ಡಾಲಿ ಧನಂಜಯ್ ಹಾಗು ರಚಿತಾ ರಾಮ್ ಅಭಿನಯದ 'ಮಾನ್ಸೂನ್ ರಾಗ' ಚಿತ್ರವು ಆಗಸ್ಟ್ 19ಕ್ಕೆ ರಾಜ್ಯಾದ್ಯಂತ ಬಿಡುಗಡೆ ಆಗಲಿದೆ. ಚಿತ್ರತಂಡವು ಮತ್ತೊಂದು ಬೊಂಬಾಟ್ ಪ್ರಮೋಷನಲ್ ಹಾಡನ್ನು ಚಿತ್ರೀಕರಣ ಮಾಡುತ್ತಿದೆ. ಕಂಠೀರವ ಸ್ಟುಡಿಯೋದಲ್ಲಿನ ಅದ್ಧೂರಿ ಸೆಟ್ನಲ್ಲಿ ಧನಂಜಯ್ ಹಾಗು ರಚಿತಾ ಮಸ್ತ್ ಡ್ಯಾನ್ಸ್ ಮಾಡಿದ್ದಾರೆ.
'ಮಾನ್ಸೂನ್ ರಾಗ' ಪ್ರಮೋಷನಲ್ ಸಾಂಗ್ಗೆ ಡಾಲಿ ಧನಂಜಯ್-ರಚಿತಾ ರಾಮ್ ಮಸ್ತ್ ಡ್ಯಾನ್ಸ್
ಮಾನ್ಸೂನ್ ರಾಗ ಚಿತ್ರವು 70-80ರ ದಶಕದಲ್ಲಿನ ಕಥೆಯೊಂದಿಗೆ ಲವ್ ಸ್ಟೋರಿ ಹಾಗೂ ಸಂಬಂಧಗಳ ಮೌಲ್ಯ ಹೊಂದಿದೆ ಎನ್ನಲಾಗುತ್ತಿದೆ. ಚಿತ್ರದಲ್ಲಿ ರಚಿತಾ ರಾಮ್ ವೇಶ್ಯೆ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ವೇಶ್ಯೆಯನ್ನು ಪ್ರೀತಿಸುವ ಪ್ರೇಮಿಯಾಗಿ ಧನಂಜಯ್ ಅಭಿನಯಿಸಿದ್ದಾರೆ. ಚಿತ್ರದಲ್ಲಿ ಅಚ್ಯುತ್ ಕುಮಾರ್, ಸುಹಾಸಿನಿ ಮತ್ತು ಯಶಾ ಶಿವಕುಮಾರ್ ಸೇರಿ ಬಹುದೊಡ್ಡ ತಾರಾಬಳಗವಿದೆ.