ಉಪನ್ಯಾಸಕರಿಗೆ ಕೊರೊನಾ: ಬಜ್ಪೆ ಪದವಿ ಪೂರ್ವ ಕಾಲೇಜು ಬಂದ್

ಬಜ್ಪೆ ಸಮೀಪದ ಪದವಿ ಪೂರ್ವ ಕಾಲೇಜಿನ ಉಪನ್ಯಾಸಕರೊಬ್ಬರಿಗೆ ಕೊರೊನಾ ಸೋಂಕು ದೃಢಪಟ್ಟ ಹಿನ್ನೆಲೆ, 7 ದಿನಗಳ ಕಾಲ ಕಾಲೇಜು ಬಂದ್ ಮಾಡಲಾಗಿದೆ.

ಮಂಗಳೂರು:ನಗರದ ಬಜ್ಪೆ ಸಮೀಪದ ಪದವಿ ಪೂರ್ವ ಕಾಲೇಜಿನ ಉಪನ್ಯಾಸಕರೊಬ್ಬರಿಗೆ ಕೊರೊನಾ ಸೋಂಕು ದೃಢಪಟ್ಟ ಹಿನ್ನೆಲೆ, ಕಾಲೇಜನ್ನು ಒಂದು ವಾರದ ಕಾಲ ಬಂದ್‌ ಮಾಡಲಾಗಿದೆ.

ಬಜ್ಪೆ ಪಿಯು ಕಾಲೇಜಿನ ಉಪನ್ಯಾಸಕರು ತರಗತಿ ಆರಂಭದಲ್ಲೇ ಕೋವಿಡ್​ ಪರೀಕ್ಷೆಗೆ ಒಳಗಾಗಿದ್ದರು. ಆದರೆ, ಅವರ ವರದಿ ಬರುವುದು ತಡವಾಗಿತ್ತು. ಈಗ ಬಂದಿರುವ ವರದಿಯಲ್ಲಿ ಕೋವಿಡ್​ ಸೋಂಕು ದೃಢಪಟ್ಟಿದ್ದರಿಂದ 7 ದಿನಗಳ ಕಾಲ ಕಾಲೇಜು ಬಂದ್ ಮಾಡಲಾಗಿದೆ.

ಓದಿ:ಮಂಗಳೂರಿನಲ್ಲಿ 3 ಕಾಗೆಗಳ ಕಳೇಬರ ಪತ್ತೆ: ಹಕ್ಕಿಜ್ವರ ಆತಂಕ

ಉಳಿದ ಉಪನ್ಯಾಸಕರಿಗೂ ಕೊರೊನಾ ತಪಾಸಣೆ ಮಾಡಿಸಲು ತಿಳಿಸಲಾಗಿದ್ದು, ವಿದ್ಯಾರ್ಥಿಗಳ ಆರೋಗ್ಯದಲ್ಲಿ ಬದಲಾವಣೆ ಕಂಡು ಬಂದಲ್ಲಿ ಅವರೂ ತಪಾಸಣೆ ನಡೆಸುವಂತೆ ಆರೋಗ್ಯ ಇಲಾಖೆ ಸೂಚನೆ ನೀಡಿದೆ.