ವಿಶ್ವದಾದ್ಯಂತ ಕ್ರೇಜ್ ಹುಟ್ಟಿಸಿರುವ ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಏಪ್ರಿಲ್ 14 ರಂದು ಗ್ರ್ಯಾಂಡ್ ಬಿಡುಗಡೆಗೆ ಸಿದ್ಧವಾಗಿದೆ. ಟಿಕೆಟ್ ಬುಕ್ಕಿಂಗ್ನಲ್ಲಿ ದೇಶಾದ್ಯಂತ ಕ್ರೇಜ್ ಶುರುವಾಗಿದೆ. ಈ ಮಧ್ಯೆ ಕೆಜಿಎಫ್ ಎದುರು ಬಿಡುಗಡೆಗೆ ಸನ್ನದ್ಧವಾಗಿದ್ದ ಶಾಹಿದ್ ಕಪೂರ್ ಅಭಿನಯದ ಜರ್ಸಿ ಚಿತ್ರ ಕೊನೆಗೂ ಮುಂದೂಡಲ್ಪಟ್ಟಿದೆ. ಹೌದು, ಏಪ್ರಿಲ್ 14 ರಂದು ಜರ್ಸಿ ಬಿಡುಗಡೆ ಮಾಡಲು ತಂಡ ನಿರ್ಧರಿಸಿತ್ತು. ಆದ್ರೆ ಇದೀಗ ದಿಢೀರ್ನೇ ದಿನಾಂಕ ಮುಂದೂಡಿ ಏ.22 ರಂದು ರಿಲೀಸ್ ಮಾಡುವುದಾಗಿ ತಿಳಿಸಿದೆ. ಈ ಮೂಲಕ ಬಾಲಿವುಡ್ ಅಂಗಳದಲ್ಲಿ ರಾಕಿಂಗ್ ಸ್ಟಾರ್ ಒನ್ ಮ್ಯಾನ್ ಶೋ ದಂಡಯಾತ್ರೆ ಮಾಡುವುದು ಪಕ್ಕಾ ಆಗಿದೆ.
ಏಪ್ರಿಲ್ 14 ರಂದು ಕೆಜಿಎಫ್ 2 ಬಿಡುಗಡೆ ಮಾಡುವುದಾಗಿ ಚಿತ್ರ ತಂಡ 8 ತಿಂಗಳ ಮೊದಲೇ ಘೋಷಿಸಿತ್ತು. ಆ ಬಳಿಕ ಅಮಿರ್ ಖಾನ್ ಅಭಿನಯದ ಲಾಲ್ ಸಿಂಗ್ ಛಡ್ಡಾ ಚಿತ್ರ ತಂಡ ಕೂಡ ಕೆಜಿಎಫ್ ಎದುರು ಬರುವುದಾಗಿ ಪ್ರಕಟಿಸಿತ್ತು. ಆದ್ರೆ ಕಾರಣಾಂತರಗಳಿಂದ ಅಮಿರ್ ಖಾನ್ ಚಿತ್ರ ಬಿಡುಗಡೆ ಮುಂದೂಡಿದ್ದರು. ಈ ಬೆನ್ನಲ್ಲೇ ಜರ್ಸಿ ತಂಡ ಕೆಜಿಎಫ್ ಎದುರು ಬಿಡುಗಡೆ ಮಾಡುವ ಧೈರ್ಯ ತೋರಿ, ಬಾಕ್ಸ್ ಆಫೀಸ್ ವಾರ್ ಮುನ್ಸೂಚನೆ ನೀಡಿತ್ತು.