ಮುಂಬೈ:ಬಾಲಿವುಡ್ ಸೂಪರ್ ಜೋಡಿಗಳಾದರಣಬೀರ್ ಮತ್ತು ಆಲಿಯಾ ಭಟ್ ತಮ್ಮ ಪೋಷಕರ ಜವಾಬ್ದಾರಿಯಿಂದ ಕೊಂಚ ವಿರಾಮ ಪಡೆದು ಮುಂಬೈ ನಗರದ ಎಫ್ಸಿ ಇಂಡಿಯನ್ ಸೂಪರ್ ಲೀಗ್ನಲ್ಲಿ ಕಾಣಿಸಿಕೊಂಡರು. ಮುಂಬೈನಲ್ಲಿ ಕೇರಳಾ ಬ್ಲಾಸ್ಟರ್ ವಿರುದ್ಧದ ಪಂದ್ಯವನ್ನು ಎಂಜಾಯ್ ಮಾಡಿದ ಅವರು ಕ್ಯಾಮೆರಾ ಕಣ್ಣಿಗೆ ಕಾಣಿಸಿಕೊಂಡರು. ರಣಬೀರ್ ಕಪೂರ್ ಸಹ ಒಡೆತನದ ಮುಂಬೈ ಸಿಟಿ ಎಫ್ಸಿ ತಂಡಕ್ಕೆ ಪ್ರೋತ್ಸಾಹಿಸಲು ನಟಿ ಆಲಿಯಾ ಗಂಡನೊಂದಿಗೆ ಸಂಪೂರ್ಣ ಪಂದ್ಯ ವೀಕ್ಷಿಸಿದ್ದು, ಇವರ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದೆ.
ಇದರಲ್ಲಿ ಒಂದು ಚಿತ್ರದಲ್ಲಿ ನಟ ರಣಬೀರ್ ಮುದ್ದಿನ ಮಡದಿ ಜೊತೆ ಆಟದ ಕುರಿತು ಚರ್ಚಿಸುತ್ತಿರುವುದು ಕಾಣಬಹುದಾಗಿದೆ. ಬಹುದಿನಗಳ ಬಳಿಕ ಸಾರ್ವಜನಿಕವಾಗಿ ಕಾಣಿಸಿಕೊಂಡ ಜೋಡಿ ಕೈ ಕೈ ಹಿಡಿದು ನಿಂತಿರುವ ದೃಶ್ಯಗಳು ವೈರಲ್ ಆಗಿದೆ. ಅಲ್ಲದೇ, ಇಬ್ಬರು ತಮ್ಮ ಮುಂಬೈ ಸಿಟಿ ಎಫ್ಸಿ ತಂಡದ ಗೆಲುವಿಗೆ ಹರ್ಷ ವ್ಯಕ್ತಪಡಿಸಿದ್ದು, ತಂಡದ ಆಟಗಾರರಿಗೆ ಪರಸ್ಪರ ಭೇಟಿಯಾಗಿ ಶುಭ ಕೋರಿದ್ದಾರೆ.
ಫುಟ್ಬಾಲ್ ಪ್ರೇಮದ ಮೂಲಕ ಮಗಳ ಹೆಸರು ಘೋಷಣೆ: ಫುಟ್ಬಾಲ್ ಬಗ್ಗೆ ನಟ ರಣಬೀರ್ ಅಪಾರ ಒಲವು ಹೊಂದಿದ್ದಾರೆ. ತಮ್ಮ ಮುದ್ದುಮಗಳಾದ ರಹಾ ಹೆಸರನ್ನು ಕೂಡ ಅವರ ಕ್ರೀಡಾ ಪ್ರೇಮವನ್ನು ಬಿಂಬಿಸುವ ಮೂಲಕ ಅಭಿಮಾನಿಗಳಿಗೆ ತಿಳಿಸಿದ್ದರು. ಸ್ಫೋರ್ಟ್ಸ್ ಟೀ ಶರ್ಟ್ ಬಾರ್ಕಾ ಜರ್ಸಿಯ ಮೇಲೆ ರಾಹಾ ಹೆಸರನ್ನು ಬರೆದು ಮಗಳ ಹೆಸರನ್ನು ತಿಳಿಸಲಾಗಿತ್ತು. ಈ ವೇಳೆ ರಾಹಾ ಅಪ್ಪ- ಅಮ್ಮನ ಅಪ್ಪುಗೆಯಲ್ಲಿದ್ದ ಫೋಟೋದಲ್ಲಿರುವುದನ್ನು ಕಾಣಬಹುದಾಗಿದೆ.
ಇದೇ ಫೋಟೋವನ್ನು ಟ್ವಿಟರ್ನಲ್ಲಿ ಹಂಚಿಕೊಂಡ ಎಫ್ಸಿ ಬರ್ಸೆಲೋನ್, ರಣಬೀರ್ - ಆಲಿಯಾಗೆ ಅಭಿನಂದನೆಗಳನ್ನು ತಿಳಿಸಿದ್ದರು. ಅಲ್ಲದೇ, ಹೊಸ ಬಾರ್ಕಾ ಅಭಿಮಾನಿ ಹುಟ್ಟಿದ್ದಾನೆ. ಬರ್ಸೆಲೋನಾದಲ್ಲಿ ನಿನ್ನ ಭೇಟಿಯಾಗಲು ಕಾತುರದಿಂದ ಕಾಯುತ್ತಿರುವುದಾಗಿ ಟ್ವೀಟ್ ಮೂಲಕ ತಿಳಿಸಿದ್ದರು.
2022ರ ಕಳೆದ ನವೆಂಬರ್ 6ರಂದು ಆಲಿಯಾ ಮತ್ತು ರಣಬೀರ್ ಚೊಚ್ಚಲ ಮಗುವಿನ ಪೋಷಕರಾಗಿ ಬಡ್ತಿ ಪಡೆದಿದ್ದರು. ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಸಂಭ್ರಮ ಹಂಚಿಕೊಂಡ ನಟಿ, ನಮ್ಮ ಜೀವನದ ಉತ್ತಮ ಸುದ್ದಿ, ನಮ್ಮ ಮಗಳು ಇಲ್ಲಿದ್ದಾರೆ. ಆಕೆ ಜಾದುಗಾತಿ ಹುಡುಗಿ. ನಾವು ಪ್ರೀತಿಯಿಂದ ಒಡೆದು ಹೋಗಿದ್ದೇವೆ ಎಂದು ಅಭಿಮಾನಿಗಳಿಗೆ ಮಗಳ ಪರಿಚಯ ಮಾಡಿಸಿದ್ದರು. ಕಳೆದ ಏಪ್ರಿಲ್ 14ರಂದು ಮದುವೆಯಾದ ಈ ಜೋಡಿ ಜೂನ್ನಲ್ಲಿ ತಾವು ಪೋಷಕರಾಗುತ್ತಿರುವ ಕುರಿತು ತಿಳಿಸಿದ್ದರು.
ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಜೋಡಿ: ಏತನ್ಮಧ್ಯೆ, ಆಲಿಯಾ ಕರಣ್ ಜೋಹರ್ ನಿರ್ದೇಶನ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿಯಲ್ಲಿ ರಣವೀರ್ ಸಿಂಗ್ಗೆ ಜೊತೆಯಾಗಿ ನಟಿಸಲಿದ್ದಾರೆ. ಧರ್ಮೇಂದ್ರ ಜಯಾ ಬಚ್ಚನ್ ಕೂಡ ಈ ಸಿನಿಮಾದ ಪ್ರಮುಖ ಪಾತ್ರದಲ್ಲಿದ್ದಾರೆ. ಇತ್ತ ರಣಬೀರ್ ಕೂಡ ಭರಪೂರ ಸಿನಿಮಾ ಆಫರ್ಗಳನ್ನು ಹೊಂದಿದ್ದಾರೆ. ಲವ್ ರಂಜನ್ ಅವರ ರೋಮ್ಯಾಂಟಿಕ್ ಕಾಮಿಡಿ ಫಿಲ್ಮ್ ತೂ ಜೂಟಿ ಮೇ ಮಕ್ಕರ್ ಜೊತೆ ಶ್ರದ್ಧಾ ಕಪೂರ್ ಜೊತೆ ಚಿತ್ರದಲ್ಲಿ ನಟಿಸಲಿದ್ದಾರೆ. ಅಲ್ಲದೇ ರಶ್ಮಿಕಾ ಮಂದಣ್ಣ ಜೊತೆ ಅನಿಮಲ್ ಚಿತ್ರದಲ್ಲೂ ಕಾಣಿಸಿಕೊಳ್ಳಲಿದ್ದಾರೆ.
ಇದನ್ನೂ ಓದಿ: ಶಾಕುಂತಲಂ ಚಿತ್ರದ ಟ್ರೇಲರ್ ಬಿಡುಗಡೆ ಸಮಾರಂಭ.. ವೇದಿಕೆ ಮೇಲೆಯೇ ಕಣ್ಣೀರಿಟ್ಟ ನಟಿ ಸಮಂತಾ
