ವಾಷಿಂಗ್ಟನ್: ಅಮೆರಿಕದ ಚುನಾಯಿತ ಅಧ್ಯಕ್ಷ ಜೋ ಬೈಡನ್ ತಮ್ಮ ಶ್ವೇತಭವನದ ಡಿಜಿಟಲ್ ತಂಡದ ಸದಸ್ಯರನ್ನು ಸೋಮವಾರ ಪ್ರಕಟಿಸಿದ್ದು, ಕಾಶ್ಮೀರ ಮೂಲದ ಆಯಿಷಾ ಶಾ ಅವರಿಗೆ ಉತ್ತಮ ಸ್ಥಾನವನ್ನು ನೀಡಿದ್ದಾರೆ.
ರಾಬ್ ಫ್ಲೆಹರ್ಟಿ ನೇತೃತ್ವದ ಡಿಜಿಟಲ್ ತಂಡದ ಪಾರ್ಟ್ನರ್ಶಿಪ್ ಮ್ಯಾನೇಜರ್ ಆಗಿ ಆಯಿಷಾ ಅವರನ್ನು ನೇಮಕ ಮಾಡಲಾಗಿದೆ. ಭಾರತದ ಕಾಶ್ಮೀರ ಮೂಲದ ಆಯಿಷಾ ಅಮೆರಿಕದ ಲೂಯಿಸಿಯಾನದಲ್ಲಿ ಬೆಳೆದವರು. ಜೋ ಬೈಡೆನ್ - ಕಮಲಾ ಹ್ಯಾರಿಸ್ ಅವರ ಚುನಾವಣಾ ಪ್ರಚಾರದಲ್ಲಿ ಡಿಜಿಟಲ್ ಪಾರ್ಟ್ನರ್ಶಿಪ್ ಮ್ಯಾನೇಜರ್ ಆಗಿ ಸೇವೆ ಸಲ್ಲಿಸಿದ್ದರು.