ನಿರೂಪಕ ಕರಣ್ ಜೋಹರ್ ಅವರ ಕಾಫಿ ವಿತ್ ಕರಣ್ ಚಾಟ್ ಶೋನಲ್ಲಿ ರಾಕಿಂಗ್ ಸ್ಟಾರ್ ಹೆಸರು ಸದ್ದು ಮಾಡಿದೆ. ಹೌದು, ಬಾಲಿವುಡ್ ನಟ ಶಾಹಿದ್ ಕಪೂರ್ ಕನ್ನಡ ಚಿತ್ರರಂಗದ ರಾಕಿ ಭಾಯ್ ಯಶ್ ಅವರ ಗುಣಗಾನ ಮಾಡಿದ್ದಾರೆ.
ಕಾಫಿ ವಿತ್ ಕರಣ್ ಶೋನಲ್ಲಿ ವಿವಿಧ ಚಿತ್ರರಂಗದ ಸೆಲೆಬ್ರಿಟಿಗಳು ಬಂದು ಕರಣ್ ಅವರೊಂದಿಗೆ ವಿವಿಧ ವಿಚಾರವಾಗಿ ಮಾತನಾಡುತ್ತಾರೆ. ಹಿಂದಿನ ಸಂಚಿಕೆಯಲ್ಲಿ ಬಾಲಿವುಡ್ ನಟ ಶಾಹಿದ್ ಕಪೂರ್ ಮತ್ತು ನಟಿ ಕಿಯಾರಾ ಅಡ್ವಾನಿ ಕಾಣಿಸಿಕೊಂಡಿದ್ದಾರೆ. ಈ ಶೋನ ಕೆಲವು ಕ್ಲಿಪ್ಗಳು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿವೆ.
ಇದನ್ನೂ ಓದಿ:ಭಾವಪೂರ್ಣ ಸಿನಿಮಾ ನಿರ್ದೇಶಿಸಲಿದ್ದಾರೆ ಚೇತನ್ ಮುಂಡಾಡಿ.. ಭಾವನೆಗಳೇ ಇಲ್ಲಿನ ಪಾತ್ರಗಳು
ಶೋನಲ್ಲಿ, ಕರಣ್ ಜೋಹರ್ ಅವರು ಶಾಹಿದ್ರಲ್ಲಿ ನಂಬರ್ ಒನ್ ನಟ ಮತ್ತು ನಟಿ ಯಾರೆಂದು ಪ್ರಶ್ನೆ ಕೇಳುತ್ತಾರೆ. ಆ ಪ್ರಶ್ನೆಗೆ ನಟಿ ಕಿಯಾರಾ ಅಡ್ವಾನಿ ನಂಬರ್ ಒನ್ ಆ್ಯಕ್ಟ್ರೆಸ್ ಎಂದು ಉತ್ತರಿಸುತ್ತಾರೆ. ಬಳಿಕ ನಂಬರ್ ಒನ್ ಆ್ಯಕ್ಟರ್ ಬಗ್ಗೆ ನಾವು ಚರ್ಚೆ ನಡೆಸಬಹುದು. ಸದ್ಯಕ್ಕೆ ರಾಕಿ ಭಾಯ್ ಯಶ್ ಎಂದು ಉತ್ತರಿಸಿದ್ದಾರೆ. ಬಾಲಿವುಡ್ ನಟ ಕನ್ನಡ ಚಿತ್ರರಂಗದ ಮತ್ತು ಯಶ್ ಹೆಸರು ಉಲ್ಲೇಖಿಸಿರುವುದು ಹೆಮ್ಮೆಯ ವಿಷಯ. ಈ ಬಗ್ಗೆ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ.