ್ರೋ ಲೈಟ್ ರೈಲುಗಳು ಡಿಕ್ಕಿಯಾಗಿ ಭಾರಿ ದುರ್ಘಟನೆ ಸಂಭವಿಸಿದೆ.

ಕೌಲಾಲಂಪುರ್ (ಮಲೇಷ್ಯಾ)​:ಸುರಂಗ ಮಾರ್ಗದಲ್ಲಿ ಎರಡು ಮೆಟ್ರೋ ಲೈಟ್ ರೈಲುಗಳು ಪರಸ್ಪರ ವಿರುದ್ಧ ದಿಕ್ಕಿನಲ್ಲಿ ಬಂದು ಡಿಕ್ಕಿಯಾಗಿ 200ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿರುವ ಘಟನೆ ಮಲೇಷ್ಯಾ ರಾಜಧಾನಿ ಕೌಲಾಲಂಪುರ್​ನಲ್ಲಿ ನಡೆದಿದೆ.

ನಿನ್ನೆ ರಾತ್ರಿ ಒಂದೇ ಹಳಿಯಲ್ಲಿ ಖಾಲಿ ಮೆಟ್ರೋ ಲೈಟ್ ರೈಲೊಂದು ಹಾಗೂ 213 ಪ್ರಯಾಣಿಕರಿದ್ದ ಮೆಟ್ರೋ ರೈಲು ಮುಖಾಮುಖಿಯಾಗಿ ದುರಂತ ಸಂಭವಿಸಿದೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಈ ಪೈಕಿ 47 ಜನರ ಸ್ಥಿತಿ ಗಂಭೀರವಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.

ಇದನ್ನೂ ಓದಿ: ನದಿಯಲ್ಲಿ ಮುಳುಗಿದ ದೋಣಿಗಳು: ಮಗು ಸಾವು, 7 ಮಂದಿ ನಾಪತ್ತೆ

ರೈಲುಗಳ ಆಪರೇಷನ್​ ಕಂಟ್ರೋಲ್​ ರೂಂನ ತಪ್ಪು ಮಾಹಿತಿ ಅಥವಾ ಸಂವಹನ ದೋಷದಿಂದಾಗಿ ಘಟನೆ ನಡೆದಿರಬಹುದು. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದೇವೆ ಎಂದು ಪೊಲೀಸ್​ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.