ಸಂಡೇ ಲಾಕ್‌ಡೌನ್: ಮಾಂಸ ಖರೀದಿಗೆ ಬರದ ಗ್ರಾಹಕರು

ಕೊರೊನಾ ಪ್ರಕರಣಗಳು ಹೆಚ್ಚುತ್ತಿರುವ ಇಂದು ಲಾಕ್‌ಡೌನ್ ಜಾರಿ ಮಾಡಲಾಗಿದೆ. ಆದ್ರೆ ಮಾಂಸದಂಗಡಿಗಳು ಎಂದಿನಂತೆ ತೆರೆದಿದ್ದರೂ ಸಹ ಗ್ರಾಹಕರು ಸ್ಟಾಲ್​ಗಳತ್ತ ಮುಖಮಾಡಿಲ್ಲ.

ದಾವಣಗೆರೆ: ಕೊರೊನಾ ಪ್ರಕರಣಗಳು ಹೆಚ್ಚುತ್ತಿರುವ ಹಿನ್ನೆಲೆ ಇಂದು ಲಾಕ್‌ಡೌನ್ ಜಾರಿಯಾಗಿದೆ. ಆದರೆ ಮಟನ್ ಸ್ಟಾಲ್​ಗಳಿಗೆ ವ್ಯಾಪಾರಕ್ಕೆ ಅನುವು ಮಾಡಿಕೊಡಲಾಗಿದೆ.

ರಾಮು ಮಟನ್ ಸ್ಟಾಲ್, ಆಂಜನೇಯ ಮಟನ್ ಸ್ಟಾಲ್ ಸೇರಿದ‌ಂತೆ ನಗರದ ಪ್ರಮುಖ ಮಾಂಸದಂಗಡಿಗಳು ಓಪನ್ ಆಗಿದ್ದವು. ಆದ್ರೆ ಸಂಡೇ ಕರ್ಫ್ಯೂ ಹಿನ್ನೆಲೆಯಲ್ಲಿ ಜನರು ಮನೆಯಿಂದ ಹೊರಬಾರದ ಕಾರಣ ವ್ಯಾಪಾರಿಗಳು ನಷ್ಟ ಅನುಭವಿಸುವಂತಾಯಿತು.

ಕೊರೊನಾ ಭಯದಿಂದ ಮಟನ್​ ಸ್ಟಾಲ್​ಗಳತ್ತ ಬರದ ಜನ ​

ಪ್ರತಿ ಭಾನುವಾರ ಒಳ್ಳೆಯ ವ್ಯಾಪಾರ ಆಗುತ್ತಿತ್ತು. ಕೊರೊನಾ ಸೋಂಕು ಹರಡುವ ಭೀತಿ ಹಿನ್ನೆಲೆಯಲ್ಲಿ ಭಾನುವಾರ ಲಾಕ್​ಡೌನ್ ಗೆ ಸರ್ಕಾರ ನಿರ್ಧರಿಸಿರುವುದರಿಂದ ಜನರು ಇತ್ತ ಸುಳಿಯುತ್ತಿಲ್ಲ.‌ ಇದರಿಂದಾಗಿ ಮಟನ್ ಸ್ಟಾಲ್ ಮತ್ತು ಮೀನು ವ್ಯಾಪಾರ ನಡೆಸುವ ಮಾಲೀಕರು ನಷ್ಟ ಅನುಭವಿಸುವಂತಾಗಿದೆ ಎಂದು ಅಳಲು ತೋಡಿಕೊಂಡರು.