ಹಾಡಹಗಲೇ ಸಾರ್ವಜನಿಕರನ್ನು ಬೆಚ್ಚಿಬೀಳಿಸಿದ ಕರಡಿ..

ಗುಡ್ಡದಿಂದ ಕೆಳಗಿಳಿದು ಬಂದು ಹಾಡಹಗಲೇ ಸಾರ್ವಜನಿಕರನ್ನು ಕರಡಿ ಬೆಚ್ಚಿಬೀಳಿಸಿದ ಘಟನೆ ಪಾವಗಡ ಪಟ್ಟಣದ ಎಸ್ ಎಸ್ ಕೆ ಕಾಲೇಜು ಸಮೀಪದಲ್ಲಿ ಕಂಡು ಬಂದಿದೆ.

ತುಮಕೂರು: ಗುಡ್ಡದಿಂದ ಕೆಳಗಿಳಿದು ಬಂದು ಹಾಡಹಗಲೇ ಸಾರ್ವಜನಿಕರನ್ನು ಕರಡಿ ಬೆಚ್ಚಿಬೀಳಿಸಿದ ಘಟನೆ ಪಾವಗಡ ಪಟ್ಟಣದ ಎಸ್‌ಎಸ್‌ಕೆ ಕಾಲೇಜು ಸಮೀಪದಲ್ಲಿ ಕಂಡು ಬಂದಿದೆ.

ಜಿಲ್ಲೆಯ ಪಾವಗಡ, ಕೊರಟಗೆರೆ, ಮಧುಗಿರಿ ಭಾಗದಲ್ಲಿ ಕರಡಿಗಳ ಹಾವಳಿ ಮಿತಿಮೀರಿದೆ. ಇಂದು ಹಾಡಹಗಲೇ ಎಸ್​ಎಸ್​ಕೆ ಕಾಲೇಜು ಸಮೀಪದಲ್ಲಿ ಗುಡ್ಡದಿಂದ ಕೆಳಗಿಳಿದು ಬಂದ ಕರಡಿ ಕೆಲಕಾಲ ಜನರನ್ನು, ವಿದ್ಯಾರ್ಥಿಗಳನ್ನು ಭಯಬೀತಗೊಳಿಸಿತ್ತು. ಈ ವೇಳೆ ಅಲ್ಲೇ ಇದ್ದ ಕೆಲವರು ಕರಡಿಯ ಚಲನವಲನವನ್ನು ಮೊಬೈಲ್​ನಲ್ಲಿ ಸೆರೆಹಿಡಿದರು. ಸ್ವಲ್ಪ ಸಮಯದ ನಂತರ ಗುಡ್ಡದ ಕಡೆ ಹೋಯಿತು.

ಈ ವೇಳೆ ಕಾಡಿನಿಂದ ಪಟ್ಟಣದತ್ತ ಆಗಮಿಸುತ್ತಿರುವ ಕರಡಿಗಳನ್ನು ಸೆರೆ ಹಿಡಿದು, ಸ್ಥಳಾಂತರಿಸುವಂತೆ ಗ್ರಾಮಸ್ಥರು ಅರಣ್ಯ ಅಧಿಕಾರಿಗಳಿಗೆ ಒತ್ತಾಯಿಸಿದ್ದಾರೆ.