ಈ ಹೆಸರೇ ಹೇಳುವ ಹಾಗೆ ಚಾಂದನಿ ಬಾರ್‌ನಲ್ಲಿ ನಡೆಯುವ ಕಥೆ ಇದು. ನಾಲ್ಕು ಹುಡುಗರು ಒಂದು ಬಾರ್ ನಲ್ಲಿ ಕೆಲಸ ಮಾಡ್ತಾ, ಹೇಗೆ ತಮ್ಮ ಜೀವನದಲ್ಲಿ ದೊಡ್ಡ ಸಾಧನೆ ಮಾಡ್ತಾರೆ ಅನ್ನೋದು ಚಿತ್ರದ ಸಾರ. ಸರ್ವೇಜನಾಃ ಸುಖಿನೋ ಭವಂತು ಎಂದು ಅಡಿಬರಹ ನೀಡಲಾಗಿದೆ. ರಾಘವೇಂದ್ರ ಕುಮಾರ್ ನಿರ್ದೇಶನದೊಂದಿಗೆ ನಾಯಕನಾಗಿ ಅಭಿನಯಿಸಿದ್ದಾರೆ.
ಈ ಸಿನಿಮಾ ಮಾಡಲು ಗಾಂಧಿನಗರದಲ್ಲಿ ಸಾಕಷ್ಟು ನಿರ್ಮಾಪಕರ ಬಳಿ ಕಥೆ ಹೇಳಿದ್ರಂತೆ. ಕೊನೆಗೆ ಯಾರೂ ಸಿನಿಮಾ ನಿರ್ಮಾಣ ಮಾಡಲು ಮುಂದೆ ಬಾರದಿದ್ದಾಗ ನಿರ್ದೇಶಕ ರಾಘವೇಂದ್ರ ಹಾಗು ಸಿದ್ದು ಬದನವಾಳು, ಭರತ್ ಕುಮಾರ್, ಸಂಗೀತ ನಿರ್ದೇಶಕರಾದ ವಿಶಾಕ್ ಹಾಗು ಕಾರ್ತಿಕ್ ನಾಗಲಾಪುರ ಹಾಗು ಕೆಲ ಸಿನಿಮಾ ಆಸಕ್ತರ ಸಹಾಯದಿಂದ ಸಿನಿಮಾ ನಿರ್ಮಿಸಿದ್ದಾರೆ. ಸುಮಾರು 60 ಲಕ್ಷ ರೂ ಖರ್ಚಾಗಿದೆ ಎಂದು ಕಾರ್ಯಕಾರಿ ನಿರ್ಮಾಪಕ ಭರತ್ ಕುಮಾರ್ ಹೇಳಿದ್ದಾರೆ.