ನಟ ವಿಕ್ಕಿ ಕೌಶಲ್ ಅವರ ಮುಂಬರುವ ಚಿತ್ರ ಗೋವಿಂದಾ ನಾಮ್ ಮೇರಾ ಇದೇ ಡಿಸೆಂಬರ್ 16ರಂದು ಬಿಡುಗಡೆ ಆಗಲಿದೆ. ಪ್ರಚಾರದಲ್ಲಿ ಚಿತ್ರತಂಡ ನಿರತವಾಗಿದೆ. ಈ ಹೊತ್ತಿನಲ್ಲಿ ವಿಕ್ಕಿ ಚಿತ್ರದ ಕ್ಯಾ ಬಾತ್ ಹೈ ಹಾಡಿಗೆ ಲಿಪ್ ಸಿಂಕ್ ಮಾಡಿ ಡ್ಯಾನ್ಸ್ ಮಾಡಿರುವ ತಮ್ಮ ಫನ್ನಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.
ಇನ್ಸ್ಟಾಗ್ರಾಮ್ನಲ್ಲಿ ನಟ ವಿಕ್ಕಿ ಕೌಶಲ್ ವಿಡಿಯೋ ಹಂಚಿಕೊಂಡಿದ್ದಾರೆ. ಚೇರ್ ಮೇಲೆ ಕುಳಿತು ವಿಕ್ಕಿ ಕೌಶಲ್ ನಾಜೂಕಾಗಿ ಮೈ ಕುಣಿಸಿರೋದನ್ನು ವಿಡಿಯೋದಲ್ಲಿ ನೀವು ಕಾಣಬಹುದು. "ನನ್ನ ಹೆಂಡತಿ ಅಂತಹ ವಿಡಿಯೋಗಳನ್ನು (ಫನ್ನಿ, ಕ್ಯಾಂಡಿಡ್) ಹಾಕಬೇಡಿ ಎಂದು ನನ್ನಲ್ಲಿ ಬೇಡಿಕೊಳ್ಳುತ್ತಾಳೆ, ಆದರೆ, ನಾನು ಅದಕ್ಕೆ ಸಹಾಯ ಮಾಡಲಾರೆ, ಒಂದು ದಿನ ಅವರು "ಕ್ಯಾ ಬಾತ್ ಹೈ!!!" ಎಂದು ಹೇಳುತ್ತಾರೆಂದು ನಂಬಿದ್ದೇನೆ'' ಅಂತಾ ವಿಕ್ಕಿ ಕೌಶಲ್ ಬರೆದುಕೊಂಡಿದ್ದಾರೆ.