ಮೃತ ಹಿಂದೂ ವೃದ್ಧೆಯ ಅಂತ್ಯ ಸಂಸ್ಕಾರ ನೆರವೇರಿಸಿದ ಮುಸ್ಲಿಂ ಯುವಕರು

ಗೌಸಿಯನಗರದ ಸುಮಾರು 3,000 ಮನೆಗಳ ನಡುವೆ ಇದೊಂದೇ ಕುಟುಂಬ ಹಿಂದೂ ಧರ್ಮದ್ದಾಗಿದೆ. ನಮ್ಮಲ್ಲಿ ಹಿಂದೂ-ಮುಸ್ಲಿಂ ಎನ್ನುವ ಬೇಧ- ಭಾವ ಇಲ್ಲ. ಎಲ್ಲರೂ ಸೌಹಾರ್ದತೆಯಿಂದ ಬದುಕುತ್ತಿದ್ದೇವೆ. ನಮ್ಮ ಕಷ್ಟಗಳಿಗೆ ಹಿಂದೂಗಳು ಭಾಗಿಯಾಗುತ್ತಾರೆ. ಹಿಂದೂಗಳ ಕಷ್ಟಕ್ಕೆ ನಾವು ಭಾಗಿಯಾಗುತ್ತೇವೆ ಎಂದು ಮುಸ್ಲಿಂ ಬಾಂಧವರು ತಿಳಿಸಿದ್ದಾರೆ.ಜಯಕ್ಕ ಅವರಿಗೆ ಸಂಬಂಧಿಕರಿಲ್ಲದ ಕಾರಣ ಸುಮಾರು 50 ಜನ ಮುಸ್ಲಿಂಮರು ಸೇರಿಕೊಂಡು ಹಿಂದೂ ಸಂಪ್ರದಾಯದಂತೆ ಜಯಕ್ಕ ಅವರ ಅಂತ್ಯ ಸಂಸ್ಕಾರ ನೆರವೇರಿಸಿದ್ದಾರೆ..

ಮೈಸೂರು: ಮೃತಹಿಂದೂ ಮಹಿಳೆಯೊಬ್ಬರ ಅಂತ್ಯಸಂಸ್ಕಾರವನ್ನ ಮುಸ್ಲಿಂಮರೆಲ್ಲ ಸೇರಿ ಮಾಡುವ ಮೂಲಕ ಸೌಹಾರ್ದತೆ ಪರಂಪರೆ, ಮಾನವೀಯತೆ ಇನ್ನೂ ಜೀವಂತೆ ಇದೆ ಅನ್ನೋದನ್ನ ಸಾರಿ ಹೇಳಿದ ಘಟನೆ ಮೈಸೂರಿನಲ್ಲಿ ನಡೆದಿದೆ. ಇಲ್ಲಿನ ಗೌಸಿಯ ನಗರದ ನಿವಾಸಿ ಜಯಕ್ಕ (60) ಎಂಬುವರು ಅನಾರೋಗ್ಯದ ಕಾರಣ ಮೃತಪಟ್ಟಿದ್ದರು.

ಇವರು ಸುಮಾರು 40 ವರ್ಷಗಳಿಂದ ಇದೇ ಗೌಸಿಯನಗರದಲ್ಲಿ ವಾಸಿಸುತ್ತಿದ್ದರು. ಇವರಿಗೆ ಮಗ ಮತ್ತು ಸೊಸೆ ಇದ್ದು, ಬೇರೆ ಯಾರೂ ಸಂಬಂಧಿಕರಿರಲಿಲ್ಲ. ಹಾಗಾಗಿ, ಅಕ್ಕಪಕ್ಕದ ಮನೆಯ ಮುಸ್ಲಿಂಮರೇ ಜಯಕ್ಕ ಅವರ ಮಗ ಮತ್ತು ಸೊಸೆಯ ಸಹಾಯಕ್ಕೆ ಬಂದು ಶುಕ್ರವಾರ ಸಂಜೆ ಜಯಮ್ಮನವರ ಅಂತ್ಯ ಸಂಸ್ಕಾರ ನೆರವೇರಿಸಿದ್ದಾರೆ.

ಗೌಸಿಯನಗರದ ಸುಮಾರು 3,000 ಮನೆಗಳ ನಡುವೆ ಇದೊಂದೇ ಕುಟುಂಬ ಹಿಂದೂ ಧರ್ಮದ್ದಾಗಿದೆ. ನಮ್ಮಲ್ಲಿ ಹಿಂದೂ-ಮುಸ್ಲಿಂ ಎನ್ನುವ ಬೇಧ- ಭಾವ ಇಲ್ಲ. ಎಲ್ಲರೂ ಸೌಹಾರ್ದತೆಯಿಂದ ಬದುಕುತ್ತಿದ್ದೇವೆ. ನಮ್ಮ ಕಷ್ಟಗಳಿಗೆ ಹಿಂದೂಗಳು ಭಾಗಿಯಾಗುತ್ತಾರೆ. ಹಿಂದೂಗಳ ಕಷ್ಟಕ್ಕೆ ನಾವು ಭಾಗಿಯಾಗುತ್ತೇವೆ ಎಂದು ಮುಸ್ಲಿಂ ಬಾಂಧವರು ತಿಳಿಸಿದ್ದಾರೆ.

ಜಯಕ್ಕ ಅವರಿಗೆ ಸಂಬಂಧಿಕರಿಲ್ಲದ ಕಾರಣ ಸುಮಾರು 50 ಜನ ಮುಸ್ಲಿಂಮರು ಸೇರಿಕೊಂಡು ಹಿಂದೂ ಸಂಪ್ರದಾಯದಂತೆ ಜಯಕ್ಕ ಅವರ ಅಂತ್ಯ ಸಂಸ್ಕಾರ ನೆರವೇರಿಸಿದ್ದಾರೆ.

ಇದನ್ನೂ ಓದಿ:2 ಕಾರುಗಳ ನಡುವೆ ಭೀಕರ ಅಪಘಾತ : ಮೂವರು ಸ್ನೇಹಿತರು ದುರ್ಮರಣ!

ರಾಜಕೀಯ ಲಾಭಕ್ಕಾಗಿ ಹಿಂದೂ-ಮುಸ್ಲಿಂಮರ ನಡುವೆ ವಿಷ ಬೀಜ ಬಿತ್ತುತ್ತಿರುವವರಿಗೆ ಇದು ತಿಳಿಯಬೇಕು. ಅವರು ಏನೇ ವಿಷ ಬೀಜ ಬಿತ್ತಿದ್ದರೂ ನಾವು ಸಾಮರಸ್ಯದಿಂದ ಇರುತ್ತೇವೆ. ಇಂದಿಗೂ ನಮ್ಮ ರಾಜ್ಯದಲ್ಲಿ ಜಾತ್ಯಾತೀತತೆ, ಸಹೋದರತಾ ಭಾವ ಇದೆ. ನಾವು ಕೋವಿಡ್ ಸಮಯದಲ್ಲಿಯೂ ಇಂತಹ ಸಾಮಾಜಿಕ ಕೆಲಸ ಮಾಡಿದ್ದೇವೆ ಎಂದು ಅಂತ್ಯ ಸಂಸ್ಕಾರ ನಡೆಸಿದ ತನ್ವೀರ್ ಪಾಷ ತಿಳಿಸಿದ್ದಾರೆ.