ಬಾಲಿವುಡ್ ಸೂಪರ್ಸ್ಟಾರ್ ಶಾರುಖ್ ಖಾನ್ ನಟನೆಯ 'ಜವಾನ್' ಸಿನಿಮಾ ಇಂದು ತೆರೆಗಪ್ಪಳಿಸಿದೆ. ಈ ಆಕ್ಷನ್ ಥ್ರಿಲ್ಲರ್ ಚಿತ್ರಕ್ಕೆ ತಮಿಳು ನಿರ್ದೇಶಕ ಅಟ್ಲೀ ಆಕ್ಷನ್ ಕಟ್ ಹೇಳಿದ್ದಾರೆ. ಚಿತ್ರದಲ್ಲಿ ನಯನತಾರಾ, ವಿಜಯ್ ಸೇತುಪತಿ, ದೀಪಿಕಾ ಪಡುಕೋಣೆ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. 'ಜವಾನ್' ಫಸ್ಟ್ ಡೇ, ಫಸ್ಟ್ ಶೋ ವೀಕ್ಷಿಸಲು ಅಭಿಮಾನಿಗಳು ಥಿಯೇಟರ್ಗೆ ಮುಗಿಬೀಳುತ್ತಿದ್ದಂತೆ ಅಟ್ಲೀ ಕೂಡ ತಮ್ಮ ಸಿನಿಮಾವನ್ನು ದೊಡ್ಡ ಪರದೆಯ ಮೇಲೆ ವೀಕ್ಷಿಸಿದ್ದಾರೆ.
ಗುರುವಾರ ಬೆಳಗ್ಗೆ ಅಟ್ಲೀ ತಮ್ಮ ಪತ್ನಿ ಪ್ರಿಯಾ ಜೊತೆಗಿನ ಫೋಟೋವನ್ನು ಹಂಚಿಕೊಳ್ಳಲು ಇನ್ಸ್ಟಾ ವೇದಿಕೆಯನ್ನು ಬಳಸಿಕೊಂಡರು. ಜೋಡಿಯು 'ಜವಾನ್' ನಾಮಮುದ್ರಿತ ಬಿಳಿ ಟೀ-ಶರ್ಟ್ ಧರಿಸಿದ್ದರು. ತಮಿಳುನಾಡಿನ ಚೆನ್ನೈನಲ್ಲಿರುವ ರೋಹಿಣಿ ಥಿಯೇಟರ್ಗೆ ತೆರಳುತ್ತಿರುವ ವೇಳೆ ದಂಪತಿ ಕಾರಿನಲ್ಲಿ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದಾರೆ. ಫೋಟೋ ಹಂಚಿಕೊಂಡ ಅಟ್ಲೀ, "ಜವಾನ್ ಮೊದಲ ಶೋಗೆ ಹೋಗುವ ದಾರಿಯಲ್ಲಿ" ಎಂದು ಕ್ಯಾಪ್ಶನ್ ನೀಡಿದ್ದಾರೆ. ಜೊತೆಗೆ "#jawanfever," ಮತ್ತು "#jawanday" ಎಂಬ ಹ್ಯಾಶ್ಟ್ಯಾಗ್ ಅನ್ನು ಸೇರಿಸಿದ್ದಾರೆ.
ಸೆಲೆಬ್ರಿಟಿಗಳಿಗೆ ವಿಶೇಷ ಸ್ಕ್ರೀನಿಂಗ್:ಇಂದು ವಿಶ್ವದಾದ್ಯಂತ 'ಜವಾನ್' ಸಿನಿಮಾ ಬಿಡುಗಡೆಯಾಗಿದೆ. ಚಿತ್ರ ರಿಲೀಸ್ಗೂ ಮುನ್ನ 'ಜವಾನ್' ವಿಶೇಷ ಸ್ಕ್ರೀನಿಂಗ್ ಕಾರ್ಯಕ್ರಮವನ್ನು ಸಿನಿ ಸೆಲೆಬ್ರಿಟಿಗಳಿಗಾಗಿ ಹಮ್ಮಿಕೊಳ್ಳಲಾಗಿತ್ತು. ಆದಿತ್ಯಾ ಚೋಪ್ರಾ ಒಡೆತನದ ಮುಂಬೈನ ಯಶ್ ರಾಜ್ ಸ್ಟುಡಿಯೋದಲ್ಲಿ ಜವಾನ್ನ ಮೊದಲ ಸೆಲೆಬ್ರಿಟಿ ಶೋ ಬುಧವಾರ ಸಂಜೆ ನಡೆಯಿತು. ಶಾರುಖ್ ಖಾನ್ ಜೊತೆಗೆ ದೀಪಿಕಾ ಪಡುಕೋಣೆ, ಸುಹಾನ್ ಖಾನ್, ಶಾರುಖ್ ಪತ್ನಿ ಗೌರಿ ಖಾನ್, ಹೃತಿಕ್ ರೋಷನ್, ಕತ್ರಿನಾ ಕೈಫ್ ಮತ್ತು ಇತರೆ ಜವಾನ್ ತಂಡದ ಸದಸ್ಯರು ಸೇರಿದಂತೆ ಹಲವಾರು ಪ್ರಸಿದ್ಧ ಸೆಲೆಬ್ರಿಟಿಗಳು ಸ್ಕ್ರೀನಿಂಗ್ಗೆ ಹಾಜರಾಗಿದ್ದರು.
ಇದನ್ನೂ ಓದಿ:ಫ್ಯಾಮಿಲಿಯೊಂದಿಗೆ ಜವಾನ್ ವೀಕ್ಷಿಸಲಿರುವ ಮಹೇಶ್ ಬಾಬು... ಟಾಲಿವುಡ್ ಸ್ಟಾರ್ ಜೊತೆ ಸಿನಿಮಾ ನೋಡುತ್ತೇನೆ ಎಂದ ಶಾರುಖ್ ಖಾನ್
ಹೃತಿಕ್ ರೋಷನ್ ಅವರು ಸ್ಕ್ರೀನಿಂಗ್ಗೆ ಆಗಮಿಸುತ್ತಿರುವ ದೃಶ್ಯಗಳು ಸೋಷಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಂಡಿವೆ. ಕಪ್ಪು ಸ್ವೆಟ್ಶರ್ಟ್ ಮತ್ತು ಕಂದು ಬಣ್ಣದ ಟೋಪಿ ಧರಿಸಿದ್ದ ಅವರು ಫೋಟೋಗ್ರಾಫರ್ಗಳತ್ತ ಕೈಬೀಸಿದರು. ಜಬ್ ತಕ್ ಹೈ ಜಾನ್ ಮತ್ತು ಝೀರೋ ಚಿತ್ರದಲ್ಲಿ ಶಾರುಖ್ ಜೊತೆ ನಟಿಸಿದ್ದ ಕತ್ರಿನಾ ಕೈಫ್ ಕೂಡ ಸ್ಕ್ರೀನಿಂಗ್ನಲ್ಲಿ ಕಾಣಿಸಿಕೊಂಡಿದ್ದರು. ಅವರು ಬೂದು ಬಣ್ಣದ ಡ್ರೆಸ್ ಮತ್ತು ಬ್ಲ್ಯಾಕ್ ಕೂಲಿಂಗ್ ಗ್ಲಾಸ್ ಧರಿಸಿ ಫೋಟೋಗ್ರಾಫರ್ಸ್ಗೆ ಚಂದನೆಯ ನಗು ಬೀರಿದರು.
ಮತ್ತೊಂದು ವೈರಲ್ ವಿಡಿಯೋದಲ್ಲಿ ದೀಪಿಕಾ ಪಡುಕೋಣೆ ಪಾಪರಾಜಿಗಳನ್ನು ನೋಡಿ ನಗುತ್ತಿರುವುದನ್ನು ಕಾಣಬಹುದು. ನಟಿ ಕಪ್ಪು ಬಣ್ಣದ ದಿರಿಸಿನಲ್ಲಿ ಬೆರಗುಗೊಳಿಸಿದರು. ಅವರು ಕನಿಷ್ಠ ಮೇಕಪ್ನೊಂದಿಗೆ ತಮ್ಮ ನೋಟವನ್ನು ಪೂರ್ಣಗೊಳಿಸಿದರು. ಎಸ್ಆರ್ಕೆ ಅವರ ಮಗಳು ಸುಹಾನಾ ಖಾನ್ ಕೂಡ ತಮ್ಮ ಸ್ನೇಹಿತರೊಂದಿಗೆ ಸ್ಕ್ರೀನಿಂಗ್ಗೆ ಆಗಮಿಸುತ್ತಿರುವ ದೃಶ್ಯಗಳು ಕಂಡುಬಂತು. ಅವರು ಈ ವೇಳೆ ಬ್ಲ್ಯಾಕ್ ಗೌನ್ ಧರಿಸಿದ್ದರು. ಗೌರಿ ಖಾನ್ ಕೂಡ ಇದೇ ವೇಳೆ ಕಾಣಿಸಿಕೊಂಡರು.
ಇವರಲ್ಲದೇ, ಗಾಯಕಿ ರಾಜಾ ಕುಮಾರಿ, ಸುನಿಲ್ ಗ್ರೋವರ್, ಸಾನ್ಯಾ ಮಲ್ಹೋತ್ರಾ, ಮುಖೇಶ್ ಛಾಬ್ರಾ ಸೇರಿದಂತೆ ಜವಾನ್ ತಂಡದ ಸದಸ್ಯರು ಇದ್ದರು. ಸ್ಕ್ರೀನಿಂಗ್ ನಂತರ ಚಿತ್ರ ಬಿಡುಗಡೆಗಾಗಿ ಅಭಿಮಾನಿಗಳು ಥಿಯೇಟರ್ಗಳಲ್ಲಿ ಸರತಿ ಸಾಲಿನಲ್ಲಿ ನಿಂತಿರುವುದು ಕಂಡುಬಂತು. ಅಭಿಮಾನಿಗಳು ಎಸ್ಆರ್ಕೆ ಸಿನಿಮಾವನ್ನು ಸ್ವಾಗತಿಸಲು ಥಿಯೇಟರ್ ಮುಂದೆ ಜಮಾಯಿಸಿರುವ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಇದನ್ನೂ ಓದಿ:ಬಹುನಿರೀಕ್ಷಿತ 'ಜವಾನ್' ರಿಲೀಸ್: ಎಸ್ಆರ್ಕೆ ಸಿನಿಮಾ ಸ್ವಾಗತಿಸಲು ಥಿಯೇಟರ್ ಮುಂದೆ ಅಭಿಮಾನಿಗಳ ದಂಡು
